ઇઝરાયલના સોફ્ટવેર દ્વારા ભારત સહિત 30 દેશમાં નકલી સોશિયલ મીડિયા કેમ્પેઇન ચાલ્યું, રિપોર્ટમાં દાવો

નવી દિલ્હી: ઈઝરાયલની જાસૂસી કંપની પર ભારત સહિત 30થી વધુ દેશોની ચૂંટણીમાં દખલ કરવાનો આરોપ છે. બુધવારે સામે આવેલા રિપોર્ટ અનુસાર, ઇઝરાયેલની ફર્મ એક સોફ્ટવેર દ્વારા ભારત સહિત ઘણા દેશોમાં નકલી સોશિયલ મીડિયા કેમ્પેન ચલાવી રહી છે.

બ્રિટનના ‘ધ ગાર્ડિયન’ અખબાર સહિત પત્રકાર સંગઠન દ્વારા આંતરરાષ્ટ્રીય તપાસમાં કહેવાતી ‘ટીમ જ્યોર્જ’ વિશે મોટા ખુલાસા થયા છે. ઈઝરાયેલની ફર્મ ‘ટીમ જ્યોર્જ’ પર તેના ગ્રાહકોને એડવાન્સ્ડ ઈમ્પેક્ટ મીડિયા સોલ્યુશન (Aims) નામનું સોફ્ટવેર આપવાનો આરોપ છે. એવું કહેવાય છે કે આ યુનિટ તાલ હનાન દ્વારા ચલાવવામાં આવે છે, જે 50 વર્ષીય ભૂતપૂર્વ ઇઝરાયેલી સ્પેશિયલ ફોર્સ ઓપરેટિવ છે. આ વ્યક્તિ તેના નકલી નામ ‘જ્યોર્જ’નો ઉપયોગ કરે છે. ટીમ જ્યોર્જ પર હેકિંગ, તોડફોડ અને ઓનલાઈન ફેક ન્યૂઝ ફેલાવવાનો આરોપ છે. જ્યારે તેને આ વિશે પૂછવામાં આવ્યું તો હનાને કહ્યું કે તે કોઈ ખોટું કામ નથી કરતાં.

સ્ટિંગ ઓપરેશન કરવામાં આવ્યું હતું
‘ટીમ જ્યોર્જ’ માટેના અન્ડરકવર ફૂટેજ ત્રણ પત્રકારો દ્વારા દર્શાવવામાં આવ્યું હતું. જેમણે સંભવિત ગ્રાહકો તરીકે યુનિટનો સંપર્ક કર્યો હતો. છ કલાકથી વધુની ગુપ્ત રીતે રેકોર્ડ કરેલી મીટિંગ્સમાં, હનાન અને તેની ટીમે કથિત રીતે ચર્ચા કરી હતી કે તેઓ કેવી રીતે વિરોધીઓ પર ગુપ્ત માહિતી એકત્ર કરી શકે. આમાં જીમેલ અને ટેલિગ્રામ એકાઉન્ટને એક્સેસ કરવા માટે હેકિંગ ટેક્નિકનો ઉપયોગ કરવામાં આવે છે. તે તેમાં નિષ્ણાત હોવાનો દાવો કરે છે.

ફ્રેન્ચની સંસ્થા  ફોરબિડન સ્ટોરીઝ દ્વારા વ્યાપક તપાસનો એક ભાગ છે. આ સંસ્થાનું ધ્યેય માર્યા ગયેલા, ધાકધમકી પામેલા અથવા જેલમાં બંધ પત્રકારોના કામને આગળ વધારવાનું છે. આ તપાસ ભારતના  55 વર્ષીય પત્રકાર ગૌરી લંકેશના કામથી પ્રેરિત હતી. જેમની 2017માં બેંગલુરુમાં તેના ઘરે ગોળી મારીને હત્યા કરવામાં આવી હતી. ‘ધ ગાર્ડિયન’ એ રિપોર્ટમાં કહ્યું હતું કે, હત્યાના કલાકો પહેલા, ગૌરી લંકેશ “ઈન ધ એજ ઓફ ફોલ્સ ન્યૂઝ” શીર્ષકવાળા લેખને અંતિમ સ્વરૂપ આપી રહી હતી, જેમાં દેશમાં કહેવાતી નકલી માહિતી કેવી રીતે ફેલાવવામાં આવી રહી છે તેની તપાસ કરવામાં આવી હતી. ગૌરી લંકેશનો આ લેખ તેમના મૃત્યુ પછી પબ્લીશ થયો હતો, જેમાં તેણે લખ્યું હતું કે, “હું ફેક ન્યૂઝનો પર્દાફાશ કરનારા તમામ લોકોને સલામ કરવા માંગુ છું.

ભારત સહિત 20 દેશમાં ચાલતું હતું કેમ્પેઇન
અખબારના રિપોર્ટમાં કહેવામાં આવ્યું છે કે ગયા વર્ષે કેટલાક મહિનાઓ સુધી સોફ્ટવેર દ્વારા ઈન્ટરનેટ પર નજર રાખવામાં આવી હતી. આ સોફ્ટવેર દ્વારા નકલી સોશિયલ મીડિયા કેમ્પેઇન ચલાવવામાં આવતું હતું. જેમાં યુકે, યુએસ, કેનેડા, જર્મની, સ્વિટ્ઝર્લેન્ડ, મેક્સિકો, ભારત, યુએઈ સહિતના 20 દેશોના મોટાભાગના દેશો હતા. વ્યાપારી વિવાદોમાં સામેલ. ‘ટીમ જ્યોર્જ’ની તપાસ કરી રહેલા પત્રકારોના સંગઠનમાં લે મોન્ડે, ડેર સ્પીગલ અને અલ પેસ સહિત વિશ્વના 30 અગ્રણી પત્રકારોનો સમાવેશ થતો હતો.

આ પણ વાંચો: કાનપુરમાં બ્રાહ્મણ અગ્રણી નેતાને BJP ના ધારાસભ્યે ગાળો ભાંડી, સમગ્ર મામલે વીડિયો વાયરલ

કોંગ્રેસે વડાપ્રધાન પર લગાવ્યો આ આરોપ
કોંગ્રેસનો આરોપ છે કે પીએમ મોદી ચૂંટણીને પ્રભાવિત કરવા માટે ઈઝરાયેલની એજન્સીની મદદ લઈ રહ્યા છે. પવન ખેડાએ જણાવ્યું હતું કે, દેશની લોકશાહી ખતરામાં છે, તેઓ અન્ય દેશોને મળીને સરકારમાં બેસીને દેશની લોકશાહી સામે ષડયંત્ર કરી રહ્યા છે.તેઓ ચૂંટણી જીતવા માટે ઈઝરાયેલની એજન્સીઓની મદદથી દેશમાં ચૂંટણીઓને પ્રભાવિત કરી રહ્યા છે.

તમારા વ્હોટ્સએપ પર વધારે સમાચારો અને બ્રેકિંગ ન્યૂઝ મેળવવા માટે ક્લિક કરો…