Pakistan માં ચૂંટણી પહેલા બ્લાસ્ટ, 20થી વધુના મોત અને 40 લોકો ઈજાગ્રસ્ત; જુઓ Video

Pakistan Election 2024: પાકિસ્તાન ચૂંટણીના બરાબર એક દિવસ પહેલા બ્લાસ્ટથી ધ્રૂજી ઉઠ્યું છે. આ બ્લાસ્ટમાં અત્યાર સુધીમાં 20થી વધુ લોકોના મૃત્યુ થયા હોવાના સમાચાર છે. તો 40 જેટલા લોકો ઈજાગ્રસ્ત થયા હોવાનું કહેવામાં આવી રહ્યું છે. આપને જણાવી દઈએ કે, પાકિસ્તાનમાં 8 ફેબ્રુઆરીએ ચૂંટણી યોજાવાની  છે.

પાકિસ્તાન મીડિયા રિપોર્ટ્સ અનુસાર, આ બ્લાસ્ટ બલૂચિસ્તાનના પિશિન જિલ્લાના નોકાંડી વિસ્તારમાં થયો છે. અહીંથી અસફંદ યાર ખાન કાકર (Asfand Yar Khan Kakar) અપક્ષ ઉમેદવાર છે. બપોરે તેમના ચૂંટણી કાર્યાલયની બહાર મોટી સંખ્યામાં લોકો એકઠા થયા હતા. આ દરમિયાન અચાનક જોરદાર બ્લાસ્ટ થયો થયો અને આગ ફાટી નીકળી. બ્લાસ્ટ થતાં લોકોમાં અફરાતફરીનો માહોલ સર્જાયો અને બૂમો પાડતા લોકો અહી તેમ દોડવા લાગ્યા.  બ્લાસ્ટમાં મોટી સંખ્યામાં વાહનોને નુકસાન થયું છે.