કોંગ્રેસ ટૂંક સમયમાં ઉમેદવારો અંગે કરશે મોટી જાહેરાત, પ્રિયંકા ગાંધી ચૂંટણીના Key-Roleમાં જોવા મળશે

અમદાવાદઃ ગુજરાતમાં ચૂંટણીના પડઘમ વચ્ચે કોંગ્રેસ પાર્ટી એક્શનમાં આવી ગઈ છે. રાહુલ ગાંધીએ ગુજરાતમાં જનતાને મોટાભાગની ગેરન્ટીઓ આપ્યા પછી હવે કોંગ્રેસ સ્ક્રિનિંગ કમિટિની ચર્ચા મુદ્દે મોટો નિર્ણય લઈ શકે છે. આ દરમિયાન મીડિયા રિપોર્ટ્સના આધારે ગુજરાતમાં પ્રિયંકા ગાંધીને ગુજરાત ઈલેક્શન મુદ્દે મોટી જવાબદારી સોંપવામાં આવી શકે છે. આ દરમિયાન 11 સપ્ટેમ્બર પહેલાં દાવેદારી રજૂ કરવાની યાદી મંગાવવામાં હોવાની પણ માહિતી મળી રહી છે.

કોંગ્રેસમાં ઉમેદવાર નક્કી કરવાની તમામ પ્રક્રિયા તથા બેઠકો ગુજરાતમાં જ થશે એવા અહેવાલો મળી રહ્યા છે. ત્યારે પાર્ટીના સિટિંગ MLAએ પોતાની દાવેદારી કરવાની જરૂર નથી એવું જાણવા મળ્યું છે. નોંધનીય છે કે આની પહેલા દિલ્હીમાં સ્ક્રિનિંગ કમિટિની બેઠકો મળતી હતી. આ દરમિયાન કોંગ્રેસ પણ મહિલાઓને મેદાનમાં ઉતારશે. પાર્ટીમાં આ ચૂંટણીમાં મહિલા ઉમેદવારોની સંખ્યા વધારે રાખવામાં આવી શકે છે. નોંધનીય છે કે એકબાજુ કોંગ્રેસ મહિલાઓને વધુ ઉમેદવારી મળે એની તૈયારીઓ કરી રહી છે તો બીજી બાજુ પ્રિયંકા ગાંધીના ચૂંટણીલક્ષી મોડલ મુદ્દે પણ ગુજરાતમાં વિચારણા ચાલી રહી છે. આ ચૂંટણી દરમિયાન પ્રિયંકા ગાંધીને મોટી જવાબદારી સોંપવામાં આવી શકાય છે.

કોંગ્રેસમાં નારાજગી અને રાજીનામાનો દોર શરૂ
રાહુલ ગાંધીના ગુજરાત પ્રવાસ દરમિયાન કોંગ્રેસમાં રાજીનામાનો દોર શરૂ થઈ ગયો છે. આ દરમિયાન વિશ્વનાથ સિંહ વાઘેલા ભાજપમાં જોડાઈ ગયા છે. જ્યારે બીજી બાજુ અનેક કાર્યકર્તાઓ પાર્ટીથી નારાજ થઈને ભાજપનો ખેસ ધારણ કરતા નજરે પડી રહ્યા છે. નોંધનીય છે કે હવે આ દરમિયાન રાહુલ ગાંધીએ 8 વચનો આપ્યા છે.

રાહુલ ગાંધીની મોટી જાહેરાત