એક જ ઘરમાં રહેતા આ પૂર્વમંત્રીના પરિવારના 3 સદસ્યોએ માંગી ટિકિટ, નવા જૂનીના એંધાણ

હેતાલી શાહ, ખેડા: ગુજરાત વિધાનસભા 2022ની ચૂંટણી હવે ગમે ત્યારે જાહેર થવાની શક્યતા છે. ત્યારે હવે ભાજપ દ્વારા ટિકિટ વાંછુક દાવેદારોને સાંભળવા માટે સમગ્ર ગુજરાતમાં…

હેતાલી શાહ, ખેડા: ગુજરાત વિધાનસભા 2022ની ચૂંટણી હવે ગમે ત્યારે જાહેર થવાની શક્યતા છે. ત્યારે હવે ભાજપ દ્વારા ટિકિટ વાંછુક દાવેદારોને સાંભળવા માટે સમગ્ર ગુજરાતમાં સેન્સ પ્રક્રિયા હાથ ધરવામાં આવી હતી. જે અંતર્ગત ખેડા જિલ્લામાં પણ 27 અને 28 એમ બે દિવસ છ વિધાનસભા બેઠક માટે સેન્સ પ્રક્રિયા હાથ ધરવામાં આવી. મહેમદાવાદ વિધાનસભામાં ભાજપમાંથી પૂર્વ મંત્રી એવા સુંદરસિંહ ચૌહાણના પરિવારમાંથી ત્રણ વ્યક્તિઓએ ટિકિટ માંગી છે. જેમાં સુંદરસિંહ ચૌહાણનો ભત્રીજો અને બે પુત્ર વધુએ એટલે કે, જેઠ, જેઠાણી અને દેરાણી ત્રણેય મહેમદાવાદ વિધાનસભા બેઠક માટે ભાજપ માંથી ટિકિટ માટે દાવેદારી નોંધાવી છે. જેને લઈને મહેમદાવાદનું રાજકારણ ગરમાયુ છે.

મહેમદાવાદ વિધાનસભા બેઠક પર ચાર વખત ધારાસભ્ય પદે ચૂંટાઈ ચૂકેલા, બે વખત રાજ્યકક્ષાના મંત્રી તથા એક વખત સંસદિય સચીવ રહી ચૂકેલા સુંદરસિંહ ચૌહાણનો ભત્રીજો પ્રવિણસિંહ માનસિંહ ચૌહાણ, પ્રવિણસિંહના પત્ની નીતાબેન પ્રવીણસિંહ ચૌહાણ તથા અન્ય ભત્રીજા વહુ દીપિકાબેન જીગ્નેશ કુમાર ચૌહાણે મહેમદાવાદ વિધાનસભા બેઠક માટે ભાજપમાં ટીકીટ માટે દાવેદારી નોંધાવી છે. એટલે એક જ પરિવારમાં પતિ – પત્ની, દેરાણી – જેઠાણી સામ સામે આવી ગયા હોય તેવો માહોલ જોવા મળી રહ્યો છે.

આ કારણે નોંધાવી દાવેદારી

જ્યારે ગુજરાત તકની ટીમે દીપિકાબેનના પતિ જીગ્નેશકુમાર ચૌહાણ સાથે વાતચીત કરી ત્યારે તેમણે તો એમ જણાવ્યું કે, અમારામાથી જેને પણ ટિકિટ મળશે અમે તો ખુશ જ હોઈશું. બસ અમારે રાજકારણમાં આવવું હતું એટલે અમે ટિકિટની દાવેદારી નોંધાવી છે. અગાઉ પણ અમે તાલુકા પંચાયત સહિતની સ્થાનિક સ્વરાજની ચૂંટણી માટે પણ ભાજપમાંથી ટિકિટ માટે દાવેદારી નોંધાવી હતી. એટલું જ નહીં અમે બધા હાલમાં પણ સંયુક્ત પરિવારમાં જ એક સાથે જ રહીએ છીએ.

મારું શહેર

એક જ ઘરમાં રહેતા આ પૂર્વમંત્રીના પરિવારના 3 સદસ્યોએ માંગી ટિકિટ, નવા જૂનીના એંધાણ