પરિવારવાદના મુદ્દે Amit Shah ના વિપક્ષ પર આક્રમક પ્રહાર, કોંગ્રેસને લઈ કહી આ વાત

BJP National Convention Second Day: ભાજપના રાષ્ટ્રીય અધિવેશનમાં ગૃહમંત્રી અમિત શાહે વિપક્ષો પર પરિવારવાદી હોવાનો આરોપ લગાવીને આકરા પ્રહારો કર્યા હતા. તેમણે આરોપ લગાવ્યો કે કોંગ્રેસે પરિવારવાદને પ્રોત્સાહન આપ્યું અને INDI એલાયન્સ એટલે  પરિવારવાદી પક્ષોનું ઘમંડી ગઠબંધન. જ્યારે તેમની પાર્ટીઓમાં લોકશાહી નથી તો દેશમાં લોકશાહી કેવી રીતે રાખશે.

I.N.D.I.  એક ઘમંડી ગઠબંધન 

INDI ગઠબંધન પર પ્રહાર કરતા અમિત શાહે કહ્યું કે તેમાં સામેલ તમામ પક્ષો કૌભાંડોમાં ડૂબેલા છે. દિલ્હીમાં આમ આદમી પાર્ટી અનેક કૌભાંડો કર્યા છે. પાંડવો અને કૌરવોની જેમ લોકસભાની ચૂંટણી પહેલા બે શિબિર બની છે. મોદીના નેતૃત્વમાં પ્રથમ પડાવ એનડીએ ગઠબંધન છે, રાષ્ટ્ર પ્રથમ આપણા જોડાણનો આધાર છે. જ્યારે ઇન્ડી નું જોડાણ વંશવાદને પોષે છે. આગામી ચૂંટણી ડેવલપમેન્ટ એલાયન્સ અને ડાયનેસ્ટિક એલાયન્સ વચ્ચે થશે.

સોનિયાનું લક્ષ્ય પુત્રને PM બનાવવાનું

ગૃહમંત્રીએ કહ્યું, સોનિયા ગાંધીનો ઉદ્દેશ્ય રાહુલ ગાંધીને પીએમ બનાવવાનો છે, શરદ પવારનો ઉદ્દેશ્ય તેમની પુત્રીને સીએમ બનાવવાનો છે, ઉદ્ધવ ઠાકરેનો હેતુ તેમના પુત્રને સીએમ બનાવવાનો છે, લાલુ યાદવનો ઉદ્દેશ્ય તેમના પુત્રને સીએમ બનાવવાનો છે અને મુલાયમને સિંહ યાદવનો ઉદ્દેશ્ય તેમના પુત્રને સીએમ બનાવવાનો છે. તેમણે કહ્યું કે જો ભાજપ પરિવાર લક્ષી પાર્ટી હોત તો ચા વેચનારનો પુત્ર ક્યારેય પીએમ ન બન્યો હોત. લોકશાહીમાં દરેકને સમાન તકો મળે તે જરૂરી છે.