Pankaj Udhas Death: મુંબઈની બારમાં કામ કરનારા પંકજ ઉધાસ કેવી રીતે બની ગયા ગઝલ 'સ્રમાટ'?

Pankaj Udhas Death: 'ગઝલ' સમ્રાટ પંકજ ઉધાસનું આજે 72 વર્ષની વયે નિધન થઈ ગયું. તેમના નિધનના સમાચારથી તેમના પરિજનો, સંબંધીઓ અને ફેન્સ ઘેરા શોકમાં સરી પડ્યા છે. જોકે ઘણા ઓછા લોકો તેમના પરિવાર અને કરિયરની શરૂઆત વિશે જાણે છે. પંકજ ઉધાસના મોટા ભાઈ મનહર થિયેટર એક્ટર હતા, જેમના કારણે પંકજ સંગીતના સંપર્કમાં આવ્યા હતા. સ્ટેજ પર તેમનું પ્રથમ પરફોર્મન્સ ભારત-ચીન યુદ્ધ દરમિયાન હતું, જેમાં તેમણે "એ મેરે વતન કે લોગોં" ગાયું હતું, જેના માટે તેમને પ્રેક્ષક દ્વારા 51 રૂપિયાનું ઇનામ આપવામાં આવ્યું હતું.

મુંબઈમાં અભ્યાસ સાથે બારમાં કામ કરતા

ચાર વર્ષ પછી, તેમણે રાજકોટની સંગીત નાટ્ય એકેડમીમાં પ્રવેશ મેળવ્યો અને તબલા વગાડવાનું શીખ્યા હતા. તે પછી, તેમણે મુંબઈની સેન્ટ ઝેવિયર્સ કોલેજમાંથી વિજ્ઞાનમાં સ્નાતકની ડિગ્રી માટે અભ્યાસ શરૂ કર્યો અને શાસ્ત્રીય સંગીતની પ્રેક્ટિસ કરતા હતા અને સમય કાઢીને 'બાર'માં કામ કરવાનું શરૂ કર્યું હતું.

આ પણ વાંચો: Pankaj Udhas Passed Away: જેતપુરમાં ચારણ પરિવારમાં જન્મેલા પંકજ ઉધાસ બોલિવૂડ સુધી કેવી રીતે પહોંચ્યા, જાણો અજાણી વાતો

1972માં આવી પ્રથમ ફિલ્મ

પંકજ ઉધાસની સૌથી પહેલી ફિલ્મ 1972માં આવેલી 'કામના' હતી, જેમાં તેમણે નક્સ લ્યાલપુરીએ લખેલું અને ઉશા ખન્નાએ કમ્પોઝ કરેલું ગીત ગાયું હતું. ત્યારબાદ, તેમણે ગઝલ ગાયકીમાં રસ દાખવ્યો અને ગઝલ ગાયક તરીકે કારકિર્દી બનાવવા માટે ઉર્દૂ પણ શીખી. સફળતા ન મળતાં તેઓ કેનેડા ગયા અને ત્યાં અને અમેરિકામાં નાના-નાના કાર્યક્રમોમાં ગઝલ ગાવામાં સમય પસાર કર્યા પછી તેઓ ભારત આવ્યા. તેમનું પહેલું ગઝલ આલ્બમ આહત હતું જે 1980માં રિલીઝ થયું હતું. અહીંથી તેમને સફળતા મળવા લાગી અને 2009 સુધીમાં તેણે 40 આલ્બમ બહાર પાડ્યા.

આ પણ વાંચો: આ વ્યક્તિને PM Modi એ તમામ પ્રોટોકોલ તોડીને પોતાની ગાડીમાં બેસાડ્યા

ફિલ્મોમાં પણ એક્ટિંગ કરી

1986માં, ઉધાસને ફિલ્મ 'નામ'માં તેની કળા દર્શાવવાની બીજી તક મળી, જેણે તેમને ખૂબ જ ખ્યાતિ આપી. તેમણે પ્લેબેક સિંગર તરીકે કામ કરવાનું ચાલું રાખ્યું હતું, દરમિયાન તેઓ સાજન, યે દિલ્લગી અને ફિર તેરી કહાની યાદ આયી જેવી કેટલીક ફિલ્મોમાં પણ દેખાયા હતા. પંકજ ઉધાસે પાછળથી સોની એન્ટરટેઈનમેન્ટ ટેલિવિઝન પર 'આદબ આરઝ હૈ' નામનો ટેલેન્ટ હન્ટ પ્રોગ્રામ શરૂ કર્યો. બોલિવૂડ એક્ટર જ્હોન અબ્રાહમ પંકજ ઉધાસને તેમના મેન્ટર બતાવે છે.