Ram Mandir: રામ મંદિરમાં દર્શન સમયમાં મોટો ફેરફાર, ભક્તોની ભીડ ન થાય તે માટે બનાવવામાં આવ્યો ખાસ પ્લાન

Ram Temple Darshan: 22 જાન્યુઆરીએ પ્રાણ પ્રતિષ્ઠા થયા બાદ રામ લલ્લાના દર્શન કરવા લાખો ભક્તો સતત અયોધ્યા આવી રહ્યા છે. 23 જાન્યુઆરીએ પાંચ લાખથી વધુ શ્રદ્ધાળુઓએ દર્શન કર્યા હતા, જ્યારે 24 જાન્યુઆરીએ તેમની સંખ્યા ત્રણ લાખથી વધુ હતી. રામનગરમાં સતત આવતા રામભક્તોની સુવિધા માટે રામ મંદિરમાં દર્શન અને પૂજાનો સમય વધારી દેવામાં આવ્યો છે. હવે ભક્તો સવારે 6 થી 10 વાગ્યા સુધી રામલલાના દર્શન કરી શકશે. અગાઉ સવારે 7 વાગ્યાથી સાંજના 7 વાગ્યા સુધી જ દર્શન થઈ શકતા હતા.

જાણો ક્યારે કરી શકશે રામલલાના દર્શન

-બ્રહ્મ મુહૂર્તમાં 3 વાગ્યાથી ગર્ભગૃહની સફાઈ, પૂજા અને શણગારની તૈયારીઓ કરવામાં આવશે
-નિયત સમયે 3.30 થી 4 વાગ્યાની આસપાસ ભગવાનની મૂર્તિઓ અને શ્રીયંત્રને મંત્રોચ્ચાર સાથે જગાડવામાં આવશે
-ત્યારબાદ મંગળા આરતી કરવામાં આવશે. આ પછી મૂર્તિઓના અભિષેક અને શણગાર કરવામાં આવશે
-ત્યારબાદ શ્રૃંગાર આરતી થશે અને સવારે 6 વાગ્યાથી દર્શન શરૂ થશે
-બપોરે લગભગ 1 કલાકે ભોગ આરતી થશે
-બપોરે બે કલાક દર્શન બંધ થઈ જશે
-બપોરે 3 વાગ્યાથી દર્શન ફરી ખુલશે, જે રાત્રે 10 વાગ્યા સુધી ચાલુ રહેશે
-સાંજે સાત વાગ્યે સંધ્યા આરતી થશે, રામલલાને દર કલાકે ફળ અને દૂધ ચઢાવવામાં આવશે

મંદિરમાં એન્ટ્રી-એક્ઝિટ પ્લાન બનાવવામાં આવ્યો

મોબાઈલ ફોન અને શૂઝ રાખવા માટે 8000 લોકર બનાવવામાં આવ્યા છે. સાત ઓટોમેટિક લગેજ એક્સ-રે સ્કેનર લગાવવામાં આવ્યા છે અને મંદિરમાં એન્ટ્રી-એક્ઝિટ પ્લાન બનાવવામાં આવ્યો છે, જેથી ભક્તોની ભીડ એક જગ્યાએ એકઠી ન થાય.

5 લાખ શ્રદ્ધાળુઓએ કર્યા રામલલાના દર્શન

શ્રી રામ જન્મભૂમિ તીર્થ ક્ષેત્ર ટ્રસ્ટના જણાવ્યા અનુસાર, મંગળવારે લગભગ 5 લાખ ભક્તોએ રામલલાના દર્શન કર્યા હતા. સોમવારે રામ મંદિરની પ્રાણ પ્રતિષ્ઠા સંપન્ન થઈ હતી. પ્રાણ પ્રતિષ્ઠા કાર્યક્રમના બીજા દિવસે મંદિરના દરવાજા સામાન્ય લોકો માટે ખોલવામાં આવ્યા હતા. જેમાં પ્રથમ દિવસે જ લગભગ 5 લાખ ભક્તો ત્યાં પહોંચ્યા હતા અને રામલલાના દર્શન કર્યા હતા.

રામ મંદિરને એક દિવસમાં 3 કરોડ 17 લાખ રૂપિયાથી વધુનું દાન મળ્યું

અયોધ્યામાં શ્રી રામની જન્મ ભૂમિ પર બનેલ ભવ્ય દિવ્ય રામ મંદિરની પ્રાણ પ્રતિષ્ઠા થયા બાદ દેશ દુનિયાના રામ ભક્તો દિલ ખોલીને દાન કરી રહ્યા છે. રામ મંદિરને એક દિવસમાં 3 કરોડ 17 લાખ રૂપિયાથી વધુનું દાન મળ્યું છે. આ જાણકારી શ્રી રામ જન્મભૂમિ તીર્થ ક્ષેત્ર ટ્રસ્ટના ટ્રસ્ટી ડોક્ટર અનિલ કુમાર મિશ્રાએ આપી છે.