Justin Trudeau Update: કેનેડામાં વધી રહેલી ખાલિસ્તાની પ્રવૃતી પર PM મોદી કડક, ટ્રુડોને કડક ચેતવણી આપી

નવી દિલ્હી : MEA એ નિવેદનમાં કહ્યું કે, વડાપ્રધાન મોદીએ કેનેડામાં ઉગ્રવાદી તત્વોની ભારત વિરોધી ગતિવિધિઓને ચાલુ રાખવા અંગે ભારતની આકરી ચિંતાઓથી ટ્રુડોને અવગત કરાવ્યા. આ લગગતાવાદને વધારી રહ્યા છે અને ભારતીય રાજદ્વારીઓની વિરુદ્ધ હિંસા ભડકાવી રહ્યા છે, રાજદ્વારી પરિસરોને નુકસાન પહોંચાડી રહ્યા છે અને કેનેડામાં ભારતીય સમુદાય અને તેમના પુજા સ્થળોની ધમકી આપી રહ્યા છે.

ભારત G-20 શિખર સમ્મેલનનું આયોજક છે

ભારતે 2023 માં G-20 સમિટની અધ્યક્ષતા કરી હતી. રવિવારે G20 ના સમાપનની સાથે જ આવતા વર્ષની અધ્યક્ષતા બ્રાજીલને આપવામાં આવશે. આ સમિટ માટે દિલ્હીમાં સમગ્ર વિશ્વના અનેક રાષ્ટ્રાધ્યક્ષો એકત્ર થયા છે. આ દરમિયાન વડાપ્રધાન નરેન્દ્ર મોદીએ રવિવારે પોતાના કેનેડિયન સમકક્ષ ટ્રુડોને કેનેડામાં ઉગ્રવાદી તત્વોની ભારત વિરોધી ગતિવિધિઓ અંગે ભારતની આખરી ચિંતાઓથી અવગત કરાવ્યા. પીએમ મોદીએ ટ્રુડોનું ધ્યાન તે ખાલિસ્તાની અલગતાવાદીઓની તરફ ખેંચ્યા જે રાજદ્વારી વિરુદ્ધ હિંસા ભડકાવી રહ્યા હતા અને ભારતીયોને ધમકી આપી રહ્યા હતા.

કેનેડાને સરળ શબ્દોમાં પીએમ મોદીએ મોટી વાત કહી દીધી

વિદેશ મંત્રાલયે (MEA) કહ્યું કે, G20 શિખર સમ્મેલન પ્રસંગે ટ્રુડોની સાથે પોતાની વાતચીતમાં મોદીએ એવો પણ ઉલ્લેખ કર્યો કે, ભારત-કેનેડા સંબંધોની પ્રગતિ માટે પરસ્પર સન્માન અને વિશ્વાસ પર આધારિત સંબંધ જરૂરી છે. તેમાં કહેવામાં આવ્યું કે, વડાપ્રધાને આ વાત પર જોર આપ્યું કે, ભારત કેનેડા સંબંધો સંયુક્ત લોકશાહી મુલ્યો, કાયદાના શાસન પ્રત્યે સન્માન અને લોકોની વચ્ચે મજબુતી સંબંધો પર આધારિત છે.

વિદેશ મંત્રાલયે નિવેદન બહાર પાડ્યું

MEA એક નિવેદનમાં જણાવ્યું કે, વડાપ્રધાન મોદીએ કેનેડામાં ચરમપંથી તત્વોની ભારત વિરોધી ગતિવિધિઓને ચાલુ રાખવા અંગે ભારતની ચિંતાઓથી ટ્રુડોને અવગત કરાવ્યા છે. આ અલગતાવાદીઓને વિશ્વસ્ત કરતા રહ્યા છે અને ભારતીય રાજદ્વારીઓની વિરુદ્ધ હિંસા ભડકાવી રહ્યા છે, રાજદ્વારી પરિસરોને નુકસાન પહોંચાડી રહ્યા છે અને કેનેડામાં ભારતીય સમુદાય અને તેમના પુજા સ્થળોને ધમકીઓ આપી રહ્યા છે.

