IPL 2023 SRH vs RCB LIVE: કિંગ કોહલીએ રચ્યો ઈતિહાસ, છઠ્ઠી સદી ફટકારીને ટીમને સરળ વિજય અપાવ્યો

બેંગ્લુરૂ : IPL મેચમાં રોયલ ચેલેન્જર્સ બેંગ્લોરે સનરાઈઝર્સ હૈદરાબાદને 8 વિકેટે હરાવ્યું હતું. રાજીવ ગાંધી ઈન્ટરનેશનલ સ્ટેડિયમમાં રમાયેલી મેચમાં હૈદરાબાદે આરસીબીને જીતવા માટે 187 રનનો ટાર્ગેટ આપ્યો હતો. જે તેણે છેલ્લી ઓવરમાં હાંસલ કરી લીધો હતો. RCBની જીતનો હીરો રહ્યો વિરાટ કોહલી જેણે શાનદાર સદી ફટકારી હતી. IPL 2023ની 65મી મેચમાં રોયલ ચેલેન્જર્સ બેંગ્લોરે સનરાઈઝર્સ હૈદરાબાદને 8 વિકેટે હરાવ્યું હતું. રાજીવ ગાંધી ઈન્ટરનેશનલ સ્ટેડિયમમાં 18 મે (ગુરુવાર)ના રોજ રમાયેલી મેચમાં સનરાઈઝર્સ હૈદરાબાદે RCBને જીતવા માટે 187 રનનો ટાર્ગેટ આપ્યો હતો. જેને તેણે છેલ્લી ઓવરમાં હાંસલ કરી લીધો હતો.

RCBની જીતના હીરો વિરાટ કોહલી અને કેપ્ટન ફાફ ડુ પ્લેસિસ હતા.વિરાટ કોહલીએ 63 બોલમાં 100 રનની ઇનિંગ રમી હતી. જેમાં 12 ચોગ્ગા અને ચાર છગ્ગા સામેલ હતા. કોહલીની આઈપીએલ કારકિર્દીની આ છઠ્ઠી સદી હતી. કોહલીએ સૌથી વધુ સદી ફટકારવાના મામલે ક્રિસ ગેલની પણ બરાબરી કરી લીધી છે. ડુ પ્લેસિસની વાત કરીએ તો તેણે 47 બોલમાં 7 ચોગ્ગા અને બે છગ્ગાની મદદથી 71 રન બનાવ્યા હતા. ડુ પ્લેસિસે પોતાની ઇનિંગમાં સાત ચોગ્ગા અને બે છગ્ગા ફટકાર્યા હતા. ડુ પ્લેસિસ અને કોહલીએ 17.5 ઓવરમાં 172 રનની તોફાની ભાગીદારી કરી હતી.

રોયલ ચેલેન્જર્સ બેંગ્લોરની વિકેટ આ રીતે પડીઃ (186/5)
પહેલી વિકેટ – વિરાટ કોહલી 100 રન (172/1)
બીજી વિકેટ – ફાફ ડુ પ્લેસિસ 71 રન (177) / 2)

ટોસ હાર્યા બાદ પ્રથમ બેટિંગ કરતા સનરાઇઝર્સ હૈદરાબાદની શરૂઆત ખરાબ રહી હતી અને પાવરપ્લેમાં જ તેના ઓપનરોની વિકેટો ગુમાવી દીધી હતી. 5મી ઓવરના પહેલા બોલ પર અભિષેક શર્મા (11) માઈકલ બ્રેસવેલના હાથે મહિપાલ લોમરરના હાથે કેચ આઉટ થયો હતો. ત્યારબાદ એક બોલ બાદ બ્રેસવેલે રાહુલ ત્રિપાઠીને પણ પોતાનો શિકાર બનાવ્યો હતો. અહીંથી એડન માર્કરામ અને હેનરિક ક્લાસને 76 રનની ભાગીદારી કરીને ઇનિંગ્સને સંભાળી હતી. શાહબાઝ અહેમદે માર્કરમને આઉટ કરીને આ ભાગીદારીનો અંત કર્યો હતો. માર્કરામે 20 બોલમાં 18 રન બનાવ્યા હતા.

માર્કરામના આઉટ થયા બાદ હેરી બ્રુક અને ક્લાસેન વચ્ચે 74 રનની ભાગીદારી થઈ હતી. માર્કરામે તેની IPL કારકિર્દીની પ્રથમ સદી ફટકારતા 104 રનની ધમાકેદાર ઇનિંગ રમી હતી. આ દરમિયાન ક્લાસને 51 બોલનો સામનો કર્યો અને આઠ ચોગ્ગા ઉપરાંત છ છગ્ગા ફટકાર્યા. હેરી બ્રુકની વાત કરીએ તો તે 27 રન બનાવીને અણનમ રહ્યો હતો.

સનરાઈઝર્સ હૈદરાબાદની વિકેટ આ રીતે પડી : (186/5)
પહેલી વિકેટ – અભિષેક શર્મા 11 રન (27/1)
બીજી વિકેટ – રાહુલ ત્રિપાઠી 15 રન (28/2)
ત્રીજી વિકેટ – એડન માર્કરામ 18 રન (104/3)
ચોથી વિકેટ – હેનરિચ ક્લાસેન 104 રન (178/4)
પાંચમી વિકેટ – ગ્લેન ફિલિપ્સ 5 રન (186/5)

સનરાઈઝર્સ હૈદરાબાદની પ્લેઈંગ ઈલેવન: અભિષેક શર્મા, રાહુલ ત્રિપાઠી, એઈડન માર્કરામ (સી), હેનરિક ક્લાસેન (વિકેટમાં), હેરી બ્રુક, ગ્લેન ફિલિપ્સ, અબ્દુલ સમદ, કાર્તિક ત્યાગી, મયંક ડાગર, ભુવનેશ્વર કુમાર, નીતિશ રેડ્ડી.

રોયલ ચેલેન્જર્સ બેંગ્લોર પ્લેઈંગ ઈલેવન: વિરાટ કોહલી, ફાફ ડુ પ્લેસિસ (સી), ગ્લેન મેક્સવેલ, મહિપાલ લોમરોર, અનુજ રાવત (વીકેટ), શાહબાઝ અહેમદ, માઈકલ બ્રેસવેલ , વેઈન પાર્નેલ, હર્ષલ પટેલ, કર્ણ શર્મા, મોહમ્મદ સિરાજ.