ભારતની અમેરિકાને ચોખ્ખી ચેતવણી, આતંકવાદી દેશ પાકિસ્તાનને હથિયારો ન વેચી શકાય

નવી દિલ્હી : રાજનાથ સિંહ લોયડ ઓસ્ટિનને મળ્યા હતા. સંરક્ષણ પ્રધાન રાજનાથ સિંહ નવી દિલ્હીમાં માણેકશો સેન્ટર ખાતે યુએસ સંરક્ષણ સચિવ લોયડ ઓસ્ટિનને મળ્યા અને અનેક મુદ્દાઓ પર ચર્ચા કરી. રાજનાથ સિંહ પાકિસ્તાન પર કહ્યું કે, ભારતના સંરક્ષણ પ્રધાન રાજનાથ સિંહ અને યુએસ સંરક્ષણ સચિવ લોયડ ઓસ્ટિન સોમવારે (5 જૂન) નવી દિલ્હીમાં મળ્યા હતા. આ દરમિયાન રાજનાથ સિંહે અમેરિકી રક્ષા મંત્રીને ચેતવણી આપી હતી કે, અમેરિકાએ હથિયારોના મામલે પાકિસ્તાન પર વિશ્વાસ કરવાની ભૂલ ન કરવી જોઈએ. તેમણે કહ્યું, પાકિસ્તાન હથિયારોના મામલામાં બિલકુલ ભરોસાપાત્ર નથી, કારણ કે તે હથિયારો અને ટેક્નોલોજીનો દુરુપયોગ કરી શકે છે.

જે ક્ષેત્રીય અસ્થિરતા તરફ દોરી શકે છે. રાજનાથ સિંહ અને લોયડ ઓસ્ટિન વચ્ચે લગભગ એક કલાક સુધી વાતચીત ચાલી હતી. આ દરમિયાન, ભારત અને યુનાઈટેડ સ્ટેટ્સે તેમના નૌકા સહયોગને મજબૂત કરવાની અને ઈન્ડો-પેસિફિક ક્ષેત્રમાં દરિયાઈ સુરક્ષા વધારવાની જરૂરિયાતને માન્યતા આપી હતી. બંને દેશોએ નેવિગેશનની સ્વતંત્રતાને પ્રોત્સાહન આપવા અને આંતરરાષ્ટ્રીય શિપિંગ લેનની સલામતી સુનિશ્ચિત કરવા માટે તેમની પ્રતિબદ્ધતા વ્યક્ત કરી હતી. પાકિસ્તાનની વિશ્વસનીયતા પર પ્રશ્નો ઉઠાવવામાં આવ્યા હતા. વધુમાં જ્યારે પશ્ચિમી સાધનોના પુરવઠાની વાત આવે ત્યારે ભારતે પાકિસ્તાનની વિશ્વસનીયતા પર પ્રશ્નો ઉઠાવ્યા હતા. તેની ચિંતાઓ પુનરોચ્ચાર કરી હતી.

રાજનાથ સિંહે ભારપૂર્વક જણાવ્યું હતું કે, પાકિસ્તાન પાસે આવા સાધનોનો દુરુપયોગ કરવાનો અને તેને ડાયવર્ટ કરવાનો ઈતિહાસ છે. જે ક્ષેત્રીય સ્થિરતા માટે ખતરો છે. અમેરિકાના રક્ષા મંત્રીએ ચીનની સ્થિતિ અંગે શું કહ્યું?આ દરમિયાન બંને દેશોના સંરક્ષણ મંત્રીઓ વચ્ચે LAC પર ચીનની સ્થિતિ અંગે પણ ચર્ચા થઈ હતી. અમેરિકી રક્ષા મંત્રીએ પ્રેસ કોન્ફરન્સમાં કહ્યું કે, અમે બંને દેશો સાથે વાતચીત કરી છે. અમારો પૂરો ભાર બંને દેશો વચ્ચે તણાવ ન વધે તેના પર છે. આ સાથે ભારતે અમેરિકાને ડિફેન્સ સેક્ટર માટે ભારતમાંથી સોર્સિંગ વધારવા વિનંતી કરી છે. જેથી દેશની આવક વધી શકે.