કોંગ્રેસનો બીજા તબક્કાની ચૂંટણી પહેલા મોટો દાવ, જાહેર કર્યો મુખ્યમંત્રી ચહેરો?

અમદાવાદ: ગુજરાત વિધાનસભાની ચૂંટણી માટે ધમાસાણ શરૂ છે. પ્રથમ તબક્કાની ચૂંટણી  માટે મતદાન પૂર્ણ થઈ ચૂક્યું છે અને  બીજા તબક્કાનું મતદાન 5 ડિસેમ્બરે યોજાશે. ત્યારે  બીજા તબક્કાની ચૂંટણી પહેલા કોંગ્રેસે માસ્ટર સ્ટોક માર્યો છે. કોંગ્રેસે ઠાકોર સમાજના મુખ્યમંત્રી રહેશે તેવું સૂત્રો પાસેથી જાણવા મળી રહ્યું છે.

બીજા તબક્કાના મતદાન પહેલા ગુજરાતમાં કોંગ્રેસનો આ નિર્ણય ખુબ મહત્વપૂર્ણ ગણાવી શકાય. કારણ કે કોંગ્રેસની સરકાર બની તો  ઠાકોર સમાજના મુખ્યમંત્રી હશે.  આ સાથે જો કોંગ્રેસની સરકાર બની તો સરકારમાં એક-બે નહિ, પરંતુ ત્રણ ઉપમુખ્યમંત્રી હશે. જે SC, ST અને અલ્પસંખ્યક સમુદાયમાંથી હશે. મલ્લિકાર્જુન ખડગે અને અશોક ગેહલોતની મીટિંગ બાદ આ નિર્ણયો લેવાયા છે.તેવું સૂત્રો પાસે થી જાણવા મળી રહ્યું છે. કોગ્રેસના અધ્યક્ષ મલ્લિકાર્જુન ખડગે અને ગુજરાત કોંગ્રેસના ચૂંટણીના ઓર્બ્ઝવર અશોક ગેહલોતે છેલ્લી ઘડીએ મોટો ખેલ પડ્યો છે.

આ મામલે કોંગ્રેસના પ્રવક્તા હિરેન બેંકરે જણાવ્યું કે, કોંગ્રેસની સરકાર બની રહી છે અને ગુજરાતમાં કોંગ્રેસનો કાર્યકર્તા મુખ્યમંત્રી બનવા જઈ રહ્યો છે. કોંગ્રેસ પક્ષ તમામ સમાજને સાથે લઈ આગળ વધશે.