‘બતાવો કેવી રીતે કરી હત્યા’ નવસારીના વિનય હત્યાકાંડમાં પોલીસે આરોપીઓને સ્થળ પર લઈ જઈ પુછ્યું

નવસારીઃ નવસારીમાં ચકચારી એવા ચીખલીના વિનય હત્યાકાંડને લઈને અહીંના વાતાવરણમાં એક અલગ જ પ્રકારની તંગદીલીનો અનુભવ થાય છે. ચીખલીના વિનય હત્યાકાંડ થતા જ પોલીસ પણ એલર્ટ થઈ ગઈ હતી અને તાત્કાલીક જિલ્લા પોલીસ વડા સહિતનો મોટો કાફલો સ્થળ પર દોડી ગયો હતો. કોઈ અનિચ્છનીય બનાવ ન બને તે માટે અલગથી પોલીસ બંદોબસ્ત પણ ગોઠવી દીધો હતો. વિનયની હત્યાના આરોપીઓને પોલીસે ગણતરીના કલાકોમાં પકડી પાડીને તેમની પાસે ઘટનાનું રિકન્સ્ટ્રક્શન કર્યું હતું. પોલીસ તેમને કાયદેસરની કાર્યવાહીને અંતર્ગત સ્થળ પર લઈ ગઈ હતી અને તેમને પુછ્યું હતું કે તેમણે આ હત્યા કેવી રીતે કરી હતી. જોકે હજુ હત્યા પાછળનું કારણ શું હતું તે સામે આવ્યું નથી.

ત્રણ બાઈક સવારોએ કર્યો હતો હુમલો
ચીખલીમાં વિનય પટેલ સરકારી કોન્ટ્રાક્ટર તરીકે કામ કરતો હતો. છેલ્લા ઘણા સમયથી એસીબીને માહિતી આપીને ચીખલીમાં ભ્રષ્ટ સરપંચો સામે તેના દ્વારા મોરચો ખોલવામાં આવ્યો હતો. કોલેજ સર્કલ પાસે આ યુવક પોતાના વાહન પર જઈ રહ્યો હતો ત્યારે બે બાઈક પર ત્રણેક શખ્સો આવ્યા અને લોખંડની પાઈપ વડે હુમલો કર્યો હતો. જેમાં વિનય પટેલનું મોત થયું હતું. આ ઘટના પછી આ ત્રણે શખ્સો જાણે હવામાં ઓગળી ગયા હોય તે રીતે ત્યાંથી ફરાર થઈ ગયા હતા. મામલાની જાણ થતા ઉચ્ચ પોલીસ અધિકારીઓ સહિતનો કાફલો સ્થળ પર દોડી આવ્યો હતો. પોલીસે લાશને પોસ્ટ મોર્ટમ માટે ખસેડીને સીસીટીવી ઉપરાંત અન્ય રીતે પણ આરોપીઓને પકડી પાડવાની તજવીજ હાથ ધરી અને ગણતરીના કલાકોમાં ત્રણ આરોપીને પકડી પાડ્યા હતા.

અમદાવાદઃ આડેધડ વાહન પાર્ક કરનારની હવે ખેર નહીં, ટ્રાફિક પોલીસ ઉપરાંત AMC પણ લેશે દંડ

પોલીસે આ ઘટનામાં ત્રણ અજાણ્યા શખ્સો દ્વારા હત્યાને અંજામ અપાઈ હતી. તેમાં આરોપીમાં વશિષ્ટ હસમુખ કોળી પટેલ, રાહુલ પાંચાભાઈ રબારી અને જીગ્નેશ જીવણ પરમારની ધરપકડ કરી છે. પોલીસે તેમની ધરપકડ કર્યા પછી ઘટનાનું રિકન્સ્ટ્રક્સન કરાવવા માટે તેમને મોટા પોલીસ બંદોબસ્ત સાથે સ્થળ પર લઈ ગઈ હતી. પોલીસે તમામ આરોપીને પકડીને વધુ કાર્યવાહી હાથ ધરી છે. આવો જાણીએ ડીવાયએસપી સંજય રાય શું કહે છે.

પાલનપુર SOGની ટીમે પકડ્યા આરોપીઓને
નવસારીના ચીખલી ગામમાં બે દિવસ અગાઉ કોલેજ નજીક ત્રણ અજાણ્યા બાઇક પર આવેલા હુમલાખોરોએ નિવૃત પોલીસ કોન્સ્ટેબલના પુત્ર વિનય પટેલની માર મારી હત્યા કરી હતી. જે કેશમાં ભાગેડુ આરોપી પૈકી બે ને ઝડપવા પોલીસે તેમના ફોટા વિવિધ પોલીસ મથકોએ મોકલ્યા હતા. જેમાં પાલનપુર એસઓજી ટીમે બે આરોપીઓ પાલનપુરથી ઝડપી પાડયા છે. એસઓજી પીઆઇ એમ.જે.ચોધરી અને ટીમે બનાસ હોટલ નજીકથી આ હત્યાને અંજામ આપનાર બે આરોપીઓ બાતમી અને ફોટા આધારે ઝડપી પાડયા છે. જેમાં ઝડપાયેલા હત્યારાઓના નામ ઠામ પુછતા વશિશ હસમુખભાઈ કોળી (ઉમર વર્ષ ૨૪) રહે, ચીખલી, ખૂંધ પોખલા તેમજ રાહુલ પાંચાભાઈ રબારી, ચીખલી ખોડવેલ ચોકડી, મૂળ રહે, કુદવા તાલુકો કાંકરેજ જિલ્લો બનાસકાંઠાનો હોવાનું જણાવ્યું હતું. આમ ચીખલીમાં પોલીસપુત્ર એવા યુવકની હત્યા કરનાર આરોપીઓ પૈકી બે આરોપીઓને એસ.ઓ.જી બનાસકાંઠાએ ઝડપી પાડ્યા હતા.

(ઈનપુટઃ રોનક જાની, નવસારી/ ધનેશ પરમાર, બનાસકાંઠા)

તમારા વ્હોટ્સએપ પર વધારે સમાચારો અને બ્રેકિંગ ન્યૂઝ મેળવવા માટે ક્લિક કરો…