એર ઈન્ડિયાનો પાઇલટ ગર્લફ્રેન્ડને લઈ ગયો કોકપિટમાં, હવે થશે કાર્યવાહી

નવી દિલ્હી: છેલ્લા ઘણા સમયથી ફ્લાઇટમાં અજીબ અજીબ ઘટના સામે આવી રહી છે. ત્યારે વધુ એક અજીબ ઘટના સામે આવી છે. દુબઈથી દિલ્હી જઈ રહેલી એર ઈન્ડિયાની ફ્લાઈટના એક ક્રૂ મેમ્બરે ફરિયાદ કરી કે પાઈલટે તેની મહિલા મિત્રને કોકપિટમાં એન્ટ્રી આપી અને બંને એક કલાકથી વધુ સમય સુધી ત્યાં રોકાયા. એવિએશન રેગ્યુલેટર ડિરેક્ટોરેટ જનરલ ઓફ સિવિલ એવિએશન (DGCA) એ આ મામલે તપાસનો આદેશ આપ્યો છે અને એરલાઈને તપાસ સુધી પાઈલટને ગ્રાઉન્ડ કરી દીધો છે. આ મામલે એર ઈન્ડિયા એરલાઈનના એક અધિકારીએ જણાવ્યું કે એર ઈન્ડિયાએ તપાસ માટે એક કમિટી પણ બનાવી છે.

એર ઈન્ડિયાનો એક પાયલોટ તેની ગર્લફ્રેન્ડને કોકપિટ રાઈડ માટે લઈ જતાં DGCAના રડારમાં આવી ગયો છે. પાઇલટે DGCA સલામતીના નિયમોનું ઉલ્લંઘન કર્યું અને તેની મહિલા મિત્રને કોકપિટમાં લઈ ગયા.આટલું જ નહીં, પાયલટે કેબિન ક્રૂને કહ્યું હતું કે જ્યારે તેઓ કોકપિટમાં પ્રવેશ્યા ત્યારે તેમના મિત્રોનું ઉષ્માભર્યું સ્વાગત કરે.

બહારની વ્યક્તિને કોકપિટમાં જવા પર છે પ્રતિબંધ 
કોઈપણ બહારના વ્યક્તિને કોકપિટમાં પ્રવેશવાની મંજૂરી આપવી એ ડિરેક્ટોરેટ જનરલ ઓફ સિવિલ એવિએશન (DGCA)ના સલામતી ધોરણોનું ઉલ્લંઘન છે. પાયલોટે કેબિન ક્રૂને તેના મિત્રનું સ્વાગત કરવા માટે ચોક્કસ સૂચનાઓ પણ આપી હતી. તેણે કેબિન ક્રૂને તેના મિત્રો જ્યારે કોકપિટમાં પ્રવેશ્યા ત્યારે તેમનું ઉષ્માભર્યું સ્વાગત કરવા કહ્યું હતું. પાયલોટે તેની મહિલા મિત્રને બિઝનેસ ક્લાસ ફૂડ પણ ખવડાવ્યું હતું.

DGCAએ પાયલટને સમન્સ મોકલ્યા છે
આની સામે કોઈએ DGCAમાં ફરિયાદ નોંધાવી હતી. જો કે એરલાઈનના પ્રવક્તાએ આ મામલે કોઈ સ્પષ્ટતા કરી નથી. દરમિયાન, ડીજીસીએએ ફ્લાઇટના પાઇલટને સમન્સ મોકલીને 21 એપ્રિલે હાજર થવા જણાવ્યું હતું. એર ઈન્ડિયાના એક અધિકારીએ જણાવ્યું કે એર ઈન્ડિયાએ ઉઠાવેલા મુદ્દાઓ પર ધ્યાન આપવા માટે એક સમિતિની રચના કરી છે.

પાયલોટે ક્રૂ મેમ્બર સાથે વાત કર્યા વિના ફ્લાઈટ તરફ આગળ વધ્યો
દુબઈથી દિલ્હી જતી એર ઈન્ડિયાની ફ્લાઈટ AI-915માં ચઢતા પહેલા જ સમસ્યા શરૂ થઈ ગઈ હતી. તમામ ક્રૂ મેમ્બર્સ પાયલટની રાહ જોઈ રહ્યા હતા, પરંતુ આ દરમિયાન પાયલોટ તેમને કંઈપણ કહ્યા વગર પોતાની ફ્લાઈટ તરફ ચાલ્યો ગયો. પાયલોટે પછી કેબિન ક્રૂના સભ્યને પૂછ્યું કે શું બિઝનેસ ક્લાસમાં કોઈ સીટો ખાલી છે, જેથી તે તેની મહિલા મિત્રને ઈકોનોમી ક્લાસમાંથી બિઝનેસ ક્લાસમાં શિફ્ટ કરી શકે. જવાબમાં, કેબિન ક્રૂ મેમ્બરે તેમને અપડેટ કર્યું કે બિઝનેસ ક્લાસમાં કોઈ સીટો ખાલી નથી, જેના પગલે પાયલોટે તેની મહિલા મિત્રને કોકપિટમાં બોલાવી અને ક્રૂ મેમ્બરને કહ્યું કે તેનું હાર્દિક સ્વાગત કરવામાં આવશે.