પહેલીવાર ભારત આવશે Elon Musk, PM મોદી સાથે કરશે મુલાકાત, પછી થશે આ જાહેરાત!

Elon Musk: ટેસ્લાના માલિક એલોન મસ્ક આ મહિનાના અંતમાં PM નરેન્દ્ર મોદીને મળવા ભારત આવવાની યોજના બનાવી રહ્યા છે, જ્યાં તેઓ ભારતમાં રોકાણ કરવા અને નવી ફેક્ટરી ખોલવાની તેમની યોજનાઓ અંગે ચર્ચા કરશે તેવી અપેક્ષા છે. રોઇટર્સના અહેવાલમાં કહેવામાં આવ્યું છે કે એલન મસ્ક 22 એપ્રિલથી શરૂ થતા અઠવાડિયામાં ભારતના પ્રવાસ પર હશે. એલોન મસ્ક નવી દિલ્હીમાં ભારતના વડાપ્રધાન નરેન્દ્ર મોદીને મળી શકે છે.

રિપોર્ટમાં કહેવામાં આવ્યું છે કે જો આવું થશે તો ઈલોન મસ્ક પહેલીવાર ભારત આવશે. ઈલોન મસ્ક ટૂંક સમયમાં તેમની ભારત મુલાકાતની જાહેરાત કરશે. એવું માનવામાં આવે છે કે ભારતની મુલાકાત દરમિયાન એલન મસ્ક ભારતમાં તેમની રોકાણ યોજના અને ઇલેક્ટ્રિક કાર પ્લાન્ટની જાહેરાત કરી શકે છે. ભારતીય ગ્રાહકો ટેસ્લા કારની આતુરતાથી રાહ જોઈ રહ્યા છે.

આ પણ વાંચો: 'ગુજરાતનો મુખ્યમંત્રી હતો ત્યારે સવારે 3 વાગ્યે ફોન આવ્યો હતો...', PM મોદીએ વાગોળી જૂની વાતો

ટેસ્લા પ્લાન્ટ માટે જગ્યા શોધી રહી છે

અગાઉ એવું નોંધવામાં આવ્યું હતું કે ટેસ્લાના અધિકારીઓ આ મહિને ભારતની મુલાકાત લે તેવી અપેક્ષા છે જેથી તેઓ ટેસ્લા પ્લાન્ટ માટે કોઈ સ્થળ જોઈ શકે. જો કે હવે ખુદ એલન મસ્કના આવવાના સમાચાર સામે આવ્યા છે. આવી સ્થિતિમાં આ પ્લાન્ટ માટે લગભગ 2 અબજ ડોલરના રોકાણની જાહેરાત કરવામાં આવી શકે છે.

રિલાયન્સ સાથે ડીલની વાત પણ ચાલી રહી છે

થોડા દિવસો પહેલા એવું પણ બહાર આવ્યું હતું કે ટેસ્લા ભારતમાં તેની કામગીરી શરૂ કરવા માટે સ્થાનિક ભાગીદારની શોધમાં છે. ધ હિંદુ બિઝનેસલાઈનના એક અહેવાલ મુજબ, અમેરિકન ઓટો કંપની અહીં પ્લાન્ટ બનાવવા માટે રિલાયન્સ સાથે સંયુક્ત સાહસની શક્યતાઓ શોધી રહી છે. ટેસ્લા માટે સંભવિત સ્થળોમાં ગુજરાત અને મહારાષ્ટ્ર સહિત ઘણા સ્થળોનો સમાવેશ થાય છે. રિપોર્ટમાં દાવો કરવામાં આવ્યો છે કે મહારાષ્ટ્ર સૌથી પસંદગીના સ્થળોમાં સામેલ છે.

આ પણ વાંચો: આ છે દેશના સૌથી ધનિક 10 મંદિર, કમાણી સાંભળીને દંગ રહી જશો

મસ્ક ગયા વર્ષે પીએમને મળ્યા હતા

તમને જણાવી દઈએ કે, ગયા વર્ષે જૂનમાં જ્યારે વડાપ્રધાન નરેન્દ્ર મોદી અમેરિકા ગયા હતા, ત્યારે તેઓ ત્યાં ઈલોન મસ્કને મળ્યા હતા. ટેસ્લાની જેમ, કંપનીએ ગયા વર્ષે જુલાઈમાં કહ્યું હતું કે તે $24,000ની કિંમતની EVsનું ઉત્પાદન કરવા માટે ભારતમાં ફેક્ટરી બાંધવામાં રસ ધરાવે છે. એલોન મસ્કે 2019ની શરૂઆતમાં ભારતમાં રોકાણ કરવા માટે સૌપ્રથમ રસ દર્શાવ્યો હતો. જો કે, તેમણે ઊંચા આયાત કર અંગે વાંધો ઉઠાવ્યો હતો.

પરંતુ ભારત સરકાર સ્પષ્ટપણે કહે છે કે જો ટેસ્લા ભારતમાં મેન્યુફેક્ચરિંગ પ્લાન્ટ સ્થાપશે તો રાહતો પર વિચાર કરવામાં આવશે. સરકારે ટેસ્લાને ભારતમાં ચીની બનાવટની કાર વેચવાની પરવાનગી આપી નથી. સરકારે એલોન મસ્કની કંપનીને દેશમાં મેન્યુફેક્ચરિંગ પ્લાન્ટ સ્થાપવા કહ્યું હતું જેથી સ્થાનિક વેચાણ અને નિકાસ માટે ઉત્પાદન કરી શકાય.