બક્સરમાં કેન્દ્રીયમંત્રીના કાફલા પર પથ્થરમારો, મંત્રીજી માંડ-માંડ જીવ બચાવીને નિકળ્યાં

લખનઉ : બિહારના બક્સરમાં કેન્દ્રીય રાજ્યમંત્રી અશ્વિની કુમાર ચોબેના લોકોના ગુસ્સાનો સામનો કરવો પડ્યો હતો. આ દરમિયાન તેમના કાફલા પર પથ્થરમારો કરવામાં આવ્યો. તેમની વિરુદ્ધ નારેબાજી કરવામાં આવી અને અશ્વિની ચોબે મુર્દાબાદના નારા પણ લાગ્યા હતા. બક્સર-ચૌસાના બનારપુર પહોંચેલા કેન્દ્રીય મંત્રીને સુરક્ષા કર્મચારીઓને તેમની આસપાસ ઘેરો કરીને સુરક્ષીત રીતે બહાર કાઢ્યા હતા.

• ‘અમે સ્યુસાઇડ કરીએ છીએ’- અમદાવાદમાં USAથી આવેલા દાદા-દાદીએ ગળે ચાકુ ફેરવ્યું

અત્રે ઉલ્લેખનીય છે કે, કેન્દ્રીય મંત્રી અશ્વિની ચોબે થર્મલ પાવર પ્લાન્ટ પર પથ્થરમારો અને આગની ઘટના બાદ ખેડૂતો સાથે વાતચીત કરવા માટે બનારપુર ગામ પહોંચ્યા હતા. આ દરમિયાન તેમણે થોડા સમય માટે ખેડૂતો સાથે વાતચીત પણ કરી હતી. જો કે અહીં ઉમટી પડેલી ભીડ ઉગ્ર થઇ ચુકી હતી. ચોબે બક્સરના સાંસદ પણ છે.