પ્રથમ તબક્કાનું ચિત્ર કાલે થશે સ્પષ્ટ, ફોર્મ પરત ખેંચવાની છેલ્લી તારીખ

અમદાવાદ: ગુજરાત વિધાનસભાની ચૂંટણી આડે હવે ગણતરીના દિવસો જ બાકી રહ્યા છે. 8 ડિસેમ્બરે જનાદેશ આવી જશે અને ખબર પડી જશે કે લોકો કોને ગુજરાતની કમાન સોંપવા માંગે  છે. ત્યારે પ્રથમ તબક્કાની ચૂંટણી માટે આવતી કાલે ચિત્ર થશે સ્પષ્ટ, ફોર્મ પરત ખેંચવાની આવતી કાલે છેલ્લી તારીખ છે.

પ્રથમ તબક્કો
ગુજરાતમાં બે તબક્કામાં મતદાન યોજાશે. ગુજરાત ચૂંટણી માટે 1 અને 5 ડિસેમ્બરનાં રોજ મતદાન થશે. આ સાથે 8 ડિસેમ્બરના રોજ પરિણામ જાહેર કરવામાં આવશે. પ્રથમ તબક્કા માટે 14 નવેમ્બર સુધી ભરી ફોર્મ ભરવામાં આવ્યા હતા. પ્રથમ તબક્કા માટે 15 નવેમ્બર સુધી ફોર્મ ચકાસવામાં  આવ્યા હતા. આવતીકાલ 17 નવેમ્બર સુધી ફોર્મ પરત ખેંચી શકાશે. પ્રથમ તબક્કામાં 89 બેઠકો પર મતદાન થશે.

બીજો તબક્કો
બીજા તબક્કા માટે 10 નવેમ્બરે નોટિફિકેશન જાહેર થયું છે. જેમાં 17 નવેમ્બર સુધી ફોર્મ ભરી શકાશે. જ્યારે 18 નવેમ્બરે ફોર્મ ચકાસણી હાથ ધરાશે અને 21 તારીખ સુધી ફોર્મ પરત ખેંચી શકશે. બીજા તબક્કાનું મતદાન 5 ડિસેમ્બરે યોજાશે. બીજા તબક્કામાં 93 બેઠકો પર મતદાન થશે. પ્રથમ તબક્કા અને બીજા તબક્કાની ચૂંટણીના પરિણામ 8 ડિસેમ્બરે જાહેર થશે.

પ્રથમ તબક્કા માટે ભાજપ કોંગ્રેસ અને આમ આદમી પાર્ટીના આ ઉમેદવારો મેદાને છે