‘નોકરી પર હાજર થાઓ’- 10 મહિનાથી ગુમ સુરતના કોન્સ્ટેબલના ઘરે લગાવી પોલીસે જ નોટિસ… બોલો

સંજયસિંહ રાઠોડ.સુરતઃ એક તરફ એક પરિવારના મોભી છે તો બીજી તરફ તે મોભી સુરત પોલીસો હિસ્સો પણ છે. જોકે છેલ્લા દસ મહિનાથી ગુમ વ્યક્તિને શોધવામાં કે ના શોધવામાં જે કોઈ આરોપ પ્રતિઆરોપો થઈ રહ્યા છે તેના વચ્ચે પરિવારના આંસુ અને પોલીસ વચ્ચે રીતસર એક વિરોધાભાસ જોવા મળી રહ્યો છે. પરિવાર પોતાના સ્વજનને શોધવાને લઈને આંસુ વહાવી રહ્યો છે, તો ખુદ સુરત પોલીસ જ તેમને ગુમ નહીં પણ નોકરી પર પરવાનગી વગર રજાઓ પાડીને નહીં આવનારા બેજવાબદાર તરીકે ચિતરી રહી છે. ખુદ સુરત પોલીસે જ તેમના ઘર આગળ નોકરી પર હાજર થવાની નોટિસ ચોંટાડી દીધી છે. અત્યંત ચોંકાવનારી બની રહેલી આ ઘટનામાં કોન્સ્ટેબલ છેલ્લા દસ મહિનાથી ક્યાં છે તેની કોઈ જાણકારી સામે આવી રહી નથી અને રોજ પરિવાર અને પોલીસ વચ્ચેના આ જંગમાં કાંઈક અલગ જોવા મળી રહ્યું છે ક્યારેક તો એવું લાગી આવે કે આ જંગમાં આખરે કોણ જીતશે.

શું બની રહ્યું છે હાલ?
આશરે 10 મહિના પહેલા સુરત પોલીસના હેડ કોન્સ્ટેબલ મિથુન ચૌધરીને સીડીઆર તપાસના સંદર્ભમાં દિલ્હી પોલીસ સુરતથી દિલ્હી લઈ ગઈ હતી. ત્યારપછી 10 મહિના વીતી ગયા છતાં સુરત પોલીસના હેડ કોન્સ્ટેબલ મિથુન ચૌધરી દિલ્હીથી સુરત પરત ફર્યા નથી. પોલીસ હેડ કોન્સ્ટેબલ મિથુન ચૌધરીની પત્ની શર્મિલા ચૌધરી અને તેનો ભાઈ પ્રકાશ ચૌધરી મિથુનની શોધમાં ઠોકર ખાઈ રહ્યા છે. પોલીસ અધિકારીઓ પાસે જવું, ગૃહ રાજ્યમંત્રીથી લઈને મુખ્યમંત્રી સુધી જઈ રહ્યા છે, પરંતુ તેમ છતાં મિથુન ચૌધરીનો કોઈ પત્તો લાગ્યો નથી. દરમિયાન સુરત પોલીસે પોલીસ હેડ કોન્સ્ટેબલ મિથુન ચૌધરીના ઘરે એક નોટિસ ચોંટાડી છે, જેમાં કહેવામાં આવ્યું છે કે તેઓ વહેલી તકે નોકરી પર પાછા ફરે, અન્યથા કાર્યવાહી કરવામાં આવશે. જ્યારે સુરત પોલીસ જાણે છે કે તેમનો પોલીસ હેડ કોન્સ્ટેબલ છેલ્લા 10 મહિનાથી ગુમ છે.

મઠિયા પાપડ માટે દેશ-વિદેશમાં પ્રખ્યાત ખેડાનું આ ગામ બન્યું સ્માર્ટ વિલેજ

કાર્યવાહી કરવાની પણ નોટિસમાં ચીમકી
સુરત પોલીસ ડીસીપી ઝોન-3 પિનાકીન પરમારે છેલ્લા 10 મહિનાથી ગુમ થયેલા પોલીસ હેડ કોન્સ્ટેબલ મિથુન ચૌધરીના ઘરના દરવાજા પર નોટિસ ચોંટાડીને નોટિસમાં લખ્યું છે કે મિથુન ભાઈ રાગ ભાઈ બક્કલ નંબર 029 નોકરી ઝોન-3 એલસીબી શાખા સુરત શહેર તમે 14.08.2022 થી કામ પર ગેરહાજર છો તમે આ બાબતે પોલીસ સ્ટેશન અથવા ઉચ્ચ અધિકારીને જાણ કર્યા વિના આજદિન સુધી તમારા કામ પર હાજર થયા નથી. જેના પરિણામે તમે તમારી મરજીથી નોકરીમાંથી ગેરહાજર રહેશો. તમે પોલીસ દળના કાયદા અને નિયમોથી વાકેફ છો, છતાં તમે તમારી ફરજમાંથી ગેરહાજર રહ્યા છો જે સરકારી કર્મચારીને શોભતું નથી. તમે ગેરવર્તણૂક કરી છે, જેથી આ નોટિસ મળ્યા પછી, તમારે તાત્કાલિક નોકરી પર હાજર થવું જોઈએ, જેમાં જો તમે ગુનો કરો છો, તો તમારી સામે મુંબઈ પોલીસ અધિનિયમ 145 (2) હેઠળ કાર્યવાહી કરવામાં આવશે.

