AHMEDABAD ની એલજી મેડિકલ કોલેજનું નામ હવે નરેન્દ્ર મોદી મેડિકલ કોલેજ

અમદાવાદ : શહેરની ખ્યાતનામ એલજી હોસ્પિટલની મેડિકલ કોલેજનું નામ પણ હવે બદલાવા જઇ રહ્યું છે. એલજી હોસ્પિટલની પાછળના હિસ્સામાં આવેલી મેડિકલ કોલેજનું નામ બદલીને હવે નરેન્દ્ર મોદી મેડિકલ કોલેજ રાખવામાં આવશે. આ અંગેની સ્ટેન્ડિંગ કમિટીમાં દરખાસ્ત મુકવામાં આવી હતી. જેથી દરખાસ્તને કોર્પોરેશનમાં સર્વાનુમતે મંજુરી મળી જતા હવે મેડિકલ કોલેજનું નામ બદલીને નરેન્દ્ર મોદી મેડિકલ કોલેજ કરવામાં આવશે.

અત્રે ઉલ્લેખનીય છે કે, આ બીજી વખત છે જ્યારે અમદાવાદમાં કોઇ સ્થાપત્યનું નામ બદલવામાં આવી રહ્યું હોય. અગાઉ સરદાર વલ્લભભાઇ પટેલ સ્ટેડિયમનું નામ બદલીને નરેન્દ્ર મોદી સ્ટેડિયમ કરી દેવાયું હતું. આ ઉપરાંત આ સ્ટેડિયમના સમગ્ર સંકુલનું નામ સરદાર સંકુલ કરી દેવાયું હતું.

અમદાવાદ મ્યુનિસિપલ કોર્પોરેશન દ્વારા જ હવે એલજી હોસ્પિટલ સંકુલમાં આવેલી મેડિકલ કોલેજનું નામ બદલીને નરેન્દ્ર મોદી મેટ કોલેજ આપવામાં આવશે. એએમસીની સ્ટેન્ડિંગ કમિટીમાં આ નિર્ણય લેવામાં આવ્યો હતો.