Banaskantha : હાથમાં બેટ લઈને ક્રિકેટના મેદાનમાં ઉતર્યા Geniben Thakor, વીડિયો થયો વાયરલ

Banaskantha Political News: બનાસકાંઠા લોકસભા બેઠક પર કોંગ્રેસે ગેનીબેન ઠાકોરને મેદાનમાં ઉતાર્યા છે. જ્યારથી ગેનીબેનનું નામ જાહેર થયું છે, ત્યારથી ગેનીબેન સતત સભાઓ ગજવી રહ્યા છે. તેઓ એકબાદ એક રેલીનું આયોજન કરી રહ્યા છે. તેઓ બનાસકાંઠાના ગામડાઓ ખૂદી રહ્યા છે અને પ્રચંડ પ્રચાર કરી રહ્યા છે. ત્યારે હાલ એક વીડિયો વાયરલ થઈ રહ્યો છે જેમાં ગેનીબેન ક્રિકેટ રમતા જોવા મળી રહ્યા છે. હકીકતમાં પાલનપુર તાલુકાના ગઢ ગામે 16ગામ લેઉવા પાટીદાર યુવા સંગઠન દ્વારા આયોજીત ક્રિકેટ ટુર્નામેન્ટની શરૂઆત ગેનીબેન દ્વારા કરાવવામાં આવી હતી. જેમાં ગેનીબેને દરેક સમાજમાં એકતા અને સંગઠિતતા બની રહે અને સર્વ સમાજના યુવાનોમાં ટીમવર્ક અને ભાઈચારાની ભાવનાનો વ્યાપ વધે તેવા શુભ આશયથી ટુર્નામેન્ટમાં ભાગ લઈ રહેલા યુવાનોને રમતગમત ક્ષેત્રે આગળ વધવા પ્રોત્સાહિત કર્યા હતા.