કોણ હતા ઘૂસણખોર? સંસદ ભવનની અંદર અને બહારથી ચાર લોકોની ઘરપકડ, એક મહિલા પણ સામેલ

Lok Sabha Security Breach : લોકસભામાં ગૃહની કાર્યવાહી દરમિયાન પ્રેક્ષક ગેલેરીમાંથી કૂદીને સાંસદો પર હુમલો કરવાનો પ્રયાસ કરનાર યુવકનું નામ સાગર છે. આ યુવક સ્મોક ગન લઈને આવ્યો હતો જેમાંથી ગનપાવડરની ગંધ આવી રહી હતી.ગૃહમાં હાજર સાંસદોએ મળીને તેને કાબૂમાં લેવાનો પ્રયાસ કર્યો હતો.જે બાદ ગૃહની અંદર હાજર સુરક્ષાકર્મીઓએ આવીને તેમને નિયંત્રણમાં લીધા હતા. સંસદની અંદરથી ઝડપાયેલા યુવકનું નામ સાગર શર્મા હોવાનું જાણવામાં આવી રહ્યું છે. તેઓ મૈસુરના બીજેપી સાંસદના ગેસ્ટ પાસ પર અંદર આવ્યા હતા. બીજીબાજુ સંસદની બહાર એક યુવક અને યુવતીએ ગેસનો છંટકાવ કર્યો અને સૂત્રોચ્ચાર કર્યા.

સંસદ ભવન બહાર પકડાયેલા યુવાનો કોણ છે?

દિલ્હી પોલીસે સંસદની બહારથી પણ બે લોકોની અટકાયત કરી છે. તેમના નામ નીલમ અને અનમોલ શિંદે છે. જેમાં નીલમ 42 વર્ષીય એક મહિલા છે, તે હરિયાણાના હિસારની રહેવાસી છે. બીજા 25 વર્ષીય આરોપીનું નામ અનમોલ શિંદે છે, જે મહારાષ્ટ્રના લાતુરનો રહેવાસી છે. જ્યારે તેની ધરપકડ કરવામાં આવી ત્યારે તે સતત ભારત માતા કી જયના ​​નારા લગાવી રહી હતી. આ સિવાય તેમણે તાનાશાહી બંધ કરોના નારા લગાવ્યા હતા. આ સિવાય તેણે મણિપુરમાં મહિલાઓ પર થતા અત્યાચાર બંધ કરવા માટેના નારા પણ લગાવ્યા હતા. આ પછી તેણે જય ભીમ-જય ભીમના નારા લગાવ્યા.

શું પન્નુની ઘમકી સાથે કોઈ કનેક્શન?

થોડા દિવસ પહેલા જ ખાલિસ્તાની આતંકવાદીઓ દ્વારા સંસદ ભવન પર હુમલો કરવાની ધમકી આપવામાં આવી હતી. તેણે એક વીડિયો જાહેર કરીને કહ્યું હતું કે તે 13 ડિસેમ્બરે દિલ્હીમાં સંસદ ભવન પર હુમલો કરીને જવાબ આપશે. આવી સ્થિતિમાં સંસદની સુરક્ષા વ્યવસ્થા ખૂબ જ ચુસ્ત કરવામાં આવી હતી.

એન્ટી ટેરર ​​યુનિટ સ્પેશિયલ સેલ સંસદ ભવનની અંદર પહોંચ્યું

સંસદની અંદર હંગામો મચાવનારા લોકોની પૂછપરછ કરવા દિલ્હી પોલીસની એન્ટી ટેરર ​​યુનિટ સ્પેશિયલ સેલ પહોંચી છે. આ આરોપીઓની પૂછપરછ કરવામાં આવી રહી છે. આ કેસમાં આતંકવાદી એંગલની તપાસ કરવામાં આવી રહી છે.