Congress એ ઉમેદવારોની વધુ એક યાદી કરી જાહેર, 37 ઉમેદવારોના નામ કર્યા જાહેર

અમદાવાદ: ગુજરાત વિધાનસભાની ચૂંટણીને તડામાર તૈયારીઑ શરૂ છે. આ દરમિયાન આજે કોંગ્રેસે ઉમેદવારની વધુ એક યાદી જાહેર કરી છે. આ યાદીમાં કોંગ્રેસે 37 ઉમેદવારોના નામ જાહેર કર્યા છે.  કોંગ્રેસ દ્વારા વિરમગામથી હાર્દિક પટેલની સામે લાખા ભરવાડને મેદાને ઉતારવામાં આવ્યા છે.

બાયડ વિધાનસભા બેઠક ઉપરથી શંકરસિંહ વાઘેલાના બાપુના પુત્ર મહેન્દ્રસિંહને ટિકિટ આપવામાં આવી છે. જ્યારે વિરમગામ બેઠક ઉપર પાટીદાર નેતા અને ભાજપ ઉમેદવાર હાર્દિક પટેલની સામે લાખા ભરવાડને મેદાનમાં ઉતારવામાં આવ્યા છે.

બીજા તબક્કા માટે આવતી કાલ સુધી ભરાશે ફોર્મ
ગુજરાતમાં બે તબક્કામાં મતદાન યોજાશે. ગુજરાત ચૂંટણી માટે 1 અને 5 ડિસેમ્બરનાં રોજ મતદાન થશે. આ સાથે 8 ડિસેમ્બરના રોજ પરિણામ જાહેર કરવામાં આવશે. પ્રથમ તબક્કા માટે 14 નવેમ્બર સુધી ભરી ફોર્મ ભરવામાં આવ્યા હતા. પ્રથમ તબક્કા માટે 15 નવેમ્બર સુધી ફોર્મ ચકાસવામાં  આવ્યા હતા. આવતીકાલ 17 નવેમ્બર સુધી ફોર્મ પરત ખેંચી શકાશે. બીજા તબક્કા માટે 10 નવેમ્બરે નોટિફિકેશન જાહેર થશે. જેમાં 17 નવેમ્બર સુધી ફોર્મ ભરી શકાશે. જ્યારે 18 નવેમ્બરે ફોર્મ ચકાસણી હાથ ધરાશે અને 21 તારીખ સુધી ફોર્મ પરત ખેંચી શકશે.