અતીક અને મુખ્તારને લઈ બેદરકારી બદલ 3 જેલના સુપ્રિટેન્ડેન્ટોને કરવામાં આવ્યા સસ્પેન્ડ, જાણો શું છે મામલો

નવી દિલ્હી: યુપીમાં બરેલી, નૈની અને બાંદા જેલના વરિષ્ઠ સુપ્રિટેન્ડેન્ટને સસ્પેન્ડ કરવામાં આવ્યા છે. આ જેલ સુપ્રિટેન્ડેન્ટો પર આરોપો લગાવવામાં આવી રહ્યા હતા કે તેઓ માફિયાઓને લઈને જેલમાં બેદરકારીથી દાખવી હતી.

ઉત્તર પ્રદેશમાં જેલના સુપરિન્ટેન્ડેન્ટ્સ જેલમાં બંધ માફિયાઓ અંગે બેદરકારી દાખવતા હોવાની વાત સામે આવી હતી. યુપીના બરેલી, નૈની અને બાંદાના વરિષ્ઠ જેલ અધિક્ષકોને સસ્પેન્ડ કરવામાં આવ્યા છે. અશરફ અહેમદ, અતીકના પુત્ર અલી અહેમદ અને મુખ્તાર અન્સારી પર બેદરકારી દાખવવાને કારણે આ જેલોના સુપરિન્ટેન્ડન્ટ પર કાર્યવાહી કરવામાં આવી છે. બરેલી જેલમાં બંધ અશરફ, નૈની જેલમાં બંધ અતીક અહેમદના પુત્ર અલી અને મુખ્તાર અંસારી પર મામલે બેદરકારી દાખવવા બદલ આ ત્રણ વરિષ્ઠ જેલ સુપ્રિટેન્ડેન્ટ વિરુદ્ધ કાર્યવાહી કરવામાં આવી છે.

આ અધિકારીઓ પર કરવામાં આવી કાર્યવાહી
બરેલી જેલના અધિક્ષક રાજીવ શુક્લા, નૈનીના સિનિયર જેલ સુપ્રિટેન્ડેન્ટ શશિકાંત સિંહ અને બાંદાના અવિનાશ ગૌતમને સસ્પેન્ડ કરવામાં આવ્યા છે.

અશરફ નિર્દોષ અને અતીકને આજીવન કેદની સજા
થોડા દિવસો પહેલા જ અતીક અહેમદ અને તેના ભાઈને પ્રયાગરાજ કોર્ટમાં રજૂ કરવા માટે લાવવામાં આવ્યા હતા. બંનેને નૈની જેલમાં પણ રાખવામાં આવ્યા. રાજુ પાલ હત્યા કેસના મુખ્ય સાક્ષી ઉમેશ પાલના અપહરણના કેસમાં પ્રયાગરાજની સાંસદ-ધારાસભ્ય કોર્ટે અતીક અહેમદના ભાઈ અશરફને નિર્દોષ જાહેર કર્યો છે. તે પહેલાથી જ બરેલી જેલમાં બંધ હતો.આ જ કેસમાં માફિયા અતીક અહેમદને આજીવન કેદની સજા ફટકારવામાં આવી હતી. અતીક અહેમદ હાલ અમદાવાદની સાબરમતી જેલમાં બંધ છે.

મુખ્તાર સાથે જોડાયેલા કેસનો નિર્ણય 15 એપ્રિલે આવશે
ઉલ્લેખનીય છે કે થોડા દિવસો પહેલા ગાઝીપુરના સાંસદ-ધારાસભ્ય કોર્ટમાં બાંદા જેલમાં બંધ ગાઝીપુરના બસપા સાંસદ અફઝલ અંસારી અને તેના ભાઈ મુખ્તાર અંસારી વિરુદ્ધ ગેંગસ્ટર કેસમાં સુનાવણી હાથ ધરવામાં આવી હતી. કોર્ટે આ મામલે નિર્ણયની તારીખ 15 એપ્રિલ નક્કી કરી છે. આ મામલો કૃષ્ણાનંદ રાય હત્યા કેસ સાથે જોડાયેલો છે.

આ પણ વાંચો:  સાવધાન! અમેરિકામાં ભારતની આ દવાથી જીવલેણ સંક્રમણ ફેલાયું, 3નાં મોત, 8 લોકોએ દ્રષ્ટિ ગુમાવી

2005માં ભાજપના તત્કાલિન ધારાસભ્ય કૃષ્ણાનંદ રાય સહિત 7 લોકોની હત્યા
વર્ષ 2005માં ભાજપના તત્કાલિન ધારાસભ્ય કૃષ્ણાનંદ રાય સહિત 7 લોકોની હત્યા કરવામાં આવી હતી. આ હત્યાકાંડ મુહમ્મદાબાદ પોલીસ સ્ટેશન વિસ્તારના બસનિયા ચટ્ટીમાં કરવામાં આવ્યો હતો. આ કેસમાં અફઝલ અંસારી, તેના ભાઈ માફિયા ડોન મુખ્તાર અંસારી અને સાળા એજાઝુલ હક સામે 2007માં ગેંગસ્ટર એક્ટ હેઠળ કેસ નોંધવામાં આવ્યો હતો. આ મામલે મુખ્તાર અન્સારી પર નિર્ણય 15 એપ્રિલે આવવાનો છે.

તમારા વ્હોટ્સએપ પર વધારે સમાચારો અને બ્રેકિંગ ન્યૂઝ મેળવવા માટે ક્લિક કરો…