VIDEO : વિપક્ષી સાંસદે રાજ્યસભાના અધ્યક્ષની એક્ટિંગ કરી અને ઉડાવી મજાક, ધનખડે ગણાવી શરમજનક ઘટના

Kalyan Banerjee Makes Mimicry Of Jagdeep Dhankar : ગૃહમાં હોબાળો કરવાના કારણે અત્યાર સુધીમાં 141 સાંસદો સામે કાર્યવાહી કરવામાં આવી છે. જેને લઈ આ સસ્પેન્ડેડ સાંસદો ગૃહની સીડી પાસે બેસીને વિરોધ કરી રહ્યા છે. આ દરમિયાન ટીએમસી સાંસદ કલ્યાણ બેનર્જીએ રાજ્યસભાના અધ્યક્ષ જગદીપ ધનખડની નકલ કરી હતી.તેઓએ રાજ્યસભાના અધ્યક્ષ તરીકે ગૃહ ચલાવવાની તેમની રીતની મજાક ઉડાવી. આ સમયે રાહુલ ગાંધી તેમની સામે ઊભા હતા અને હસતા તેમજ વીડિયો બનાવતા જોવા મળ્યા હતા.

જગદીપ ધનખડ પોતાની નારાજગી વ્યક્ત કરી

જે મામલે જગદીપ ધનખડ પોતાની નારાજગી વ્યક્ત કરી છે. આ સિવાય તેમણે રાજ્યસભામાં પણ આ વાતનો ઉલ્લેખ કર્યો હતો. તેમણે કહ્યું કે મેં હમણાં જ એક ટીવી ચેનલ પર જોયું, જ્યારે એક સાંસદ અધ્યક્ષની મજાક ઉડાવી રહ્યા હતા અને આ દરમિયાન એક મોટો નેતા તેનો વીડિયો બનાવી રહ્યો હતો. આ મામલે હું ભગવાનને પ્રાર્થના કરું છું કે તેને સદ્દબુદ્ધિ આપે. ઉપરાષ્ટ્રપતિ જગદીપ ધનખડ કહ્યું કે, રાજકારણમા પક્ષ અને વિપક્ષ સામે સામે વિરોધ કરી શકે છે પરંતુ આ મામલે ગૃહ અધ્યક્ષને આનાથી દૂર રાખવા જોઈએ.

નામ લીધા વગર જગદીપ ધનખડે રાહુલ ગાંધી પર કર્યા પ્રહાર

અધ્યક્ષ જગદીપ ધનખડ કોઈનું નામ નથી લીધું, પરંતુ રાહુલ ગાંધી જ આ વીડિયો બનાવી રહ્યા હતા. તો સ્પષ્ટ છે કે તેઓ રાહુલ ગાંધીથી નારાજ થયા હતા. કલ્યાણ બેનર્જીએ વિરોધ દરમિયાન જગદીપ ધનખડની સદન ચલાવવાની રીતની મજાક ઉડાવી હતી અને આ જોઈને ઘણા વિપક્ષી સાંસદો હસતા રહ્યા હતા. આ સિવાય રાહુલ ગાંધી પણ હસતા હતા અને પછી થોડી વાર પછી ખિસ્સામાંથી ફોન કાઢીને વીડિયો બનાવવા લાગ્યા.