ભાજપ અને કોંગ્રેસ ગઠબંધન માટે કરી રહ્યા છે પડાપડી, કુમારસ્વામી સિંગાપુર જતા રહ્યા

બેંગ્લુરૂ : જેડીએસના એચડી કુમારસ્વામી સિંગાપુર જવા રવાના થઈ ગયા છે. અહેવાલ છે કે તે સારવાર માટે સિંગાપોર ગયા છે અને પરિણામના દિવસે સાંજ સુધીમાં પરત આવી શકે છે. શનિવારે 224 વિધાનસભા સીટોના પરિણામ જાહેર થવા જઈ રહ્યા છે. કર્ણાટક વિધાનસભા ચૂંટણીના પરિણામો શનિવારે આવવાના છે. મોટાભાગના એક્ઝિટ પોલમાં કોઈ પક્ષને બહુમતી નહીં મળે તેવું કહેવામાં આવ્યું છે. આવી સ્થિતિમાં જેડીએસ કિંગમેકર બને તેવી શક્યતા છે. જેના કારણે કોંગ્રેસ અને ભાજપ જેવા પક્ષો હાલથી સક્રિય છે. બંને પક્ષો ચૂંટણી પછીના ગઠબંધન પર નજર રાખી રહ્યા છે, પરંતુ આ દરમિયાન જેડીએસના એચડી કુમારસ્વામી સિંગાપુર જવા રવાના થઈ ગયા છે. અહેવાલ છે કે તે સારવાર માટે સિંગાપોર ગયો છે અને પરિણામના દિવસે સાંજ સુધીમાં પરત આવી શકે છે. રાજ્યની 224 વિધાનસભા સીટોના પરિણામ શનિવારે જાહેર થવા જઈ રહ્યા છે.

માત્ર ઈન્ડિયા ટુડે-માય એક્સિસ અને ચાણક્ય ટુડેએ કોંગ્રેસ માટે સ્પષ્ટ બહુમતીનું અનુમાન કર્યું છે. પરંતુ અન્ય તમામમાં કોઈ પણ પોતાના દમ પર સરકાર બનાવવાની આગાહી નથી. સૂત્રોના જણાવ્યા અનુસાર એચડી કુમારસ્વામી મેડિકલ કારણોસર સિંગાપુર ગયા છે. તે 13 મેના રોજ જ પરત ફરશે, ત્યાં સુધીમાં તમામ સીટોના પરિણામો આવી ગયા હશે. એવું કહેવામાં આવી રહ્યું છે કે કોંગ્રેસ અને ભાજપ બંનેએ તેમની પાર્ટી જનતા દળ સેક્યુલરનો સંપર્ક કર્યો છે. જેડીએસ નેતાએ કહ્યું, “કુમારસ્વામી તેમના મિત્રો સાથે સિંગાપોરમાં આરામ કરી રહ્યા છે. પરંતુ બંને પક્ષોએ તેમનો સંપર્ક કર્યો છે.

એટલું જ નહીં, જેડીએસ નેતાએ કહ્યું કે અમે નિર્ણય લીધો છે કે, જો કોઈને બહુમતી નહીં મળે તો કોની સાથે જવું, પરંતુ યોગ્ય સમયે તેની જાહેરાત કરવામાં આવશે. કુમારસ્વામીએ પોતે તેમના તમામ ઉમેદવારો સાથે વાત કરી છે અને તેમને ખાતરી આપી છે કે જો કોઈને બહુમતી નહીં મળે તો અમે સરકારની રચનામાં મહત્વની ભૂમિકા ભજવીશું. પાર્ટીના નેતાઓએ કહ્યું કે કુમારસ્વામી માટે સિંગાપોરથી કોંગ્રેસ અને બીજેપી સાથે વ્યવહાર કરવાનું સરળ બનશે કારણ કે તેમની દરેક હિલચાલ પર બેંગલુરુમાં નજર રાખવામાં આવશે.

જેડીએસના પ્રવક્તા તનવીર અહેમદે કહ્યું, “બંને રાષ્ટ્રીય પક્ષોએ અમારો સંપર્ક કર્યો છે. પરંતુ કુમારસ્વામી યોગ્ય સમયે પોતાનો અભિપ્રાય વ્યક્ત કરશે. તેમણે કહ્યું કે પાર્ટીએ પહેલાથી જ નક્કી કરી લીધું છે કે આપણે કોની સાથે સરકાર બનાવવી છે. જોકે આ અંગે પણ મતભેદો છે. પાર્ટીના પ્રદેશ અધ્યક્ષ સીએમ ઈબ્રાહિમે કહ્યું કે અમે હજુ કંઈ નક્કી કર્યું નથી. તનવીર અહેમદ અમારી પાર્ટીના સભ્ય પણ નથી. તેના શબ્દો કેવી રીતે સાચા હોઈ શકે? પરિણામ આવ્યા બાદ જ અમે નિર્ણય લઈશું.