શું થવા બેઠું છે? કોલકાતા એરપોર્ટ પર ભયાનક આગ, એરપોર્ટમાં અફડાતફડીનો માહોલ

કોલકાતા : બુધવારે રાત્રે નેતાજી સુભાષ ચંદ્ર બોઝ ઈન્ટરનેશનલ એરપોર્ટના ડિપાર્ચર સેક્શનમાં ભીષણ આગ લાગી હતી. આ દરમિયાન આગની જોરદાર જ્વાળાઓ ઉછળતી જોવા મળી હતી. ઘટના અંગે ફાયર બ્રિગેડને જાણ કરવામાં આવતાં દોડી આવી હતી. ફાયર બ્રિગેડની ગાડીઓએ થોડી જ વારમાં આગ પર કાબૂ મેળવી લીધો હતો.

કોલકાતાના નેતાજી સુભાષ ચંદ્ર બોઝ ઈન્ટરનેશનલ એરપોર્ટના ડિપાર્ચર સેક્શનમાં બુધવારે રાત્રે ભીષણ આગ ફાટી નીકળી હતી. આ દરમિયાન આગની જોરદાર જ્વાળાઓ ઉછળતી જોવા મળી હતી. ઘટના અંગે ફાયર બ્રિગેડને જાણ કરવામાં આવતાં દોડી આવી હતી. આ પછી ફાયર બ્રિગેડની ત્રણ ગાડીઓ ઘટનાસ્થળે પહોંચી હતી અને થોડી જ વારમાં આગ પર કાબૂ મેળવી લીધો હતો.

મળતી માહિતી મુજબ આગ ડિપાર્ચર સેક્શનમાં ચેક-ઈન કાઉન્ટર પાસે લાગી હતી. આ પછી વિભાગ 3 પ્રસ્થાન માટે બંધ કરવામાં આવ્યો હતો. શોર્ટ સર્કિટના કારણે આગ લાગી હોવાની આશંકા છે, પરંતુ તપાસ બાદ ચોક્કસ કારણ સ્પષ્ટ થશે. આ માટે ટીમ તપાસ કરી રહી છે. આ ઘટનામાં કોઈ મોટું નુકસાન થયું નથી. ડિપાર્ચર લાઉન્જના ડી પોર્ટલ વિસ્તારમાં રાત્રે 9.10 કલાકે આગ લાગી હતી. ડી પોર્ટલએ એવી જગ્યા છે જ્યાં મુસાફરોને બોર્ડિંગ પાસ મળે છે. આ પછી સુરક્ષા ચેક પોસ્ટના એક ભાગમાં પણ આગ લાગી હતી.

શરૂઆતમાં આગને કાબૂમાં લેવા માટે એરપોર્ટની અંદર ઈનબિલ્ટ ફાયર ફાઈટિંગ સિસ્ટમનો ઉપયોગ કરવામાં આવ્યો હતો, પરંતુ પછી ફાયર બ્રિગેડને બોલાવવામાં આવી હતી. આગ લાગ્યા પછી ઘણા મુસાફરો અને એરલાઈન સ્ટાફને સૌપ્રથમ બહાર કાઢવામાં આવ્યા હતા. એરપોર્ટ ડાયરેક્ટર સી પટ્ટાભીએ જણાવ્યું કે તેઓ સ્થળ પર છે. આગને કાબુમાં લેવામાં આવી છે. કોઈને ઈજા થઈ નથી. આગ લાગવાનું કારણ હજુ સુધી જાણી શકાયું નથી.