Lakshadweep Permit: પરમિટ વગર લક્ષદ્વીપ જવું અશક્ય! જાણો કેટલો ખર્ચ આવશે અને શું છે તેના નિયમો?

Lakshadweep Permit: PM નરેન્દ્ર મોદીની લક્ષદ્વીપના શાંત દ્વીપસમૂહની તાજેતરની મુલાકાતે ભારતમાં વિશેષ રસ પેદા કર્યો છે. લક્ષદ્વીપ પ્રવાસને લઈને પ્રવાસન ક્ષેત્રો પણ ખૂબ સક્રિય બન્યા છે. ઘણી ટ્રાવેલ કંપનીઓ અને એરલાઈન્સે પણ ઓફર્સ આપવાનું શરૂ કરી દીધું છે. અહીં વધુ સારા ડેસ્ટિનેશન પ્લાન બનાવી શકાય છે.

જો તમે પણ લક્ષદ્વીપ જવાનું વિચારી રહ્યા છો, તો તમારે અહીંના નિયમો, પરમિટ અને કુલ ખર્ચ વિશે વિગતવાર જાણવું જોઈએ. આ ઉપરાંત સરકાર દ્વારા જારી કરવામાં આવેલી માર્ગદર્શિકાનું પણ ધ્યાનપૂર્વક જોઈ લેવી જોઈએ. જો તમે લક્ષદ્વીપ જઈ રહ્યા છો અને તમારી પાસે પરમિટ નથી, તો તમે મુશ્કેલીમાં મુકાઈ શકો છો.

લક્ષદ્વીપ જવાના નિયમો શું છે?

1967 માં, લક્ષદ્વીપ, મિનિકોય અને અમીનદીવી ટાપુઓ માટે કેટલાક નિયમો અને શરતો બનાવવામાં આવી હતી. આ અંતર્ગત જે લોકો આ સ્થળોએ નથી રહેતા તેમણે પ્રવેશ અને રહેવા માટે પરમિટ લેવી પડશે. જો કે, સરકારી અધિકારીઓ, સૈનિકો અને તેમના પરિવારોને ટાપુની મુલાકાત લેવા અથવા કામ કરવા માટે પરમિટની જરૂર નથી. બીજી તરફ, લક્ષદ્વીપ સહિત ભારતમાં પ્રવેશવા માટે વિદેશી પ્રવાસીઓ માટે માન્ય પાસપોર્ટ અને ભારતીય વિઝા હોવો ફરજિયાત છે.

પરમિટ મેળવવા માટે કેટલો ખર્ચ થશે?

લક્ષદ્વીપ ટ્રાવેલની અધિકૃત વેબસાઈટ અનુસાર, પૂર્વ પરવાનગીનો હેતુ સ્વદેશી અનુસૂચિત જનજાતિને સુરક્ષિત કરવાનો છે, જેઓ પ્રદેશની લગભગ 95 ટકા વસ્તી ધરાવે છે. 1967 ના નિયમો મુજબ, એન્ટ્રી પરમિટ ફોર્મ ઓનલાઈન ભરી શકાય છે (લક્ષદ્વીપ પરમિટ ફોર્મ) અને તે એડમિનિસ્ટ્રેટરને સબમિટ કરવું જરૂરી છે. અરજી ફી રૂ. 50 પ્રતિ અરજદાર છે, જેમાં 12 થી 18 વર્ષની વયના બાળકો માટે રૂ. 100 અને 18 વર્ષથી વધુ વયની વ્યક્તિઓ માટે રૂ. 200નો વધારાનો ચાર્જ છે.

પોલીસ પાસેથી પણ પરવાનગી લેવી પડશે

ભારતમાં અન્ય સ્થળોએથી આવતા લોકોએ પણ તેમના સંબંધિત જિલ્લાના પોલીસ કમિશનર પાસેથી પોલીસ ક્લિયરન્સ પ્રમાણપત્ર મેળવવું પડશે. આ ઉપરાંત, અરજદારોએ ત્રણ પાસપોર્ટ સાઇઝના ફોટોગ્રાફ્સ સાથે તેમના ID કાર્ડની સ્વ-પ્રમાણિત ફોટોકોપી પણ પ્રદાન કરવાની રહેશે.

લક્ષદ્વીપ જવા માટે કેટલો ખર્ચ થશે?

પીએમ મોદીના લક્ષદ્વીપ પ્રવાસ અને માલદીવના બહિષ્કારનો મુદ્દો ઉઠ્યા બાદ હવે ઘણા લોકો અહીં જવા માટે રસ દાખવી રહ્યા છે. ટ્રાવેલ કંપની મેક માય ટ્રિપના જણાવ્યા અનુસાર, દિલ્હીથી લક્ષદ્વીપ (દિલ્હી-લક્ષદ્વીપ ટૂર પેકેજ) 5 દિવસ અને ચાર રાત માટે જવાનો ખર્ચ લગભગ 25 થી 50 હજાર રૂપિયા છે. જોકે તેનું પ્રારંભિક ટૂર પેકેજ 20 હજાર રૂપિયાનું છે. લક્ષદ્વીપ જવા માટે, તમારે કોચીના અગાટી એરપોર્ટ માટે ટિકિટ બુક કરવી પડશે. લક્ષદ્વીપ જવા માટે કોચી એકમાત્ર એરપોર્ટ છે. અગાટી ટાપુ પહોંચ્યા પછી, તમે બોટ અથવા હેલિકોપ્ટર દ્વારા લક્ષદ્વીપ જઈ શકો છો.