એર ઈન્ડિયાના પ્લેનનું રશિયામાં ઈમરજન્સી લેન્ડિંગ, અમેરિકાએ કહ્યું- પરિસ્થિતિ પર નજર…

નવી દિલ્હી: મંગળવારે દિલ્હીથી સાન ફ્રાન્સિસ્કો જઈ રહેલી એર ઈન્ડિયાની ફ્લાઈટ AI173ના એક એન્જિનમાં ટેકનિકલ ખામી સર્જાઈ હતી. પાયલોટે તરત જ નજીકના રશિયાના મગદાન એરપોર્ટનો સંપર્ક કર્યો અને ફ્લાઇટને ડાયવર્ટ કરવાની પરવાનગી માંગી. આ પછી વિમાનને સુરક્ષિત રીતે લેન્ડ કરવામાં આવ્યું હતું. આ દરમિયાન અમેરિકા પણ સ્થિતિ પર નજીકથી નજર રાખી રહ્યું છે.

ટાટા ગ્રૂપની માલિકીની ખાનગી એરલાઈને ગઈકાલે સાંજે એક નિવેદનમાં જણાવ્યું હતું કે દિલ્હીથી ફ્લાઈટ AI173ને મંગળવારે એન્જિનની ખામીને કારણે રશિયાના મગદાન તરફ વાળવામાં આવી હતી. વિમાન 216 મુસાફરો અને 16 ક્રૂને લઈને સુરક્ષિત રીતે ઉતર્યું હતું.

યુએસ સ્ટેટ ડિપાર્ટમેન્ટના ડેપ્યુટી પ્રવક્તા વેદાંત પટેલે જણાવ્યું હતું કે, “અમારી પાસે યુએસ જનારા એક વિમાન વિશે માહિતી છે જેણે રશિયામાં ઇમરજન્સી લેન્ડિંગ કર્યું હતું. અમે પરિસ્થિતિ પર નજીકથી નજર રાખી રહ્યા છીએ. જો કે, હું આની પુષ્ટિ કરવામાં અસમર્થ છું. “હું અંદાજ લગાવવામાં સક્ષમ નથી. આ સમયે કેટલા યુએસ નાગરિકો બોર્ડમાં હતા.” તેમની દૈનિક પ્રેસ કોન્ફરન્સમાં પત્રકારોને જણાવ્યું હતું.

યુએસ નાગરિકોની કેટલી સંખ્યા
સ્ટેટ ડિપાર્ટમેન્ટના ડેપ્યુટી પ્રવક્તા વેદાંત પટેલે પત્રકારોને જણાવ્યું હતું કે તેઓ યુએસ જતી ફ્લાઈટથી વાકેફ છે જેને રશિયામાં ઈમરજન્સી લેન્ડિંગ કરવું પડ્યું હતું. અમે સ્થિતિ પર નજીકથી નજર રાખી રહ્યા છીએ. જ્યારે પટેલને પૂછવામાં આવ્યું કે પ્લેનમાં કેટલા અમેરિકન નાગરિકો હતા તો તેમણે કહ્યું કે હું અત્યારે એ વાતની પુષ્ટિ કરી શકતો નથી કે ફ્લાઈટમાં કેટલા અમેરિકનો હતા.

પટેલે જણાવ્યું હતું કે વિમાને અમેરિકા આવવા માટે ઉડાન ભરી હતી. તેથી, ચોક્કસપણે એવી સંભાવના છે કે તેમાં યુએસ નાગરિકો પણ છે. તેમણે કહ્યું કે એર ઈન્ડિયા સાથે સતત વાતચીત ચાલી રહી છે. પટેલે કહ્યું કે હું સમજું છું કે મુસાફરો માટે બીજું પ્લેન ઉપલબ્ધ કરાવવામાં આવી રહ્યું છે.