બહેનને પરીક્ષામાં પાસ કરાવવા ભાઈ બન્યો 'નકલી પોલીસ', જુઓ કેવી રીતે ફૂટ્યો ભાંડો

fake police maharashtra: મહારાષ્ટ્રના અકોલામાં  (Akola) એક ચોંકાવનારો કિસ્સો સામે આવ્યો છે. અહીં, એક યુવકે 12માની પરીક્ષામાં તેની બહેનને ચોરી કરવા માટે નકલી પોલીસ (Fake cops) બન્યો હતો. જ્યારે તેણે પરીક્ષા કેન્દ્ર પર અધિકારીઓને સલામી આપી ત્યારે તે સલામ કરવાની રીતમાં ઝડપાઈ ગયો હતો. 

ખોટી સલામીએ નકલી પોલીસનો ભાંડો ફોળ્યો

મળતી માહિતી મુજબ, અકોલાના પાતુર શહેરની શાહબાબુ ઉર્દૂ હાઈસ્કૂલમાં 12માની પરીક્ષા  (12th Board Exam)  યોજાવાની હતી. અહીં એક યુવક પરીક્ષા દરમિયાન પોલીસ યુનિફોર્મ પહેરીને સેન્ટર પર પહોંચ્યો હતો. જ્યારે વરિષ્ઠ અધિકારી પરીક્ષા કેન્દ્ર પર પહોંચ્યા ત્યારે તેમણે સલામી આપી હતી. તે સલામ યોગ્ય રીતે ન કરવા બદલ પકડાયો હતો.

બહેનને પાસ કરાવવા ભાઈ બન્યો નકલી પોલીસ 

અધિકારીઓએ જણાવ્યું કે ધરપકડ કરાયેલા 24 વર્ષીય આરોપીનું નામ અનુપમ મદન ખંડારે છે. તે પાંગરા બાંડીનો રહેવાસી છે. તેની બહેનની પરીક્ષા પાતુરની શાહબાબુ હાઈસ્કૂલમાં હતી. અનુપમ ખંડારે પોલીસનો યુનિફોર્મ પહેરીને આ પરીક્ષા કેન્દ્ર પહોંચ્યા હતા.

યુવકે પહેરેલ યુનિફોર્મ પરની નેમ પ્લેટ પણ ખોટી હતી

આરોપી તેની બહેનને કોપી કરાવવા (Exam Cheating Copy Case)  માટે પરીક્ષા કેન્દ્રની આસપાસ ફરવા લાગ્યો હતો. ત્યારે સુરક્ષા માટે પાતુર પોલીસ સ્ટેશનના પોલીસ ઈન્સ્પેક્ટર કિશોર શેલ્કે તેમની ટીમ સાથે પરીક્ષા કેન્દ્ર પર પહોંચ્યા હતા. વરિષ્ઠ પોલીસ અધિકારીઓને જોઈને અનુપમે તેમને સલામી આપી, પરંતુ તેમની સલામી જોઈને પોલીસને શંકા ગઈ.

આરોપી યુવકે પહેરેલ યુનિફોર્મ પરની નેમ પ્લેટ પણ ખોટી હતી. આ બધું પ્રકાશમાં આવ્યા બાદ પોલીસે તેની તપાસ કરી હતી. આ પછી, તેની પૂછપરછ કરવામાં આવી હતી અને તલાશી લેતા તેના ખિસ્સામાંથી અંગ્રેજી ભાષાની નકલ મળી આવી હતી. આ પછી પોલીસે તેની સામે વિવિધ કલમો હેઠળ કેસ નોંધીને તેની ધરપકડ કરી હતી.