ભારત-પાકિસ્તાન વચ્ચે ODI વર્લ્ડકપ 2023માં કયા મેદાન પર મહામુકાબલો થશે? સામે આવ્યા મોટા અપડેટ

અમદાવાદ: ભારતમાં હાલના દિવસોમાં IPL (IPL 2023) નો રોમાંચ ચાલી રહ્યો છે. તે જ સમયે, મોટા સમાચાર સામે આવ્યા છે કે આ વર્ષે ઓક્ટોબરમાં યોજાનાર ICC ODI વર્લ્ડ કપ 2023 માટે ભારત અને પાકિસ્તાન (IND vs Pak) વચ્ચેની મેચ દેશના સૌથી મોટા અમદાવાદના નરેન્દ્ર મોદી સ્ટેડિયમમાં રમાઈ શકે છે. આ માટે બીસીસીઆઈએ પ્લાનિંગ શરૂ કરી દીધું છે અને માનવામાં આવી રહ્યું છે કે આઈપીએલ 2023ના અંત પછી ભારતમાં આ વર્ષે યોજાનાર ODI વર્લ્ડ કપના શેડ્યૂલની જાહેરાત થઈ શકે છે.

અમદાવાદમાં રમાશે IND vs PAK મેચ?
ઈન્ડિયન એક્સપ્રેસમાં છપાયેલા સમાચાર મુજબ વર્ષ 2016 બાદ પાકિસ્તાનની ટીમ ભારતની ધરતી પર પ્રથમ મેચ રમતી જોવા મળશે. એક લાખથી વધુ પ્રેક્ષકોની ક્ષમતા ધરાવતા અમદાવાદના મેદાનમાં તેનું આયોજન થઈ શકે છે. બંને દેશોના કરોડો ચાહકો પાકિસ્તાન સાથેની મેચ જોવા માટે ઉત્સુક છે અને દરેક આ મેચની આતુરતાથી રાહ જોઈ રહ્યા છે. BCCI ટૂંક સમયમાં 28 મેના રોજ સમાપ્ત થનારી IPL બાદ વર્લ્ડ કપના શેડ્યૂલની જાહેરાત કરશે.

વર્લ્ડ કપ 5 ઓક્ટોબરથી શરૂ થશે
જો બધું બરાબર થાય અને યોજના પ્રમાણે ચાલે તો 5 ઓક્ટોબરથી વર્લ્ડ કપ શરૂ થઈ શકે છે. જ્યારે આ ટુર્નામેન્ટ ભારતના નાગપુર, બેંગલુરુ, ત્રિવેન્દ્રમ, મુંબઈ, દિલ્હી, લખનૌ, ગુવાહાટી, હૈદરાબાદ, કોલકાતા, રાજકોટ, ઈન્દોર, બેંગ્લોર અને ધર્મશાળામાં રમાશે. આ શહેરોના મેદાન મેચો અને ટીમ પ્રેક્ટિસ માટે તૈયાર કરવામાં આવી રહ્યા છે. ભારત અમદાવાદમાં બે મેચ રમી શકે છે, જ્યારે ફાઈનલ પણ આ ગ્રાઉન્ડ પર જ રમાવાનું આયોજન છે.

મેનેજમેન્ટે ધીમી પિચની માંગ રાખી હતી
તે જ સમયે, વર્લ્ડ કપ માટે, ટીમ ઇન્ડિયાના મેનેજમેન્ટે ઇંગ્લેન્ડ, ન્યુઝીલેન્ડ, ઓસ્ટ્રેલિયા અને દક્ષિણ આફ્રિકા જેવી ટીમો માટે ધીમી પીચની માંગ કરી છે. બોર્ડના એક સૂત્રએ જણાવ્યું હતું કે, ઘરેલું પીચ પર યોજાનાર વર્લ્ડ કપના આધારે ટીમ ઈન્ડિયાના મેનેજમેન્ટે અનુરોધ કર્યો હતો કે જ્યારે પણ શેડ્યૂલ તૈયાર કરવામાં આવે ત્યારે ભારતીય ટીમ ટોચની ટીમો સામે ધીમી પિચો પર રમે. તેનાથી ઘરેલું પરિસ્થિતિમાં ફાયદો થશે.