CM ની સભામાં પિતાએ પોતાના પુત્રને સ્ટેજ તરફ ફેંક્યો, ઘટનાથી ચકચાર

ભોપાલ : મુખ્યમંત્રી શિવરાજ સિંહ ચૌહાણની સભામાં પહોંચેલા એક વ્યક્તિએ તેના માસૂમ બાળકને સ્ટેજ તરફ ફેંકી દેતા ચકચાર મચી ગઇ હતી. બાળક થોડે થોડે દૂર પડ્યો હતો. જો કે આ ઘટનાથી સભામાં ખળભળાટ મચી ગયો હતો.તત્કાલ સ્થળ પર હાજર સુરક્ષાકર્મચારીઓએ રડતી માસૂમને ઉપાડી તેની માતાને સોંપી દીધી હતી. માતાએ સિક્યોરિટી ગાર્ડના હાથમાંથી બાળકને છીનવી લીધું અને તેને છાતીએ લગાડી દીધું હતું. મધ્યપ્રદેશ સરકારના વડા શિવરાજ સિંહ ચૌહાણ રવિવારે કુશવાહ સમાજના સંમેલનમાં ભાગ લેવા માટે સાગર પહોંચ્યા હતા.

આ દરમિયાન ભીડમાં ઉભેલા એક વ્યક્તિએ તેના માસૂમ બાળકને સ્ટેજ તરફ ફેંકતા લોકો દિગમુઢ થઇ ગયા હતા. બાળક થોડે દૂર પડી ગયું.જો કે આ ઘટનાને કારણે સભામાં ખળભળાટ મચી ગયો હતો. તુરંત જ સ્થળ પર હાજર સુરક્ષાકર્મીઓએ રડતી માસૂમને ઉપાડીને તેની માતાને સોંપી હતી. માતાએ સુરક્ષાકર્મીઓના હાથમાંથી બાળકને છીનવી લીધો હતો અને તેને છાતીએ લગાવી લીધો હતો. આ જોઈને મંચ પર ઉભેલા મુખ્યમંત્રીએ તરત જ અધિકારીઓને તે મહિલાની વેદના સાંભળવા સૂચના આપી હતી.

મુખ્યમંત્રીને જણાવવામાં આવ્યું હતું કે, બાળકના હૃદયમાં કાણું છે અને ઓપરેશન માટે આર્થિક મદદની જરૂર છે. સીએમ શિવરાજે પીડિત બાળકના માતા-પિતાને આશ્વાસન આપ્યું કે તમને તમામ શક્ય મદદ પૂરી પાડવામાં આવશે. રાજ્યના વડાએ નજીકમાં હાજર કલેક્ટર દીપક આર્યને ફરિયાદીનો કેસ સીએમ હાઉસમાં મોકલવાનો નિર્દેશ આપ્યો. મુકેશ પટેલ વ્યવસાયે મજૂર છે અને સાગરના કેસલી તાલુકાના સહજપુર ગામના રહેવાસી છે. તેઓ તેમની પત્ની નેહા પટેલ અને માસૂમ બાળક સાથે મુખ્યમંત્રી પાસે મદદ માંગવા ગયા હતા. જો કે મુકેશને સીએમ શિવરાજ પાસે જવા દેવાયા નહોતા ત્યારે તેમણે બાળકને સ્ટેજની સામે બેરીકેટ્સની અંદર ફેંકી દીધો હતો.

તે સમયે સીએમ શિવરાજ પણ મંચ પર હાજર હતા. આ દ્રશ્ય જોતાની સાથે જ તેણે અધિકારીઓને દંપતીની વાત સાંભળવા કહ્યું. સાગરમાં મુખ્યમંત્રીની સભા સ્થળે હોબાળો થયો હતો. પીડિતાના પરિવારે INDIA TODAY ને જણાવ્યું કે, તેમના પુત્રના હૃદયમાં કાણું છે. જ્યારે તે 3 મહિનાનો હતો ત્યારે તેની જાણ થઈ હતી. હવે તે 1 વર્ષનો છે. તેની સારવારમાં લગભગ 4 લાખ રૂપિયાનો ખર્ચ થયો છે. હવે ડોક્ટરે ઓપરેશન કરાવવાની સલાહ આપી છે. તેનો ખર્ચ 3.50 લાખ રૂપિયા થશે. આટલી રકમ ભેગી કરવી અમારા માટે શક્ય નથી. અમે વિચારીએ છીએ કે અમારા બાળકનું ઓપરેશન થવું જોઇએ. જો કે અમને કોઈ મદદ કરતું નથી. અમને મુખ્યમંત્રીને મળવા પણ દેવાયા ન હતા. પોલીસકર્મીઓ તેમને અહીંથી ત્યાં મોકલીને પરેશાન કરતા હતા. આથી બાળકને સ્ટેજ તરફ ફેંકવા માટે અમે મજબુર બન્યા હતા. હવે મુખ્યમંત્રીના કહેવા પર અધિકારીઓએ ફોન કર્યો તો તેઓએ કહ્યું કે કાલે ફરી આવો અમે તમારી વાત સાંભળીશું.