કોણ છે ભોજપાલી બાબા? જેમણે રામ મંદિર નહીં બને ત્યાં સુધી કુંવારા રહેવાનો લીધો હતો સંકલ્પ, હવે મળ્યું આમંત્રણ

દેશભરમાં 70 વર્ષોથી એક નિર્ણયની રાહ જોવાઈ રહી હતી કે અયોધ્યામાં રામ મંદિર ક્યારે બનશે. રામ મંદિરના નિર્માણ માટે ઘણા લોકોએ પ્રયાસ કર્યા. ઘણા લોકોએ આ માટે મોટા-મોટા સંકલ્પો પણ લીધા. આમાંથી એક છે ભોજપાલી બાબા, જેઓ મધ્ય પ્રદેશના બૈતુલ જિલ્લાના રહેવાસી છે. આ બાબાએ એટલો મોટો સંકલ્પ લીધો હતો કે હવે તેમને જાન્યુઆરીમાં થવા જઈ રહેલા રામ મંદિરના ઉદ્ઘાટન માટે આમંત્રણ મળ્યું છે.

ભોજપાલી બાબાને મળ્યું આમંત્રણ

વાસ્તવમાં, બૈતુલમાં રહીને સનાતન ધર્મનો પ્રચાર કરનાર ભોજપાલી બાબાએ 32 વર્ષ પહેલા રામ મંદિરને લઈને એટલો મોટો સંકલ્પ લીધો હતો કે તેના પછી તેઓ પોતાનો પરિવાર અને ઘર છોડીને સંત બની ગયા. હવે તેમને ભગવાન શ્રી રામના પ્રાણ પ્રતિષ્ઠા મહોત્વ માટે આમંત્રણ મળ્યું છે. જ્યારથી તેમને આમંત્રણ મળ્યું છે ત્યારથી બાબા અને તેમના ભક્તો પણ ખુશ છે.

32 વર્ષ પહેલા લીધો હતો સંકલ્પ

જ્યારથી ભોજપાલી બાબાને આમંત્રણ મળ્યું છે ત્યારથી તેઓ ખુશ છે. તેમણે કહ્યું કે મને વિશ્વાસ નહોતો કે રામલલાના પ્રાણ પ્રતિષ્ઠા મહોત્સવ માટે આમંત્રણ આવશે. આ એ જ ભોજપાલી બાબા છે જેમણે 32 વર્ષ પહેલા સંકલ્પ લીધો હતો કે જ્યાં સુધી રામ મંદિર નહીં બને ત્યાં સુધી તેઓ લગ્ન નહીં કરે. હવે જ્યારે બાબાનો સંકલ્પ પૂરો થઈ ગયો છે ત્યારે ગ્રામજનો તેમને અયોધ્યા મોકલવાની તૈયારી કરી રહ્યા છે.

કોણ છે ભોજપાલી બાબા?

ભોજપાલી બાબા એટલે કે રવિન્દ્ર ગુપ્તા મૂળ ભોપાલ શહેરના રહેવાસી છે. 21 વર્ષની ઉંમરે તેઓ રામ મંદિરના દર્શન કરવા કાર સેવકોની સાથે અયોધ્યા ગયા હતા. આ દરમિયાન જ તેમણે સંકલ્પ લીધો હતી કે જ્યાં સુધી રામ મંદિર નહીં બને ત્યાં સુધી તેઓ લગ્ન નહીં કરે. ફિલોસોફી અને અન્ય વિષયોમાં એમએ કરવાની સાથે જ ભોજપાલી બાબા વકીલ પણ છે.

21 વર્ષને લીધો હતો સંકલ્પ

52 વર્ષના ભોજપાલી બાબાએ 21 વર્ષની ઉંમરે સંત બનવાનો અને લગ્ન ન કરવાનો સંકલ્પ લીધો હતો. આ સાથે તેઓ સાધુ બની ગયા. તેઓ છેલ્લા 10 વર્ષથી મિલનપુર ગામમાં રહે છે અને સનાતન ધર્મનો પ્રચાર કરે છે.