લવ જેહાદના કારણે આંતરરાષ્ટ્રીય ખેલાડીની આત્મહત્યા, અબ્દુલે રાજન બનાવીને ફસાવી અને…

નવી દિલ્હી : બેઝબોલ નેશનલ પ્લેયર સંજનાના આત્મહત્યા કેસમાં હવે સનસનાટીભર્યા ખુલાસા સામે આવ્યા છે. પોલીસે આ કેસમાં રાજન ઉર્ફે અબ્દુલ મન્સૂરીની ધરપકડ કરી છે. તે વીડિયો દ્વારા સંજનાને બ્લેકમેલ કરતો હતો. બેઝબોલ નેશનલ પ્લેયર સંજનાના આત્મહત્યા કેસમાં હવે સનસનાટીભર્યા ખુલાસા સામે આવ્યા છે. પોલીસે આ કેસમાં રાજન ઉર્ફે અબ્દુલ મન્સૂરીની ધરપકડ કરી છે. પોલીસના જણાવ્યા અનુસાર સંજનાએ એક વર્ષ પહેલા અબ્દુલ સાથે સોશિયલ મીડિયા પર મિત્રતા કરી હતી. આરોપી સંજનાને મળવા જબલપુર પણ આવ્યો હતો. પરંતુ બાદમાં જ્યારે બંને વચ્ચે અણબનાવ થયો ત્યારે અબ્દુલે સંજનાની કેટલીક તસવીરો અને વીડિયો સોશિયલ મીડિયા પર શેર કર્યા. તેણીને બ્લેકમેલ પણ કરતો હતો.

રાષ્ટ્રીય ખેલાડી સંજના મધ્યપ્રદેશના શિવનીની રહેવાસી હતી. તેણે 5 જૂને જબલપુરમાં ફાંસો ખાઇને આત્મહત્યા કરી હતી. સંજનાના પિતાનો આરોપ છે કે, સંજનાએ રાજન નામના છોકરા સાથે મિત્રતા કરી હતી. જે રીવાનો રહેવાસી છે. તેણે પહેલા પોતાનું નામ રાજન જણાવ્યું હતું પરંતુ પછી ખબર પડી કે તે મુસ્લિમ છે. આ પછી સંજનાએ તેની સાથે મિત્રતા તોડી નાખી. સંજનાના માતા-પિતાનું કહેવું છે કે, પુત્રીએ તેમને કહ્યું હતું કે અબ્દુલ તેમની મિત્રતા ખતમ કર્યા બાદ તેના પર દબાણ કરી રહ્યો હતો. મિત્રતા ન નિભાવવા પર અબ્દુલે તેનો એક વીડિયો સોશિયલ મીડિયા પર અપલોડ કર્યો હતો. પિતાની ફરિયાદ બાદ પોલીસે તપાસ આગળ ધપાવી છે અને ઘણા મહત્વના પુરાવા મળ્યા બાદ આરોપીની ધરપકડ કરવામાં આવી છે.

અબ્દુલ રીવામાં ફળોનો સ્ટોલ લગાવે છે. પોલીસ તેની રીવાથી ધરપકડ કરીને જબલપુર લાવી હતી. અહીં તેની પૂછપરછ કરવામાં આવી રહી છે. પોલીસ તપાસ કરી રહી છે કે તે વીડિયોમાં એવું શું હતું જેણે સંજનાને આટલી પરેશાન કરી હતી. પૂછપરછ દરમિયાન પોલીસને ખબર પડી કે સંજના અને અબ્દુલની મિત્રતા ઈન્સ્ટાગ્રામ દ્વારા થઈ હતી. અબ્દુલે ઇન્સ્ટાગ્રામ પર રાજન નામથી પોતાનું એકાઉન્ટ બનાવ્યું હતું. એવું કહેવામાં આવી રહ્યું છે કે સંજનાને પછીથી તેની સાચી ઓળખની ખબર પડી અને તેના કારણે તેણે મિત્રતાનો અંત લાવ્યો. પોલીસ અબ્દુલના ફોન પરથી એ જાણવાનો પ્રયાસ કરી રહી છે કે તે કેવી રીતે સંજનાને બ્લેકમેલ કરતો હતો.

મધ્યપ્રદેશના ગૃહમંત્રી નરોત્તમ મિશ્રાએ કહ્યું કે, પોલીસે આ મામલામાં તાત્કાલિક કાર્યવાહી કરી હતી. આરોપી રીવાનો રહેવાસી છે. પોલીસે તેની ધરપકડ કરી જેલમાં મોકલી આપ્યો હતો. ઉંડાણપૂર્વક તપાસ કરવામાં આવી રહી છે. મને લાગે છે કે આવતીકાલ સુધીમાં તમામ મુદ્દા, તેનો મોબાઈલ અને તેણે જે કહ્યું અને સાંભળ્યું અને છોકરીના તમામ મુદ્દા બહાર આવી જશે.’ જ્યારે તેમને પૂછવામાં આવ્યું કે શું આ લવ જેહાદનો મામલો છે, જેમ કે પરિવાર આરોપ લગાવી રહ્યો છે, તો નરોત્તમ મિશ્રાએ કહ્યું કે જે પણ આરોપો લગાવવામાં આવી રહ્યા છે તે અમારી સમજમાં છે અને તપાસમાં તમામ મુદ્દાઓ આવરી લેવામાં આવ્યા છે.