મનીષ સિસોદિયાની મુશ્કેલીઓ વધી, જાસૂસીના આરોપમાં CBI તપાસની ગૃહ મંત્રાલયે મંજૂરી આપી

નવી દિલ્હી: દિલ્હીમાં વિવાદાસ્પદ લિકર પોલિસીથી ઘેરાયેલા નાયબ મુખ્યમંત્રી મનીષ સિસોદિયાની મુશ્કેલીઓ વધી શકે છે. ગૃહ મંત્રાલયે CBIને મનીષ સિસોદિયા વિરુદ્ધ ભ્રષ્ટાચાર નિવારણ અધિનિયમ હેઠળ કેસ નોંધવા અને ફીડબેક યુનિટ દ્વારા જાસૂસીના આરોપોની તપાસ કરવાનો આદેશ આપ્યો છે. તાજેતરમાં, સીબીઆઈએ દિલ્હી સરકારના ‘ફીડબેક યુનિટ’ પર જાસૂસીનો આરોપ લગાવતા ડેપ્યુટી સીએમ મનીષ સિસોદિયા અને અન્ય અધિકારીઓ સામે કેસ નોંધવાની પરવાનગી માંગી હતી.

શું છે મામલો?
વાસ્તવમાં, દિલ્હી સરકારે 2015માં ફીડ બેક યુનિટ (FBU)ની રચના કરી હતી. પછી તેમાં 20 અધિકારીઓ સાથે કામ કરવાનું શરૂ કર્યું. આરોપ છે કે એફબીયુએ ફેબ્રુઆરી 2016થી સપ્ટેમ્બર 2016 દરમિયાન રાજકીય વિરોધીઓની જાસૂસી કરી હતી. યુનિટે માત્ર ભાજપ પર જ નહીં પરંતુ AAP સાથે જોડાયેલા નેતાઓ પર પણ નજર રાખી હતી. આટલું જ નહીં એલજી પાસેથી યુનિટ માટે કોઈ પરવાનગી પણ લેવામાં આવી ન હતી. એવો આરોપ છે કે સોંપાયેલ કાર્યો સિવાય, યુનિટે રાજકીય ગુપ્ત માહિતી પણ એકત્રિત કરી હતી.

LGCBI તરફથી મળેલી મંજૂરીને પ્રાથમિક તપાસમાં પુરાવા મળ્યા છે કે FBUએ રાજકીય ગુપ્ત માહિતી એકત્રિત કરી હતી. વિજિલન્સ વિભાગ સિસોદિયા પાસે છે. આવી સ્થિતિમાં, સીબીઆઈએ 12 જાન્યુઆરી 2023 ના રોજ ગુપ્તચર વિભાગને એક રિપોર્ટ રજૂ કર્યો અને ભ્રષ્ટાચારના કેસમાં મનીષ સિસોદિયા અને અન્ય અધિકારીઓ વિરુદ્ધ કેસ નોંધવાની એલજીને માંગ કરી. તેને લેફ્ટનન્ટ ગવર્નર વિનય સક્સેનાએ મંજૂરી આપી હતી. હવે આ મામલે સીબીઆઈને ગૃહ મંત્રાલય પાસેથી કેસ નોંધવા અને તપાસ કરવાની પરવાનગી મળી ગઈ છે.

આ પણ વાંચો: ‘મહેરબાની કરીને કોઈએ દારૂ પીને આવવું નહીં’, રાજકોટમાં દીકરીના લગ્નની કંકોત્રીમાં પિતાએ લખાવ્યો મેસેજ

સિસોદિયા દારૂની નીતિ પર પણ ઘેરાયેલા છે
ગૃહ મંત્રાલયે બુધવારે દિલ્હીમાં મેયરની ચૂંટણી યોજાવાની છે તેવા સમયે જાસૂસી મામલે સીબીઆઈ તપાસનો આદેશ આપ્યો છે. આવી સ્થિતિમાં હોબાળો થવાની પૂરેપૂરી શક્યતાઓ છે. જો કે આ પહેલા સીબીઆઈ તેમની સામે દારૂની નીતિના કેસમાં પણ તપાસ કરી રહી છે. આ મામલામાં સિસોદિયાના ઠેકાણા પર પણ દરોડા પાડવામાં આવ્યા છે. હાલમાં જ સીબીઆઈએ આ મામલે મનીષ સિસોદિયાને સમન્સ પણ મોકલ્યા છે. 26 ફેબ્રુઆરીએ તપાસ એજન્સી દારૂ નીતિ મામલે સિસોદિયાની પૂછપરછ કરવા જઈ રહી છે. આ પહેલા પણ સીબીઆઈએ મનીષ સિસોદિયાને સમન્સ મોકલ્યા હતા, પરંતુ ત્યારબાદ ડેપ્યુટી સીએમએ અપીલ કરી હતી કે તેઓ દિલ્હીનું બજેટ તૈયાર કરવામાં વ્યસ્ત હોવાથી ફેબ્રુઆરીના અંતમાં તેમને બોલાવવામાં આવે. આ જ કારણસર હવે CBIએ તેમને 26 ફેબ્રુઆરીએ બોલાવ્યા છે.

તમારા વ્હોટ્સએપ પર વધારે સમાચારો અને બ્રેકિંગ ન્યૂઝ મેળવવા માટે ક્લિક કરો…