ભ્રષ્ટ ભાજપના રાજમાં જવાન અને કિસાન બંને દુઃખી છે; ઈસુદાનના આકરા પ્રહારો

અમદાવાદઃ ઈસુદાન ગઢવીએ નિવૃત્ત આર્મી જવાનોના મોરચા અંગે મોટી પ્રતિક્રિયા આપી છે. તેમણે કહ્યું કે ભ્રષ્ટ ભાજપના રાજમાં જવાન અને કિસાન બંને દુઃખી છે. અત્યારે પોતાની માગ રજૂ કરતા સમયે એક આર્મી જવાનનું મોત થઈ જતા ઈસુદાન ગઢવી રોષે ભરાયા છે. તેમણે આ મુદ્દે જવાનોની માંગ ગંભીરતાથી ન લેવા મુદ્દે ભાજપ પર નિશાન સાધ્યું છે.

જય જવાન, જય કિસાનનો નારો ખોટો ઠર્યો- ઈસુદાન
ઈસુદાન ગઢવીએ કહ્યું કે ભ્રષ્ટ ભાજપના રાજમાં જય જવાન અને જય કિસાનનો નારો ખોટો ઠર્યો છે. વળી આ દરમિયાન ઈસુદાને કહ્યું છે કે ભાજપના રાજમાં બંને દુઃખી છે. જવાનોએ પોતાની માગણી માટે પણ સરકાર સામે આવી રીતે રજૂ કરવી પડે છે કેવી રીતે યોગ્ય ગણાય. આ દરમિયાન એક જવાનનું મોત ઘણુ દુઃખદ છે.

જવાન વિરોધી ભાજપને સદબુદ્ધિ આપે ભગવાન- ઈસુદાન
એક નિવૃત્ત જવાનનું મોત નીપજ્યું હોવાથી ઈસુદાન ગઢવીએ ભાજપ પર કટાક્ષ કર્યા હતા. તેમણે કહ્યું હતું કે જવાન વિરોધી ભાજપને ભગવાન સદબુદ્ધિ આપે. પોતાની માગને લઈને કરી રહેલા પ્રદર્શનમાં જવાનને શહીદ થવું પડે છે એ ઘણું દુઃખદ છે.

એક નિવૃત જવાનનું મોત થતા વિવાદ ગરમાયો