સુરતની કોલેજના બોયઝ ટોઈલેટમાં લગાવ્યા CCTV કેમેરા, મચ્યો હોબાળો

સંજય રાઠોડ, સુરત: આજકાલ લોકો પોતાની સુરક્ષાને લઈ જરૂરી તમામ જગ્યાએ સીસીટીવી કેમેરા લગાવવામાં આવે છે. સીસીટીવીને ત્રીજી આંખ પણ કહેવામાં આવે છે. સીસીટીવી ઇન્સ્ટોલ કરવાનો નિર્ણય ઇન્સ્ટોલર પર આધાર રાખે છે, તેને ક્યાં ઇન્સ્ટોલ કરવું અને ક્યાં ઇન્સ્ટોલ ન કરવા પરંતુ સુરતમાંથી એક એવી તસવીર સામે આવી છે, જેને જોઈને બધા આશ્ચર્યચકિત થઈ જશે. સુરતની ધારુકાવાલા કોલેજ કેમ્પસમાં આવેલી આત્માનંદ સરસ્વતી સાયન્સ કોલેજના બોયઝ ટોયલેટમાં સીસીટીવી લગાવવાથી ખળભળાટ મચી ગયો છે. ભાજપના વિદ્યાર્થી સંગઠન ABVP એ છોકરાઓના ટોયલેટમાંથી CCTV હટાવવા માટે કોલેજ પ્રશાસનને 48 કલાકનું અલ્ટીમેટમ આપ્યું છે.

 ટોઈલેટમાં સીસીટીવી કેમેરાની શું જરૂર
સુરત શહેરના કાપોદરા વિસ્તારમાં આવેલી ધારુકાવાલા કોલેજ કેમ્પસમાં વિવિધ વિષયોની કોલેજ ચાલે છે. જેમાંથી એક આત્માનંદ સરસ્વતી સાયન્સ કોલેજ છે. કોલેજ પ્રશાસને સુરક્ષા માટે કોલેજની અંદર ઘણી જગ્યાએ સીસીટીવી લગાવ્યા છે. ભારતીય જનતા પાર્ટીના વિદ્યાર્થી સંગઠન ABVPના કાર્યકરો વિદ્યાર્થીઓની શિષ્યવૃત્તિના પ્રશ્નોને લઈને કોલેજ પ્રશાસનને મળવા માટે કોલેજ કેમ્પસ પહોંચ્યા હતા પરંતુ તેમને અહીં ખબર પડી કે કોલેજ પ્રશાસને છોકરાઓના ટોયલેટમાં સીસીટીવી લગાવ્યા છે. આ બાબતની પુષ્ટિ કરવા માટે, ABVP સંગઠનના કાર્યકરો પોતે ટોયલેટ પહોંચ્યા હતા અને ત્યાં કોલેજ પ્રશાસન દ્વારા લગાવવામાં આવેલા સીસીટીવી કેમેરા જોઈને સ્તબ્ધ થઈ ગયા હતા. તેણે કોલેજ પ્રશાસનની સામે ટોઈલેટમાં લગાવેલા સીસીટીવીના ફોટા અને વીડિયો મૂકીને પોતાનો વિરોધ પણ વ્યક્ત કર્યો હતો. ટોઈલેટમાં સીસીટીવી કેમેરાની શું જરૂર છે.

ABVPએ આપ્યું અલ્ટીમેટમ
સુરતમાં ABVPના મનોજ જૈને જણાવ્યું કે કોલેજ પ્રશાસન દ્વારા છોકરાઓના ટોયલેટમાં સીસીટીવી કેમેરા લગાવવાનું આ કૃત્ય ખૂબ જ નિંદનીય છે, તેમની સંસ્થા તેને ક્યારેય સહન કરશે નહીં. તેમણે કહ્યું કે લઘુશંકાના સ્થાને શંકા વ્યક્ત કરવી બિલકુલ યોગ્ય નથી. તેઓએ આ બાબતે વિરોધ વ્યક્ત કરતા કોલેજ પ્રશાસનને લેખિત આવેદનપત્ર આપીને 48 કલાકનો સમય આપવામાં આવ્યો છે. કે જો કોલેજ પ્રશાસન બોયઝ ટોયલેટમાંથી સીસીટીવી કેમેરા નહીં હટાવે તો તેઓ ઉગ્ર આંદોલન કરશે જેના માટે કોલેજ જવાબદાર રહેશે.