એશિયા કપમાં ભારત સતત 18મી ટેસ્ટ સિરીઝ જીત્યું, બાંગ્લાદેશ સામે મહામહેનતે હાર ટાળી..

IND vs BAN, 2nd TEST: ભારતે બાંગ્લાદેશ સામેની બે ટેસ્ટ મેચની શ્રેણીની બીજી મેચ ત્રણ વિકેટથી જીતી લીધી છે. તેઓએ રવિવારે (25 ડિસેમ્બર) મેચના ચોથા દિવસે સાત વિકેટના નુકસાને 145 રનના લક્ષ્યાંકનો પીછો કરીને બાંગ્લાદેશને શ્રેણીમાં 2-0થી વ્હાઇટવોશ કર્યો હતો. ભારતે ચિત્તાગોંગમાં રમાયેલી પ્રથમ ટેસ્ટ 188 રને જીતી હતી. ચેતેશ્વર પુજારાને પ્લેયર ઓફ ધ સિરીઝ અને રવિચંદ્રન અશ્વિનને પ્લેયર ઓફ ધ મેચ જાહેર કરવામાં આવ્યો હતો. આ મેચમાં બાંગ્લાદેશે પ્રથમ દાવમાં 227 રન બનાવ્યા હતા. જેના જવાબમાં ભારતે 314 રન કર્યા હતા. બાંગ્લાદેશની ટીમ બીજા દાવમાં 231 રન બનાવી શકી હતી અને તેણે ભારત સામે 145 રનનો લક્ષ્યાંક રાખ્યો છે. જેના જવાબમાં ભારતે ત્રીજા દિવસની રમતના અંતે ચાર વિકેટે 45 રન બનાવી લીધા હતા. જોકે ત્યારપછી ભારતે સાત વિકેટે 145 રન કરીને મેચ જીતી લીધી હતી.

ભારતનો શ્રેણી વિજય…
ભારતીય ટીમે બાંગ્લાદેશને હરાવીને એશિયામાં સતત 18મી શ્રેણી જીતી છે. તેને છેલ્લી હાર ઈંગ્લેન્ડ સામે પોતાના જ હોમગ્રાઉન્ડ પર મળી હતી. ત્યારબાદ ટીમ ઈન્ડિયા ચાર ટેસ્ટ મેચની શ્રેણીમાં 2-1થી હારી ગઈ હતી. ત્યારથી ભારતે પોતાના હોમ ગ્રાઉન્ડ પર 15 સિરીઝ જીતી છે. તે જ સમયે, શ્રીલંકામાં બે અને બાંગ્લાદેશમાં એક વખત શ્રેણી જીતી હતી.

ભારત બાંગ્લાદેશ સામે એક પણ ટેસ્ટ હાર્યું નથી
બાંગ્લાદેશ સામે ટીમ ઈન્ડિયાના પ્રદર્શનની વાત કરીએ તો તેણે સતત સાતમી શ્રેણીમાં બાંગ્લાદેશી ટીમને હરાવ્યું છે. વર્ષ 2000થી, બંને ટીમો વચ્ચે આઠ ટેસ્ટ શ્રેણી રમાઈ છે. 2015માં એક મેચની શ્રેણી ડ્રો રહી હતી. તે સિવાય ભારતે દરેક વખતે બાંગ્લાદેશને હરાવ્યું છે.

મેચની વાત કરીએ તો ટીમ ઈન્ડિયાએ બાંગ્લાદેશ સામે 13માંથી 11 ટેસ્ટ જીતી છે. બે મેચ ડ્રો રહી છે. જો ભારત આજે હારી ગયું હોત તો બાંગ્લાદેશ સામેની ટેસ્ટમાં પહેલીવાર હાર્યું હોત.