અનોખો સંકલ્પ : રામમંદિરના પ્રાણ પ્રતિષ્ઠા મહોત્સવમાં ભાગ લેવા 30 યુવાન-યુવતી Bilimora થી Aayodhya કરશે દોડ યાત્રા

Ram Mandir Ayodhya : ઉત્તર પ્રદેશના અયોધ્યામાં શ્રી રામના મંદિરનું કામ જોરશોરથી ચાલી રહ્યું છે. રામલલ્લાની પ્રાણ પ્રતિષ્ઠા 22 જાન્યુઆરીએ થવા જઈ રહી છે, જે પહેલા પ્રાણ પ્રતિષ્ઠા મહોત્સવી તૈયારીઓ જોરશોરથી ચાલી રહી છે. દેશભરમાં લોકોમાં ઉમંગ અને અનેરો ઉત્સાહ જોવા મળી રહ્યો છે. એવામાં આ મહોત્સવમાં ભાગ લેવા બીલીમોરાથી 30 યુવાનોનું એક ગ્રુપ અયોધ્યા જવા માટે નીકળ્યું છે.

મહત્વની વાત એ છે કે 4 યુવતી અને અન્ય યુવાનોના આ ગ્રુપે બીલીમોરાથી અયોધ્યા સુધીની 1430 કિલોમીટરની આ સફર પગપાળા કે કોઈ વાહનથી નહિ પણ દોડ લગાવીને પૂર્ણ કરવાના છે.જેના ભાગરૂપે તેઓ રોજ 70-80 કિલોમીટરનો રસ્તો દોડીને કાપે છે અને 22 જાન્યુઆરીએ રામ મંદિરે પહોંચવાનો સંકલ્પ કર્યો છે. આજે આ ગ્રુપ 100 કિલોમીટરથી વધુનું અંતર કાપી ને ભરૂચ આવી પહોંચ્યા હતા.હાઇવે નજીક નર્મદા નદીના કાંઠે ગાયત્રી મંદિર ખાતે તેમણે થોડો વિરામ કર્યો હતો અને ત્યારબાદ ફરી તેમણે તેમની સંકલ્પ યાત્રા તરફ દોડ મૂકી હતી.

કેન્દ્રથી લઈને રાજ્ય સરકારની તડામાર તૈયારી

અયોધ્યામાં શ્રી રામ મંદિરને ભવ્ય રૂપ આપવા માટે કેન્દ્રથી લઈને રાજ્ય સરકાર કામ કરી રહી છે. અયોધ્યામાં પ્રાણ પ્રતિષ્ઠા મહોત્સવમાં વડાપ્રધાન નરેન્દ્ર મોદીથી લઈને અનેક મહેમાનો હાજર રહેશે. આ મહેમાનો માટે રહેવા, ભોજન વગેરેની પણ વ્યવસ્થા કરવામાં આવી રહી છે. આ સિવાય મંદિરમાં સ્થાપિત થનાર રામલલાની મૂર્તિ અને અન્ય વસ્તુઓ પર વિશેષ ધ્યાન આપવામાં આવી રહ્યું છે. આ વચ્ચે રામેશ્વરથી એક વિશાળ ઘંટ પણ આવી ગયો છે, જેને જોઈને તમે ચોંકી જશો.

અયોધ્યામાં સુરક્ષા વ્યવસ્થા

તમને જણાવી દઈએ કે, પ્રાણ પ્રતિષ્ઠા સમારોહને લઈને અયોધ્યામાં સુરક્ષા વ્યવસ્થા વધારી દેવામાં આવી છે. દરેક ખૂણે-ખૂણે સુરક્ષા જવાનો તૈનાત રહેશે. સાથે જ વિવિધ સ્થળોએ સીસીટીવી પણ લગાવવામાં આવ્યા છે. અયોધ્યામાં ભાજપના મોટા નેતાઓ અને મંત્રીઓનો જમાવડો છે. આના એક દિવસ પહેલા યોગી સરકારે રામનગરીમાંથી દારૂની દુકાનો હટાવવાનો નિર્ણય લીધો છે. અયોધ્યાના 84 કોસી પરિક્રમા વિસ્તારમાં દારૂના વેચાણ પર પ્રતિબંધ મુકવામાં આવ્યો છે.

રામ મંદિરની વિશેષતાઓ

– મંદિરમાં 5 મંડપ, જેમાં નૃત્ય મંડપ, રંગ મંડપ, સભા મંડપ, પ્રાર્થના મંડપ અને કીર્તન મંડપનો સમાવેશ
– સ્તંભો અને દિવાલો પર દેવી-દેવતાઓની મૂર્તિઓનું કોતરણી કામ
– મંદિરનો પ્રવેશ દ્વારા પૂર્વ બાજુએ સિંહદ્વારથી 32 સીડીઓ ચઢીને રહેશે
– મંદિરમાં દિવ્યાંગો અને વૃદ્ધો માટે રેમ્પ અને લિફ્ટની જોગવાઈ
– મંદિરની ચારે બાજુ લંબચોરસ દિવાલ હશે
– પાર્કના ચાર ખૂણા પર સૂર્ય ભગવાન, મા ભગવતી, ગણપતિ અને ભગવાન શિવને સમર્પિત ચાર મંદિરો બનાવવામાં આવશે
– ઉત્તરમાં મા અન્નપૂર્ણાનું મંદિર અને દક્ષિણ હાથમાં હનુમાનજીનું મંદિર હશે
– નવરત્ન કુબેર ટીલા પર ભગવાન શિવના પ્રાચીન મંદિરનો જીર્ણોદ્ધાર કરાશે
– 25 હજારની ક્ષમતાવાળું એક પિલગ્રીમ્સ ફેસિલિટી સેન્ટર બનાવવામાં આવી રહ્યું છે