ચમત્કાર: કિંગ ઓફ સાળંગપુર પ્રતિષ્ઠા મહોત્સવ વચ્ચે, યુપીમાં બજરંગબલીની મૂર્તિમાંથી આંસુ નીકળ્યા

લખનઉ : હનુમાન જન્મોત્સવ 6 એપ્રિલ એટલે કે ગુરુવારે ઉજવાશે. આ પહેલા બુધવારે સવારે કાનપુરમાં બજરંગબલીની પ્રતિમામાંથી આંસુ નીકળવાનો વીડિયો સોશિયલ મીડિયા પર વાયરલ થવા લાગ્યો છે. મામલાની નોંધ લેતા ચકેરીના આસિસ્ટન્ટ કમિશનર અમરનાથ યાદવ ટીમ સાથે ઘટનાસ્થળે પહોંચ્યા હતા. મંદિરની અંદર જઈને હનુમાનજીના ચરણ સ્પર્શ કર્યા અને નિરીક્ષણ કર્યું હતું. હનુમાન જન્મોત્સવ પહેલા ઉત્તર પ્રદેશના કાનપુરમાં એક વીડિયો ચર્ચાનો વિષય બન્યો છે. બુધવારે સવારે આ વીડિયો સોશિયલ મીડિયા પર ઝડપથી વાયરલ થયો છે. જેમાં મંદિરની અંદર સ્થાપિત બજરંગબલીની મૂર્તિની આંખોમાંથી આંસુ નીકળતા જોવા મળે છે.

હનુમાનજીની આંખોમાંથી આંસુ આવતા હોવાના સમાચાર વાયુવેગે પ્રસર્યા
હનુમાનજીની આંખોમાંથી આંસુ નીકળવાના સમાચાર મળતા જ મંદિરમાં દર્શન માટે ભક્તોની ભીડ ઉમટી પડી હતી. માહિતી મળતા જ પોલીસ કાફલો ઘટના સ્થળે પહોંચી ગયો હતો. વાયરલ વીડિયો ચકેરી વિસ્તારના કોયલા નગર વિસ્તારમાં સ્થિત બજરંગબલી મંદિરનો છે.અત્રે ઉલ્લેખનીય છે કે, હનુમાન જન્મોત્સવ 6 એપ્રિલ, 2023ના રોજ મનાવવાનો છે. આ પહેલા આ ઘટના અને વીડિયો વાયરલ થતા મંદિરમાં ભક્તોની ભીડ એકઠી થવા લાગી હતી. વીડિયોની નોંધ લેતા ચકેરી વિસ્તારના આસિસ્ટન્ટ પોલીસ કમિશનર અમરનાથ યાદવ તેમની ટીમ સાથે ઘટનાસ્થળે પહોંચ્યા હતા.

ચકેરી પોલીસ સ્ટેશનના કર્મચારીઓ દર્શન કરવા માટે પહોંચ્યા
ચકેરી પોલીસ સ્ટેશનના પોલીસકર્મીઓએ બજરંગબલીના ચરણ સ્પર્શ કર્યા બાદ મંદિરનું નિરીક્ષણ કર્યું હતું. જો કે વીડિયોમાં કરાયેલા દાવાની પુષ્ટિ થઈ નથી – ACP ગયા પછી મંદિરની અંદર હનુમાનજીના ચરણ સ્પર્શ કર્યા અને નિરીક્ષણ કર્યું. પ્રાથમિક તપાસમાં એવું સામે આવ્યું છે કે વાયરલ વીડિયોમાં દાવા પ્રમાણે કંઈ મળ્યું નથી. આ મામલે ACPએ કહ્યું કે તેમણે સ્થળ પર હનુમાનજીના દર્શન કર્યા. વીડિયોમાં કરાયેલા દાવાની તપાસમાં પુષ્ટિ થઈ નથી. વિડિયો ક્યાંથી સર્ક્યુલેટ થયો તેની તપાસ કરવામાં આવશે – વીડિયોની સત્યતા જાણવા એસીપીએસીપી અમરનાથ યાદવે મંદિરનું નિરીક્ષણ કર્યું હતું. એસીપીએ કહ્યું કે, બજરંગબલી પોતે તારણહાર છે. હવે તપાસ કરવામાં આવશે કે અફવા ફેલાવવા માટે વીડિયો કોણે વાયરલ કર્યો હતો. તેમજ તે કયા હેતુથી બનાવવામાં આવ્યો હતો અને વિડિયો ક્યાંથી એડિટ કરવામાં આવ્યો હતો.

જો કે હાલ તો પોલીસે સમગ્ર મામલે તપાસ શરૂ કરી
આ સિવાય જ્યાંથી વીડિયો સર્ક્યુલેટ કરવામાં આવ્યો છે. તેની પણ તપાસ કરવામાં આવશે. હનુમાન જન્મોત્સવને લઈને કરવામાં આવી કડક સુરક્ષા વ્યવસ્થા તમને જણાવી દઈએ કે, હનુમાન જન્મોત્સવ 6 એપ્રિલ 2023ના રોજ ઉજવવામાં આવશે. શ્રી રામના પરમ ભક્ત હનુમાનજીને જ્ઞાન, બુદ્ધિ, વિદ્યા અને શક્તિનું પ્રતિક માનવામાં આવે છે. સાચા હૃદયથી તેમની પૂજા કરવાથી ભક્તના જીવનના તમામ દુ:ખ અને પીડા દૂર થઈ જાય છે. આને લઈને સ્થળે સ્થળે યાત્રાઓ નીકળે છે. બિહાર અને બંગાળમાં રામનવમી નિમિત્તે હિંસાની ઘટનાઓને જોતા ઉત્તર પ્રદેશમાં પોલીસ સુરક્ષાની અનેક વ્યવસ્થા કરવામાં આવી છે. મંદિરોમાં ભારે ભીડ જોવા મળશે. આવી સ્થિતિમાં, સોશિયલ મીડિયા પર કોઈપણ પ્રકારના ભ્રામક વીડિયો અથવા ફોટો વાયરલ કરનારાઓ પર પણ પોલીસ કડક નજર રાખી રહી છે.