વડાપ્રધાન મોદીએ ખેડૂતોને આપી ખાસ દિવાળીની ગિફ્ટ, ખેતીમાં નવી પદ્ધતિને અપનાવવા સૂચન કર્યું

દિલ્હીઃ વડાપ્રધાન નરેન્દ્ર મોદીએ સોમવારે પીએમ કિસાન સન્માન નિધિ યોજનાનો 12મો હપ્તો જાહેર કર્યો. આ અંતર્ગત 8 કરોડથી વધુ ખેડૂતોના ખાતામાં 16,000 કરોડ રૂપિયા ટ્રાન્સફર કરવામાં આવ્યા છે. આ યોજના હેઠળ, ખેડૂતોના ખાતામાં એક વર્ષમાં 2,000 રૂપિયાના ત્રણ હપ્તા જારી કરવામાં આવે છે.

PM મોદીએ નવી દિલ્હીમાં ભારતીય કૃષિ સંશોધન સંસ્થામાં PM કિસાન સન્માન સંમેલન 2022નું પણ ઉદ્ઘાટન કર્યું છે. જેમાં એગ્રીકલ્ચર સ્ટાર્ટઅપ કોન્કલેવ અને એક્ઝિબિશનનું આયોજન કરવામાં આવ્યું છે. લગભગ 300 સ્ટાર્ટઅપ્સે તેમની ચોકસાઇવાળી ખેતી સંબંધિત નવીનતાઓનું પ્રદર્શન કર્યું છે.

• PM મોદીએ રસાયણ અને ખાતર મંત્રાલય હેઠળ 600 પ્રધાનમંત્રી કિસાન સમૃદ્ધિ કેન્દ્રો (PMKSKs) પણ શરૂ કર્યા.
• આ અંતર્ગત, ખેડૂતોની જરૂરિયાતોને પહોંચી વળવા માટે દેશમાં 3.3 લાખથી વધુ છૂટક ખાતરની દુકાનોને PMKSKમાં રૂપાંતરિત કરવામાં આવશે.

ઈન્ડિયા બ્રાન્ડ યુરિયા લોન્ચ
PM કિસાન સન્માન સંમેલનમાં વડાપ્રધાનના વન નેશન વન ફર્ટિલાઇઝરનું પણ લોન્ચિંગ કરવામાં આવ્યું હતું. આ યોજના હેઠળ વડાપ્રધાને ભારત યુરિયા બેગ્સ લોન્ચ કરી, જે કંપનીઓને “ભારત” નામના સિંગલ બ્રાન્ડ હેઠળ ખાતરનું માર્કેટિંગ કરવામાં મદદ કરશે.

ઈ-મેગેઝિન ‘ઈન્ડિયન એજ’ લોન્ચ
આ ઉપરાંત વડાપ્રધાને ખાતર પર ઈ-મેગેઝિન ‘ઈન્ડિયન એજ’ પણ લોન્ચ કર્યું છે. તે સ્થાનિક અને આંતરરાષ્ટ્રીય ખાતરની સ્થિતિ વિશે માહિતી આપશે. તેમાં તાજેતરના વિકાસ, ભાવ વલણ વિશ્લેષણ, ઉપલબ્ધતા અને વપરાશ, ખેડૂતોની સફળતાની વાર્તાઓનો સમાવેશ થાય છે.

આ કાર્યક્રમમાં કેન્દ્રીય કૃષિ મંત્રી નરેન્દ્ર સિંહ તોમર, કેન્દ્રીય ખાતર અને રસાયણ મંત્રી મનસુખ માંડવિયા પણ હાજર રહ્યા હતા. PM કિસાન સન્માન સંમેલન 2022ના આયોજનનો ઉદ્દેશ્ય દેશભરમાંથી 13,500થી વધુ ખેડૂતો અને લગભગ 1,500 કૃષિ સ્ટાર્ટઅપ્સને એકસાથે લાવવાનો છે.

મહત્ત્વપૂર્ણ મુદ્દાઓ….