BJPના ચૂંટણી ઢંઢેરામાં મોંઘવારીનો મુદ્દો ગાયબ, શિક્ષણ, રોજગારી અને વિકાસ પર વધુ ભાર

અમદાવાદ: ભારતીય જનતા પાર્ટીએ આજે પોતાનો ચૂંટણી ઢંઢેરો જાહેર કર્યો છે. પાર્ટીએ પ્રથમ તબક્કાની ચૂંટણીના પાંચ દિવસ પહેલા ચૂંટણી ઢંઢેરો જાહેર કર્યો છે. જોકે આ વખતે વિવિધ સર્વેમાં મોંઘવારી તથા બેરોજગારીનો મુદ્દો ચૂૂંટણીમાં મોટો રહેશે તે સામે આવ્યું હતું. ત્યારે ભાજપના આ ચૂંટણી ઢંઢેરામાં મોંઘવારીનો મુદ્દો ગાયબ છે, જ્યારે વિકાસ, રોજગારી તથા શિક્ષણ પર ભાર મૂકવામાં આવ્યો છે.

બીજી તરફ આમ આદમી પાર્ટી તથા કોંગ્રેસ દ્વારા તેમના ચૂંટણી ઢંઢેરામાં ફ્રી વીજળીની વાત કરવામાં આવી હતી. કોંગ્રેસે ગેસનો બાટલો રૂ.500માં આપવાનું વચન આપ્યું છે. જોકે ભાજપના ચૂંટણી ઢંઢેરામાં વીજ બિલમાં રાહત કે ગેસ સિલિન્ડરના ભાવ ઘટાડવા સહિતના મુદ્દાઓનો ઉલ્લેખ કરવામાં આવ્યો નથી. કેટલાક સર્વેમાં લોકોએ મોંઘવારી અને બેરોજગારી ચૂંટણીમાં ખાસ મહત્વપૂર્ણ રહેશે તેમ જણાવ્યું હતું. ત્યારે ખાસ જોવાનું રહેશે કે ભાજપ પોતાના સંકલ્પથી મતદારોને આકર્ષી શકશે કે નહીં.

ભાજપના ચૂંટણી ઢંઢેરાની ખાસ બાબતો