કેનેડામાં ફરી હિન્દુ મંદિર પર હુમલો, ખાલીસ્તાની સમર્થકોએ BAPS સ્વામિનારાયણ મંદિરમાં કરી તોડફોડ

Canada BAPS Temple Attack: કેનેડામાં હિન્દુ ધર્મસ્થાનો પર સતત હુમલાઓ વચ્ચે એડમોન્ટનના BAPS સ્વામિનારાયણ મંદિરમાં તોડફોડ કરવામાં આવી હતી. હિંદુ અમેરિકન ફાઉન્ડેશને અહેવાલ આપ્યો છે કે BAPS સ્વામિનારાયણ મંદિર પર વહેલી સવારે ભારત વિરોધી સૂત્રો લખવામાં આવ્યા હતા. તેમજ ભારતીય મૂળના કેનેડિયન સાંસદ ચંદ્ર આર્ય પર હુમલો કરવામાં આવ્યો હતો. આ ઘટના માટે ખાલિસ્તાની સમર્થકો પર આરોપ લગાવવામાં આવી રહ્યો છે.

નેપિયન સાંસદ ચંદ્ર આર્યએ હિંદુ-કેનેડિયન સમુદાયો વિરુદ્ધ હિંસાની વધતી ઘટનાઓ પર ઊંડી ચિંતા વ્યક્ત કરી હતી.  આર્યએ X પરની પોસ્ટમાં જણાવ્યું હતું કે "એડમોન્ટનમાં હિન્દુ મંદિર BAPS સ્વામિનારાયણ મંદિરમાં ફરીથી તોડફોડ કરવામાં આવી છે." છેલ્લા કેટલાક વર્ષોથી, 'ગ્રેટર ટોરોન્ટો એરિયા, બ્રિટિશ કોલંબિયા અને કેનેડામાં અન્ય સ્થળોએ ભારત વિરોધી સૂત્રોચ્ચાર સાથે તોડફોડ કરવામાં આવી રહી છે.'

'હિંદુ કેનેડિયનો ખરેખર ચિંતિત છે'

સાંસદ આર્યએ તેમની પોસ્ટમાં ખાલિસ્તાની ઉગ્રવાદીઓને અપાયેલી છૂટ તરફ ધ્યાન દોર્યું. તેમણે કહ્યું, 'જેમ કે મેં હંમેશા કહ્યું છે કે, ખાલિસ્તાની ઉગ્રવાદીઓ તેમની નફરત અને હિંસાના સાર્વજનિક નિવેદનોથી સરળતાથી બચી જાય છે. હું ફરી એકવાર કહેવા માંગુ છું કે, હિન્દુ કેનેડિયનો ખરેખર નારાજ છે. આ નિવેદનબાજી હિંદુ કેનેડિયનો વિરુદ્ધ હુમલામાં ફેરવાય તે પહેલાં. હું ફરીથી કેનેડિયન કાયદા અમલીકરણ એજન્સીઓને આ મુદ્દાને ગંભીરતાથી લેવા આહ્વાન કરું છું.

મંદિરો પર ભારત વિરોધી સૂત્રો લખવામાં આવ્યા હતા

તમને જણાવી દઈએ કે ગયા વર્ષે વિન્ડસરમાં એક હિંદુ મંદિરની દિવાલ પર ભારત વિરોધી સૂત્રો લખીને નુકસાન પહોંચાડાયું હતું, જેની વ્યાપક નિંદા કરવામાં આવી હતી અને કેનેડિયન અને ભારતીય અધિકારીઓ બંનેએ કાર્યવાહીની માંગ કરી હતી.