આવી શક્તિઓને પહોંચી વળવા માટે બંન્ને દેશોનું સાથે હોવું જરૂરી

પીએમ ટ્રુડોએ કહ્યું કે, સંગઠીત ગુનાઓ, ડ્રગ સિંડિકેટ અને માન તસ્કરીની સાથે એવી શક્તિઓનું ગઠબંધન કેનેડા માટે પણ ચિંતાનો વિષય હોવો જોઇએ. વિદેશ મંત્રાલયે પોતાના નિવેદનમાં કહ્યું કે, આવા ખતરાઓને પહોંચી વળવા માટે બંન્ને દેશોનો સહયોગ હોવો ખુબ જ જરૂરી છે.

ટ્રુડોએ ખાલિસ્તાની આંદોલનો અંગે કહી મોટી વાત

કેનેડામાં ખાલિસ્તાની તત્વોની વધતી ગતિવિધિઓ અંગે ભારતની ચિંતા અંગે પુછવામાં આવતા ટ્રુડોએ કહ્યું કે, કેનેડા હંમેશા શાંતિપુર્ણ વિરોધની સ્વતંત્રતાની રક્ષા કરશે, જો કે સાથે જ કહ્યું કે, તેઓ હંમેશા હિંસા અટકાવશે અને નફરતને પાછળ ધકેલશે. તેમણે કહ્યું કે, કેનેડા હંમેશા અભિવ્યક્તિની સ્વતંત્રતા, અંતરાત્માની સ્વતંત્રતા અને શાંતિપુર્ણ વિરોધની સ્વતંત્રતાની રક્ષા કરશે અને આ આપણા માટે ખુબ જ મહત્વપુર્ણ છે.

ટ્રુડોએ કહ્યું અમે નફરત રોકવા માટે કટિબદ્ધ

સાથે જ ટ્રુડોએ કહ્યું કે, આપણે હિંસા અટકાવવા અને નફરતને રોકવા માટે હંમેશા હાજર હોય છે. મને લાગે છે કે, સમુદાયના મુદ્દે આ યાદ રાખવું જરૂરી છે કે, કેટલાક લોકોની હરકતો સમગ્ર સમુદાય અથવા કેનેડાનું પ્રતિનિધિત્વ નથી કરતી. કેનેડિયન વડાપ્રધાને કહ્યું કે, ભારત અનેક ક્ષેત્રોમાં કેનેડા એક મહત્વપુર્ણ ભાગીદાર છે. ભારત વિશ્વની એક અસાધારણ રીતે મહત્વપુર્ણ અર્થવ્યવસ્થા છે અને ગ્લોબલ વોર્મિંગ સામે લડવા અંગે નાગરિકો માટે વિકાસ અને સમૃદ્ધિ બનાવવા સુધી દરેક બાબતમાં કેનેડા એક મહત્વપુર્ણ ભાગીદાર છે. કેનેડિયન વડાપ્રધાને કહ્યું કે, બંન્ને પક્ષો હાલના સહયોગનો વિસ્તાર કરવાનું ચાલુ રાખશે. ત્યાર બાદ એક ટ્વિટર પોસ્ટમાં પીએમ મોદીએ કહ્યું કે, તેમણે અને ટ્રુડોએ અલગ અલગ ક્ષેત્રોમાં ભારત-કેનેડા સંબંધોની સમગ્ર શ્રૃખલા અંગે ચર્ચા કરી.

ટ્રુડોએ કર્યું ટ્વિટ

ઉપરાંત કેનેડિયન પીએમ ટ્રુડોએ પણ એક ટ્વીટમાં પોતાની મુલાકાત અંગે માહિતી આપી હતી. તેમણે લખ્યું કે, આજે મે વડાપ્રધાન નરેન્દ્ર મોદી સાથે મુલાકાત કરી. અમે G-20 ની પોતાની પ્રાથમિકતાઓ અંગે વાત કરી. સાથે જ ગત્ત થોડા દિવસોથી થયેલી પ્રગતિ, ગ્લોબલ વોર્મિંગ સામે લડવા, લૈંગિક સમાનતાને આગળ વધારવા, યુક્રેનનું સમર્થન કરવા અને કાયદાના શાસનને જાળવી રાખવા અંગે પોતાના વિચાર રજુ કર્યા.