UP સોસાયટીમાં મોર્નિંગ વોક કરી રહેલા નેતાની ધડાધડ ફાયરિંગ કરીને હત્યા

નવી દિલ્હી : નવા મુરાદાબાદની પાર્શ્વનાથ પ્રતિભા સોસાઇટીમાં ગુરૂવારે ભાજપ નેતા અને અસમોલીના ક્ષેત્ર પંચાયત સભ્ય અનુજ ચૌધરીની તાબડતોબ ફાયરિંગ કરીને હત્યા કરી દેવામાં આવી. એપાર્ટમેન્ટ પરિસરમાં ઘુસીને બાઇક સવાર ત્રણ બદમાશોને દુસ્સાહસિક દુર્ઘટના બની હતી. દુર્ઘટના સમયે અનુજ પોતાના મિત્રની સાથે ફરી રહ્યા હતા. એસએસપી હેમરાજ મીણા સહિત અન્ય પોલીસ અધિકારીએ ઘનટા સ્થળ અને હોસ્પિટલ પહોંચીને માહિતી લીધી. દુર્ઘટના અંગે તપાસ સમિતી બનાવવામાં આવી છે.

નામજોગ ફરિયાદ દાખલ કરવામાં આવી

ઘટનામાં પરિવારજનોએ અસમોલી બ્લોક પ્રમુખ સંતોષ દેવીના પતિ પ્રભાકર, પુત્ર અનિકેત સહિત ચાર નામજોગ અને અજાણ્યા લોકો વિરુદ્ધ હત્યાનો કેસ દાખલ કરાવ્યો છે. હત્યાનું કારણ ચૂંટણી દરમિયાન થયેલા વિવાદને કારણ ગણાવ્યું હતું. સંભલના એચોડા કમ્બોહ પોલીસ સ્ટેશન વિસ્તારના ગામ નેકપુર અલિયા નિવાસી અનુજ ચૌધરી (28) બીડીસી સભ્ય હતા. તેમણે ભાજપની ટિકિટ પર એસેમ્બલીથી બ્લોક પ્રમુખની ચૂંટણી પણ લડી હતી. ગત્ત થોડા વર્ષોથી તેઓ મઝોલા પોલીસ સ્ટેશન વિસ્તારના નવા મુરાદાબાદ ખાતેના પોતાના મકાનમાં રહેતા હતા.

સોસાયટીમાં વોક દરમિયાન જ થયું ફાયરિંગ

ગુરૂવારે સાંજે આશરે 6 વાગ્યે અનુજ પોતાના સાથી પુનીત ચૌધરીની સાથે સોસાયટીની અંદર જ વોક કરી રહ્યા હતા. જ્યારે તેમનો સરકારી ગનર ફ્લેટમાં હતો. દરમિયાન સોસાયટીના ગેટ નંબર 2થી ઘુસેલી બાઇક પર આવેલા ત્રણ અજાણ્યા શખ્સોએ અનુજ પર ફાયરિંગ કરી નાખ્યું હતું. ત્રણ ગોળી લાગવાને કારણે અનુજ લોહીલુહાણ સ્થિતિમાં રસ્તા પર પડી ગયા હતા. જ્યારે તેમની સાથે રહેલા પુનિતને પણ છરા વાગ્યા હતા.