વિશ્વના ટોપ 10 અબજોપતિના લિસ્ટમાં એકપણ ભારતીય નહી, અદાણી- અંબાણી બંને બહાર

નવી દિલ્હી: હિંડનબર્ગના રિપોર્ટ બાદ અદાણી ગ્રુપના ચેરમેન ગૌતમ અદાણીની સંપત્તિ એવી રીતે ઘટી છે કે તે ટોપ-10માંથી જ નહીં પરંતુ અબજોપતિઓની ટોપ-20 યાદીમાંથી પણ બહાર થઈ ગયા હતા. આ સાથે જ રિલાયન્સ ગ્રુપના ચેરમેન મુકેશ અંબાણી પણ ટોપ-10માંથી બહાર થઈ ગયા છે. અદાણી-અંબાણી બ્લૂમબર્ગ બિલિયોનેર ઇન્ડેક્સના ટોપ-10માં એક વર્ષથી વધુ સમય માટે પ્રભુત્વ ધરાવે છે. પરંતુ હવે બંને ટોપ 10 માંથી બહાર થઈ ગયા છે.

માત્ર 9 દિવસમાં અદાણી ગ્રુપની કંપનીઓના શેરમાં લગભગ 60 ટકાનો ઘટાડો થયો છે. 29 જાન્યુઆરી સુધીમાં અદાણી ગ્રૂપના શેરમાં રૂ. 4 લાખ કરોડથી વધુનો ઘટાડો થયો હતો. એક સપ્તાહમાં કિંમતમાં લગભગ 5 લાખ કરોડ રૂપિયાનો ઘટાડો થયો છે. તમને જણાવી દઈએ કે 24 જાન્યુઆરીએ હિંડનબર્ગ રિપોર્ટ સામે આવ્યો ત્યારથી અદાણી ગ્રુપના શેર લગભગ અડધા થઈ ગયા છે. તે સમયે તે 19 લાખ કરોડ રૂપિયા હતો, હવે તે 9 લાખ કરોડ રૂપિયા છે. તેની અસર તેની નેટવર્થ પર પડી.

અંબાણીની સરખામણીમાં અદાણીની સંપતિમાં થયો ઘટાડો
ગૌતમ અદાણી પાસે હવે માત્ર  63.3 બિલિયન ડોલરની સંપત્તિ છે અને તેઓ 21મા અમીર છે. આ વર્ષે તેની સંપત્તિમાં વિશ્વમાં સૌથી ઝડપી ઘટાડો થયો છે. તેઓએ આ વર્ષે અત્યાર સુધીમાં  61.6 બિલિયન ડોલરની કમાણી કરી છે. જ્યારે, મુકેશ અંબાણીની સંપત્તિમાં આ વર્ષે અત્યાર સુધીમાં 6.36 અબજ ડોલરનો ઘટાડો થયો છે. જો આપણે બંનેની સંપત્તિમાં થયેલા ઘટાડાની સરખામણી કરીએ તો અંબાણીની સરખામણીમાં આ વર્ષે અદાણીની સંપત્તિમાં લગભગ 10 ગણો ઘટાડો થયો છે.

આ પણ વાંચો: હિન્ડેનબર્ગને અદાણી આપશે જવાબ, આ 4 કંપનીઓને ઓડિટ માટે કરી પસંદ

અદાણીને ફટકો પડ્યો
એક તરફ હિંડનબર્ગ રિપોર્ટ પ્રસિદ્ધ થયા બાદ અદાણી ગ્રૂપની કંપનીઓના શેરમાં ભારે ઘટાડો થયો હતો અને તેની સીધી અસર ગૌતમ અદાણીની નેટવર્થ પર જોવા મળી હતી. ગત વર્ષ 2022માં વિશ્વના અન્ય અમીરોની સરખામણીમાં સૌથી વધુ કમાણી કરનાર ગૌતમ અદાણી ટોપ-10 બિલિયોનેર્સની યાદીમાં ચોથા નંબરથી 21મા સ્થાને આવી ગયા છે. જ્યારે ગૌતમ અદાણીની સંપત્તિ ઘટીને 61.2 બિલિયન ડોલર થઈ ગઈ. આ કારણે તેણે એશિયાના સૌથી અમીર વ્યક્તિનો તાજ પણ ગુમાવ્યો છે.

તમારા વ્હોટ્સએપ પર વધારે સમાચારો અને બ્રેકિંગ ન્યૂઝ મેળવવા માટે ક્લિક કરો…