દાદીએ કમાલ કરીઃ જામનગર પોલીસ કેવી રીતે પહોંચી ચેઈન સ્નેચર ટોળકી સુધી

દર્શન ઠક્કર.જામનગરઃ આ વાત છે જામનગર જિલ્લાના જામ જોધપુર ગામની. અહીં તા.૨૯ જાન્યુઆરી થી ૪ ફેબ્રુઆરી સુધી ગુરુ વંદના મહોત્સવની ઉજવણી કરવામાં આવી છે, જ્યાં કથા સાંભળવા મોટી સંખ્યામાં દૂર દૂરથી હરિભક્તો ઉપસ્થિત રહ્યા હતા. તા.૦૧-૦૨-૨૦૨૩ ના રોજ જ્યારે સમગ્ર માહોલ કથામય હતો અને સભાખંડથી થોડી જ દુરી પર પ્રસાદી લેવા માટેના કાઉન્ટરો લાગ્યા હતા, ત્યાં અચાનક મુખ્ય દરવાજા પરથી ચેન ચોરાયાની બુમ પડી…. બુમ સાંભળતાં જ દરવાજા પાસે સ્વયંસેવક તરીકે પોતાની સેવા આપતાં પ્રતિમાબેન જાનીની નજર ચેન ચોરનાર બેન પર જતા જ તેને પકડી પાડી, તેણે ભાગી છુટવા માટે ઝપાઝપી કરી હતી… પરંતુ પ્રતિમાબેને હિંમતભેર સામનો કરી એ મહિલાને પકડી રાખી. બાદમાં પોલીસને બોલાવી તેને સોંપી દેવાઈ હતી.

Breaking: વલસાડની ઉમરગામ GIDCમાં લાગી આગ, મેટલ ક્રાફ્ટ કંપનીમાં ભીષણ આગ લાગતા દોડધામ

મહિલાને લઈ ગયા અલગ રૂમમાં અને પુછ્યું
જામનગરના ગુરુવંદના મહોત્સવ દરમિયાન મહિલા સ્વયંસેવક પ્રતિમાબેન જાની દ્વારા ચેન ખેંચાયાની બુમ પળતા જ સતર્ક અને હિંમત ભેર ચેઈન તોડનારને ઝડપી પાડી હતી. ત્યારબાદ એ મહિલાને અલગ રૂમમાં લઇ ગયા જયાં વધુ પૂછપરછ કરતાં તેણે જણાવ્યું હતું કે તેની સાથે અન્ય બહેનો પણ હતી અને તેઓની યોજનાબદ્ધ હતી. આ સમગ્ર બનાવ પછી પોલીસને બોલાવી તેને સોંપી દેવામાં આવી હતી.

અદાણી મામલામાં આખરે બોલ્યું SEBI, કહ્યું… બજાર જોડે કોઈ રમત…

પોલીસ સામે આવી આવી હકીકત
તે પછી પોલીસે ઉંડાણપૂર્વક તપાસ કરતા વધુ વિગત જાણવા મળી અને તેમણે આખો ઘટનાક્રમ બતાવ્યો અને જાણવા મળ્યું કે, તેમની ૧૫ લોકોની ટોળકી છે. જે રાજસ્થાનથી ગુજરાતમાં ચોરીના ઈરાદાથી આવી છે. જામજોધપુર પોલીસે જામનગર એલસીબીને જાણ કરી હતી અને તેઓને કુલ ૧૭ લાખ ૫૫ હજાર ૫૦૦ રૂપિયાના મુદ્દા માલ સાથે પૂરી ટોળકીને ઝડપી પાડી હતી. જામજોધપુર પોલીસ અને એલસીબી જામનગરે પોતાની ટીમ સાથે તરત જ એક્શન લઈને આવા અન્ય કિસ્સા થતા અટકાવ્યા હતા અને ગુનાહિત કૃત્યો આચરતી એક આંતરરાજ્ય ગેંગનો પર્દાફાશ કર્યો હતો. જે સમગ્ર ઘટનાના મૂળમાં ક્યાંકને ક્યાંક પ્રતિમાબેન જાની નિમિત્ત બન્યા હતા. પ્રતિમાબેન જાની પોતે ૫૦ વર્ષના હોવા છતાં પણ પોતાની સમયસૂચકતા અને હિંમતને કારણે પ્રજાહિતનું અને સમાજસેવાનું કાર્ય પાર પાડ્યું હતું.

Breaking: ગુજરાતમાં જંત્રી બમણી કરવાનો નિર્ણય: સોમવારથી થશે અમલ

હિંમતવાન પ્રતિમાબેને શું કહ્યું?
પ્રતિમાબેન જાનીના જણાવ્યા મુજબ,”કોઈપણ સેવાકાર્ય કરીએ તો ભગવાન આપણને સાથ આપે જ છે. આપણે ડર્યા વગર મુશ્કેલીનો સામનો કરવો જોઈએ. હિંમત અને સદકાર્યો કરવા માટે ઉંમરને કોઈ લેવાદેવા નથી.” ખરેખર, પ્રતિમાબેન જાની પાસેથી સમાજે ઘણું શીખવા જેવું છે, જેથી સમાજને નુકસાન પહોંચાડનાર તત્વો પણ આવા કૃત્યો કરતાં અનેક વાર વિચારે.

તમારા વ્હોટ્સએપ પર વધારે સમાચારો અને બ્રેકિંગ ન્યૂઝ મેળવવા માટે ક્લિક કરો…