PM મોદીએ ભાજપના દિવ્યાંગ કાર્યકર સાથે ‘ખાસ’ સેલ્ફી લીધી, પોતાના નફામાંથી પાર્ટીને આપે છે ડોનેશન

નવી દિલ્હી: PM મોદી હાલ દક્ષિણ ભારતના પ્રવાસે છે. શનિવારે, તેઓ તેમના બે દિવસીય પ્રવાસના પ્રથમ તબક્કામાં ચેન્નાઈમાં હતા. જ્યારે ચેન્નાઈમાં પીએમ મોદીએ વંદે ભારત ટ્રેનને પણ લીલી ઝંડી બતાવી હતી. આ પછી તેમણે અન્ય એક કાર્યક્રમમાં પણ ભાગ લીધો હતો. પરંતુ ચેન્નાઈમાં પીએમ મોદીના અન્ય કાર્યક્રમોની સાથે એક કાર્યકર સાથેની તેમની સેલ્ફી પણ ચર્ચામાં છે. વાસ્તવમાં, પીએમ મોદીએ પોતે તેમના ટ્વિટર હેન્ડલ પરથી કાર્યકર સાથે લીધેલી આ સેલ્ફીને ટ્વીટ કરી છે. આ ટ્વીટમાં તેમણે આ કાર્યકરના જોરદાર વખાણ પણ કર્યા છે. તમને જણાવી દઈએ કે પીએમ મોદીએ જે ભાજપ કાર્યકર સાથે સેલ્ફી લીધી છે તે દિવ્યાંગ છે અને લાંબા સમયથી ભાજપ સાથે જોડાયેલા છે.

PMએ તમિલનાડુમાં ભાજપના કાર્યકર સાથે સેલ્ફી લીધી
PM મોદીએ તેમના ટ્વિટમાં પાર્ટીના આ કાર્યકરની પ્રશંસા કરી અને લખ્યું કે આ એક ખાસ સેલ્ફી છે… હું ચેન્નાઈમાં ભાજપ તમિલનાડુના કાર્યકર થિરુ એસ મણિકંદનને મળ્યો. તે કર્ણાટકના ઈરોડનો રહેવાસી છે. અને બૂથ પ્રમુખ તરીકે પાર્ટી માટે કામ કરે છે. થિરુ એસ. મણિકંદન દિવ્યાંગ છે પરંતુ તે પોતાની એક દુકાન પણ ચલાવે છે. એટલું જ નહીં, ખાસ વાત એ છે કે તેઓ આ દુકાનમાંથી રોજના નફાનો એક હિસ્સો બીજેપીને આપે છે!

વિપક્ષને ફરી આડેહાથ લીધા
નોંધપાત્ર છે કે પીએમ મોદી તેમના દક્ષિણના રાજ્યો દરમિયાન વિપક્ષ પર જોરદાર પ્રહારો કરી રહ્યા છે. તેમણે શનિવારે તેલંગાણામાં પોતાના સંબોધનમાં કહ્યું હતું કે, કેટલાક રાજકીય પક્ષો સુપ્રીમ કોર્ટમાં ગયા હતા અને માંગ કરી હતી કે તેમના ભ્રષ્ટાચારની તપાસ કરી રહેલી કેન્દ્રીય એજન્સીઓને રોકવામાં આવે. પરંતુ તેમને કોર્ટમાંથી પણ ઝટકો લાગ્યો હતો. થોડા દિવસો પહેલા, કોંગ્રેસ સહિત 14 વિપક્ષી પક્ષોએ સુપ્રીમ કોર્ટમાં અરજી દાખલ કરીને આરોપ લગાવ્યો હતો કે વિપક્ષી નેતાઓ અને અન્ય નાગરિકો જે અસંમતિના તેમના મૂળભૂત અધિકારનો ઉપયોગ કરે છે તેમની વિરુદ્ધ બળજબરીથી ફોજદારી કાર્યવાહીના ઉપયોગમાં ચિંતાજનક વધારો થયો છે. આ યોગ્ય નથી.

તમિલનાડુ સરકાર પર પણ PMના પ્રહાર
પીએમ મોદીએ તેમના સંબોધન દરમિયાન કેસીઆર પર જોરદાર નિશાન સાધ્યું. તેમણે કહ્યું કે, રાજ્ય સરકાર તરફથી કોઈ સહકાર મળી રહ્યો નથી. પીએમ મોદીએ કહ્યું કે, કેન્દ્રની એનડીએ સરકાર તેલંગાણાના નાગરિકોના સપના પૂરા કરવાને પોતાની ફરજ માને છે. દેશભરમાં રેલ્વેને આધુનિક બનાવવાના પ્રયાસોનો ફાયદો તેલંગાણાને મળી રહ્યો છે.