આર્થિક તંગીથી છો પરેશાન તો ગુરુવારે જરૂર કરો આ ઉપાય, ધન-ધાન્યથી ભરાઈ જશે ઘર

સનાતન ધર્મમાં અઠવાડિયાનો દરેક દિવસ કોઈને કોઈ દેવી-દેવતાને સમર્પિત છે. ગુરુવારે ભગવાન વિષ્ણુની પૂજા કરવામાં આવે છે. આ સિવાય જો કોઈ વ્યક્તિની કુંડળીમાં ગુરુ દોષ હોય તો જ્યોતિષ શાસ્ત્ર અનુસાર ગુરુવારે ભગવાન વિષ્ણુની પૂજા કરવાનું કહેવામાં આવે છે. કારણ કે કુંડળીમાં હાજર ગુરુ દોષના કારણે વ્યક્તિને કરિયર અને પૈસા સંબંધિત સમસ્યાઓનો સામનો કરવો પડે છે. જો ઘણી મહેનત કર્યા પછી પણ ઘરમાં પૈસાની અછત હોય તો જ્યોતિષ શાસ્ત્રમાં જણાવવામાં આવેલા કેટલાક ઉપાયો ફાયદાકારક સાબિત થઈ શકે છે. ચાલો જાણીએ આ ખાસ ઉપાયો વિશે.

કેળાના ઝાડની પૂજા કરો

એવું માનવામાં આવે છે કે, કેળાના ઝાડમાં સાક્ષાત ભગવાન વિષ્ણુનો વાસ હોય છે. તેથી ગુરુવારે ભગવાન વિષ્ણુ અને કેળાના ઝાડની પૂજા કરવામાં આવે છે. ગુરુવારે ઉપવાસ કરવાથી અને કેળાના ઝાડની પૂજા કરવાથી ઘરમાં સુખ-સમૃદ્ધિ આવે છે. આ વાતનું ખાસ ધ્યાન રાખો કે ગુરુવારે કેળાના ઝાડની પૂજા કરનારે તે દિવસે ભૂલથી પણ કેળાનું સેવન ન કરવું જોઈએ. આમ કરવાથી તમારો ઉપવાસ વ્યર્થ જાય છે.

ભગવાન વિષ્ણુની કરો પૂજા

જો પરિવારમાં પૈસાની સમસ્યા છે અથવા લગ્નમાં અડચણો આવી રહી છે તો ગુરુવારે ભગવાન વિષ્ણુની પૂજા કરવી જોઈએ. જો કુંડળીમાં ગુરુની સ્થિતિ ખરાબ જોવા મળે તો વ્યક્તિએ ગુરવારે ઉપવાસ કરવા જોઈએ. એવું માનવામાં આવે છે કે ઉપવાસ અને વિષ્ણુ ભગવાનની પૂજા કરવાથી કુંડળીમાં ગુરુ ગ્રહ મજબૂત બને છે. આમ કરવાથી લગ્નમાં આવતી અડચણો પણ દૂર થઈ જાય છે.

પીપળના પાનથી કરો આ ઉપાય

ગુરુવારે પીપળના પાન લઈને તેને ગંગાના જળથી ધોઈને શુદ્ધ કરો. ત્યારપછી તે પાન પર રોલી અને સિંદૂર લગાવીને ‘ઓમ શ્રીં હ્રીં શ્રીં નમઃ’ લખો અને તેને સૂકવીને તમારા પર્સમાં રાખો. કહેવાય છે કે, આમ કરવાથી પૈસાની સમસ્યા દૂર થઈ જાય છે. આ સિવાય તમે પર્સમાં ચાંદીનો સિક્કો પણ રાખી શકો છો.

આ વસ્તુઓને તમારા પર્સમાં રાખવાનું ભૂલશો નહીં

જો તમારું પર્સ હંમેશા ખાલી રહે છે, તો ગુરુવારે તાંબાના પત્ર પર અંકિત કુબેર યંત્ર અથવા શ્રી યંત્રને તમારા પર્સમાં રાખો. આ ઉપાય અપનાવવાથી તમારું પર્સ ક્યારેય ખાલી નહીં થાય. આ સિવાય તમારે તમારા પર્સમાં ગોમતી ચક્ર, કૌડી, કેસર અને હળદરના એક ટુકડામાંથી કોઈ પણ એક વસ્તુને તમારા પર્સમાં રાખો.

નોંધ- આ લેખ ફક્ત વાંચકોના રસને ધ્યાનમાં રાખીને શેર કરવામાં આવ્યો છે, તેના સત્ય હોવાની અમે ખાતરી આપતા નથી.