PFI પર પ્રતિબંધ બાદ ટ્વિટર એકાઉન્ટ પણ બંધ, કેન્દ્ર સરકારની કડક કાર્યવાહી

નવી દિલ્હી: કેન્દ્રીય ગૃહ મંત્રાલય દ્વારા PFI પર 5 વર્ષના પ્રતિબંધ બાદ પોપ્યુલર ફ્રન્ટ ઓફ ઈન્ડિયા (PFI)ના ટ્વિટર એકાઉન્ટ પર પ્રતિબંધ લગાવી દેવામાં આવ્યો છે. ભારત સરકારની ફરિયાદ બાદ ટ્વિટર ઈન્ડિયાએ PFIના એકાઉન્ટ પર પ્રતિબંધ લગાવી દીધો છે. ઘણા રાજ્યોએ PFI પર પ્રતિબંધ મૂકવાની માંગ કરી હતી ત્યારે કેન્દ્ર સરકારે 28 સપ્ટેમ્બરે પોપ્યુલર ફ્રન્ટ ઓફ ઈન્ડિયા (PFI) પર પ્રતિબંધ મૂક્યો હતો.

PFI પર 5 વર્ષ માટે પ્રતિબંધ 
NIA અને તમામ રાજ્યોની પોલીસ અને એજન્સીઓએ PFIના પરિસરમાં દરોડા પાડ્યા હતા અને સેંકડોની ધરપકડ કરી હતી. કેન્દ્રીય ગૃહ મંત્રાલયે PFI ને 5 વર્ષ માટે પ્રતિબંધિત સંગઠન જાહેર કર્યું. PFI ઉપરાંત 8 સંલગ્ન સંસ્થાઓ સામે પણ કાર્યવાહી કરવામાં આવી છે.

આ 8 સંસ્થાઓ પર કાર્યવાહી
PFI ઉપરાંત રિહેબ ઈન્ડિયા ફાઉન્ડેશન , કેમ્પસ ફ્રન્ટ ઓફ ઈન્ડિયા , ઓલ ઈન્ડિયા ઈમામ કાઉન્સિલ, નેશનલ કોન્ફેડરેશન ઓફ હ્યુમન રાઈટ્સ ઓર્ગેનાઈઝેશન (એનસીએચઆરઓ), નેશનલ વુમન ફ્રન્ટ, જુનિયર ફ્રન્ટ, ઈન્ડિયા ફાઉન્ડેશન અને રિહેબ ફાઉન્ડેશન, કેરળ જેવી એમ્પાવર એલાઈડ સંસ્થાઓ પર પણ પ્રતિબંધ મૂકવામાં આવ્યો છે.

PFI વિરુદ્ધ પૂરતા પુરાવા મળ્યા
કેન્દ્ર સરકારના નોટિફિકેશન જાહેર કર્યા બાદ તમિલનાડુ અને કેરળ સહિત ઘણા રાજ્યોએ PFI પર પ્રતિબંધ લગાવવાના આદેશ કર્યા છે. 22 સપ્ટેમ્બર અને 27 સપ્ટેમ્બરે NIA, ED અને રાજ્ય પોલીસે PFI પર દરોડા પાડ્યા હતા. દરોડાના પ્રથમ રાઉન્ડમાં PFI સાથે જોડાયેલા 106 લોકોની ધરપકડ કરવામાં આવી હતી. દરોડાના બીજા રાઉન્ડમાં, PFI સાથે જોડાયેલા 247 લોકોની ધરપકડ / અટકાયત કરવામાં આવી હતી. તપાસ એજન્સીઓને PFI વિરુદ્ધ પૂરતા પુરાવા મળ્યા છે. આ પછી તપાસ એજન્સીઓએ ગૃહ મંત્રાલય પાસે કાર્યવાહીની માંગ કરી હતી. તપાસ એજન્સીઓની ભલામણ પર, ગૃહ મંત્રાલયે PFI પર પ્રતિબંધ મૂકવાનો નિર્ણય કર્યો.