ભૈયાથી સીધા સૈયા! સ્વરા ભાસ્કર પતિ ફહાદ માટેની 15 દિવસ જૂની પોસ્ટને લીધે થઈ ટ્રોલ

મુંબઈ: બોલિવૂડ અભિનેત્રી સ્વરા ભાસ્કરે તાજેતરમાં જ રાજકારણી ફહાદ અહમદ સાથે લગ્ન કર્યા છે. તેણે ગુરુવારે તેના સોશિયલ મીડિયા એકાઉન્ટ્સ પર એક વિડિઓ મોન્ટેજ સાથે સમાચાર શેર કર્યા. અહમદ સમાજવાદી પાર્ટીની યુવા પાંખ – સમાજવાદી યુવા સભાના પ્રદેશ અધ્યક્ષ છે. સ્વરા તેને એક રાજકીય રેલીમાં મળી હતી અને તેઓ ટૂંક સમયમાં મિત્રો બની ગયા હતા. ફહાદ માટે અભિનેત્રીની જૂની પોસ્ટ હાલમાં સોશિયલ મીડિયા પર વાયરલ થઈ રહી છે.

સ્વરા ભાસ્કરનું જૂનું ટ્વીટ વાઈરલ
સ્વરા ભાસ્કરની જૂની ટ્વીટ ફરી સામે આવી છે. વીરે દી વેડિંગ અભિનેત્રી ટ્વીટર પર સતત પોતાના મનની વાતો રજૂ કરતી હોય છે. જોકે તેના રાજકીય મંતવ્યો માટે તેને વારંવાર ટ્રોલ કરવામાં આવે છે. તેણે ફહાદ અહમદ સાથે પોતાના લગ્નની જાહેરાત કર્યા પછી, ઇન્ટરનેટના એક જૂથે તેના જૂના ટ્વીટ ફરીથી શેર કરી મજાક ઉડાવી રહ્યું છે.

2 ફેબ્રુઆરીએ ફહાદને કહ્યો હતો ‘ભાઈ’
આ ટ્વીટમાં એક્ટ્રેસે હાલના પતિને ‘ભાઈ’ (ભાઈ) કહ્યો હતો. 2 ફેબ્રુઆરીના રોજ, સ્વરાએ ફહાદ માટે જન્મદિવસની પોસ્ટ શેર કરી હતી. તેની સાથે એક સેલ્ફી શેર કરતા તેણે લખ્યું, “હેપ્પી બર્થડે ફહાદ મિયાં! ભાઈનો આત્મવિશ્વાસ અકબંધ રહે. ખુશ રહો, આબાદ રહો. ઉંમર વધી રહી છે હવે લગ્ન કરી લો!

ટ્વીટર યુઝર્સે આ રીતે લીધી મજા
નવી દુલ્હન સ્વરા ભાસ્કરને તેના આ વાઈરલ ટ્વીટ પછી લોકો ભારે ટ્રોલ કરી રહ્યા છે. ટ્વીટર પર એક યુઝરે લખ્યું, “બંને ભાઈ અને બહેનને ખૂબ જ સુખી લગ્નજીવનની શુભેચ્છા.

અન્ય એકે ટ્વિટ કર્યું, “અભિનેત્રી સ્વરા ભાસ્કર લગ્ન SP નેતા ફહાદ અહમદ કોર્ટમાં !! પરંતુ 13 દિવસમાં ભૈયાથી સૈયા! દંપતીને અભિનંદન.”

એક કમેન્ટમાં યુઝરે લખ્યું છે: “‘ભાઈ-જાન’ #KisiKaBhaiKisiKiJaan.