Gujarat Congress ના નવા અધ્યક્ષ બન્યા Shaktisinh Gohil ના હાથમાં

દિલ્હી પોલીસ તપાસ માટે ઉચકી ગઈ, ગુજરાત પોલીસ શોધતી નથીઃ પરિવાર બેહાલ
છેલ્લા 10 મહિનાથી ગુમ થયેલા સુરત પોલીસ હેડ કોન્સ્ટેબલ મિથુન ચૌધરી તેના પરિવાર સાથે સુરત શહેરના રામપુરા પોલીસ લાઈનમાં રહેતો હતો. 10 મહિના પહેલા મિથુન ચૌધરી સુરત શહેરના મહિધરપુરા પોલીસ સ્ટેશનમાં ફરજ પર હતો ત્યારે દિલ્હી પોલીસની ટીમ મહિધરપુરા પોલીસ સ્ટેશન પહોંચી હતી અને CDR કૌભાંડની તપાસમાં પૂછપરછ માટે તેને દિલ્હી લઈ ગઈ હતી. દિલ્હી પોલીસે મિથુનને કહ્યું હતું કે બે-ચાર દિવસની પૂછપરછ બાદ તેને છોડી દેવામાં આવશે, પરંતુ એવું થયું નહીં. આ મામલાને 10 મહિના વીતી ગયા, પોલીસ હેડ કોન્સ્ટેબલ મિથુન ચૌધરી ક્યાં છે, કઈ હાલતમાં છે, સુરત પોલીસ કે દિલ્હી પોલીસ પાસે નથી જવાબ. કમિશનર અજય કુમાર તોમર પાસે ગયા હતા, ત્યાંથી કોઈ જવાબ મળ્યો ન હતો, પછી ગયા દિલ્હી પોલીસ, પરંતુ ત્યાંથી જ કોઈ સંતોષકારક જવાબ મળ્યો નથી.

મદદ પણ ક્યાં સુધી મળશે? બાળકોની ફિ કેવી રીતે ભરાશે?- પત્નીના માથે અનેક ચિંતાઓનું ભારણ
પોલીસ હેડ કોન્સ્ટેબલ મિથુન ચૌધરીની પત્નીનું કહેવું છે કે 10 મહિના વીતી ગયા અને તેનો પતિ કઈ હાલતમાં છે તે ખબર નથી. પરિવારની આર્થિક સ્થિતિ પણ કફોડી બની રહી છે અને બાળકો પિતા વિના શાળાએ જતા શરમાઈ રહ્યા છે. ભવિષ્યમાં બાળકોની ફી કેવી રીતે ભરાશે તેની મને ચિંતા છે. ઘરમાં ખાવા-પીવાની સમસ્યા છે. પોલીસ વિભાગ તરફથી તેમને કોઈ પ્રકારનો સહયોગ મળી રહ્યો નથી, ફક્ત પરિવારના સભ્યો જ થોડી મદદ કરી રહ્યા છે. જેના કારણે અત્યારે તો તેઓ બચી રહ્યા છે, પણ ક્યાં સુધી તેઓ મદદ કરશે, તેમનો પણ પોતાનો એક પરિવાર છે. તેનો પતિ જ્યાં પણ હોય, સુરત અને દિલ્હી પોલીસે તેને શોધીને પાછો આપવો જોઈએ કારણ કે સુરત પોલીસ જ તેના પતિને લઈ ગઈ હતી. દિલ્હી પોલીસના હાથે સોંપવામાં આવ્યા હતા અને દિલ્હી પોલીસની જવાબદારી હતી કે જે રીતે તેના પતિને દિલ્હી લઈ જવામાં આવ્યો હતો તે જ રીતે તેણે તેને સુરક્ષિત રીતે સુરતમાં તેના ઘરે પરત પહોંચાડવો જોઈએ જે તેઓએ કર્યું નથી.