તમિલનાડુમાં ભગવા યાત્રાને લીલીઝંડીઃ RSSના સંચાલન માર્ગને સુપ્રીમ કોર્ટે યોગ્ય માન્યો

સંજય શર્મા.નવી દિલ્હીઃ તમિલનાડુની ડીએમકે સરકારને રાષ્ટ્રીય સ્વયંસેવક સંઘ એટલે કે આરએસએસના પથ સંચલન એટલે કે રૂટ માર્ચના મુદ્દે સુપ્રીમ કોર્ટમાંથી ઝટકો લાગ્યો છે. RSSની રૂટ માર્ચ વિરુદ્ધ રાજ્ય સરકારની અરજી કોર્ટે ફગાવી દીધી હતી. જસ્ટિસ વી રામસુબ્રહ્મણ્યમ અને જસ્ટિસ પંકજ મિત્તલની બેન્ચે આ નિર્ણય સંભળાવ્યો હતો.

મદ્રાસ કોર્ટના નિર્ણયને સુપ્રીમે યોગ્ય માન્યો
તમિલનાડુમાં પ્રસ્તાવિત RSS રૂટ માર્ચ સામે રાજ્ય સરકાર દ્વારા દાખલ કરાયેલી અરજીને ફ્લેગ ઓફ કરીને રૂટ માર્ચ પર રોક લગાવવાનો ઈન્કાર કરતા મદ્રાસ હાઈકોર્ટના નિર્ણયને સુપ્રીમ કોર્ટે માન્ય રાખ્યો છે. રાજ્ય સરકારની અરજી સુપ્રીમ કોર્ટે ફગાવી દીધી હતી. RSS રૂટ યાત્રાને મદ્રાસ હાઈકોર્ટે મંજૂરી આપી હતી.

સલમાન ખાનને ફરીથી જાનથી મારી નાખવાની ધમકી મળી, આ વખતે ફોન કરનારે તારીખ પણ જણાવી

‘સત્તાની પણ એક ભાષા હોય છે’
સુનાવણી દરમિયાન તમિલનાડુ સરકાર તરફથી હાજર રહેલા મુકુલ રોહતગીએ સુપ્રીમ કોર્ટને કહ્યું હતું કે રાજ્ય સરકાર 6 જિલ્લામાં માર્ચની મંજૂરી આપી શકે નહીં. કારણ કે આ વિસ્તારોમાં PFI અને બોમ્બ બ્લાસ્ટ વગેરેનો ખતરો છે. સુનાવણી દરમિયાન સુપ્રીમ કોર્ટે કહ્યું હતું કે લોકશાહીની એક ભાષા હોય છે અને સત્તાની પણ એક ભાષા હોય છે.તમે કઈ ભાષા બોલો છો તે તમે ક્યાં છો તેના પર નિર્ભર કરે છે. સુપ્રીમ કોર્ટના સ્ટેન્ડને જોઈને તે સમયે RSS પ્રસ્તાવિત 5 માર્ચની માર્ચને મોકૂફ રાખવા માટે તૈયાર થઈ ગઈ હતી.