‘પહેલાથી ભેંસનું દૂધ કાઢી રાખવું, ચા જલ્દી મોકલવી’ કિટલીવાળાને અધિકારીએ મોકલી આવી નોટિસ!

ફિરોઝ અહેમદ ખાન.ઝાલાવાડઃ રાજસ્થાનના ઝાલાવાડ જિલ્લામાં ચા વેચનારને નોટિસ ફટકારવામાં આવી છે. પંચાયત સમિતિ કચેરીની બહાર ચાની દુકાન ઊભી કરનાર વ્યક્તિને નોટિસ ફટકારી સમયસર ચા લાવવા અંગે તાકીદ કરવામાં આવી છે. જેમાં લખવામાં આવ્યું છે કે જો સમયસર ચા ન આપવામાં આવે તો દુકાન બંધ કરીને બીજે ક્યાંક જવું જોઈએ. હવે આ નોટિસ સોશિયલ મીડિયા પર વાયરલ થતાં પંચાયત કચેરીના અધિકારીઓ અને કર્મચારીઓની મજાક ઉડાવવામાં આવી રહી છે. જો કે આ નોટિસને પંચાયત સમિતિ દ્વારા સમર્થન આપવામાં આવ્યું નથી.

વાસ્તવમાં, મનોહર પોલીસ સ્ટેશન શહેરના તહેસીલ રોડ પર વીરમ ચંદ્ર લોઢાની એક નાની ભાડાની ચાની દુકાન છે. આ દુકાનમાંથી પંચાયત સમિતિની કચેરીમાં પણ ચા મોકલવામાં આવી હતી. 27 જુલાઈના રોજ, વીરમને મનોહરથાના પંચાયત સમિતિ કાર્યાલયના બ્લોક કોઓર્ડિનેટર જય લંકેશની સહીવાળી નોટિસ આપવામાં આવી હતી.

સુરતમાં મોટી દુર્ઘટનાઃ ગેસ ગળતર થતા 4 વ્યક્તિના મોત, 1 સારવાર હેઠળ

નોટિસમાં શું લખ્યું હતું?

આ નોટિસમાં લખવામાં આવ્યું હતું કે, “બીસી મોહન દ્વારા પંચાયત સમિતિની ઓફિસમાં ચા મંગાવવા માટે કોલ કરવામાં આવ્યો હતો. જેનો તમે સંતોષકારક જવાબ આપ્યો નથી. સાથે જ કહ્યું હતું કે ભેંસનું દૂધ કાઢીને ચા લાવીશ. જે તમારી ઘોર બેદરકારી દર્શાવે છે. માટે હવેથી ભેંસનું દૂધ કાઢીને તૈયાર રાખો અને ઓફિસના અધિકારી-કર્મચારી કહે કે તરત ચા લઈ આવજો.

વીરમને નોટિસ મળી

જય લંકેશના નામે આ નોટિસ મળતાં જ વીરમ ડરી ગયો અને આ નોટિસ જોત જોતા જ સોશિયલ મીડિયા પર વાયરલ થઈ ગઈ. નોટિસ મળતા જ વીરમ ઓફિસના અધિકારીઓને મળ્યો હતો. અહીં જય લંકેશ નામનો કોઈ અધિકારી નથી તેવું સામે આવ્યું છે.

એવું કહેવામાં આવી રહ્યું છે કે કોઈએ તોફાન કરવા માટે નોટિસ લખી અને તેને વીરમ સુધી પહોંચાડી. સાથે જ આ અંગે કચેરીના લોકો પાસેથી માહિતી માંગવામાં આવી તો તે લોકો દ્વારા નોટિસની પુષ્ટિ કરવામાં આવી નથી. બીજી તરફ, વીરમનું કહેવું છે કે જે નોટિસ તેની પાસે આવી હતી તે હવે તેની પાસે નથી, તેને ડિલીટ કરી દેવામાં આવી છે.